Sélimɛ 19:2 - Cebaara Bible 2010

² Níì jo: «Ni kàfɔɔlɔ, mii i yele nyɛ́ɛri, ki n yɛlɛ ye ba tìrige mii ma, mii wi nyɛ lè yele púlow, yé yele tɔ́lɔyi jée yé syɔ́ɔn naa mii kpáagi ni. Ki ga pye nyɛ̀ʔɛna nyǐngi nyɔ́ɔ na, yele a náa taʔa fala yele tánʔani na.» A be jo: «Eʔe, wolo a syɔ́ɔn kadàlagi na.»

Sélimɛ 19:2 Iomraidhean Croise

Sélimɛ 18:4

Pe a pan ní lɔ̀ʔɔ cɛɛri ní ba yele tɔ́lɔyi jée, yé ŋɔ́n ye daa tíigi naa láara ni.

Sélimɛ 19:1

A nyɛ̀ʔɛni tundunbéle siin sáà nan Sodɔmi na cângwɔɔgi nyɔ́ɔ na. Lɔti si maa pye wodɛ́ɛɔn ní Sodɔmi kpàánweeli na. A wi ga nyɛ̀ʔɛni tundunbéle nyaa, a wi fala n yìri bi sa be fàra, ní sáà too n wi yɛ́ɛgi cíbele tári na pe yɛʔɛ̀ ma.

Sélimɛ 19:3

Kàjáa Lɔti maa tɔ̀nɔ n wári be na gbanʔama. A be lúru n kári n sáà tìrige wi kpáagi ni. A wi sámaga n sɔʔɔ be na níì levé fun búru sámaga, a be lìi.

Sélimɛ 24:31

A Laban wi pye: «Da maa mi ba tìrige wolo tɛ́ʔɛ ma, mɔ wee na Yawe dùbaw taʔa lè. Nyàʔá na mɔ yére nɛɛ kàfugi na? Mii n kpáagi sámaga yaà, ní wɔ́ɔ̀ tɛɛgaa sámaga yaà mɔ falibaayi ma.»

Sélimɛ 43:24

A nǎnw bee kári ní be ní n sáà lége Zyozɛfu kpáagi ni, níì lɔ̀ʔɔ kaan be ma, a pe be tɔ́lɔyi jée. Ní wɔ́ɔ̀ lìile kaan be jòfanibèle ma.

2 Samyɛli 11:8

Koro kàdoʔo ma a Davidi Urii pye: «Da syée mɔ kpaʔa ma mi sa mɔ tɔ́lɔyi jée.» A Urii yiri fànʔafɔ-gbaagi ni. A fànʔafɔw kpɔʔɔrɔ tórigo wi kurugo.

Zyɔbi 31:32

Nibɔɔn da ni syɔ̀ɔ́n kàfugo na í, mii maa ni mii kpáagi múru kùsɛɛbèle ma.

Kàseegèle 25:17

Mɔ tɔ́lɔgi jéele yaʔa li kpere mɔ syɛɛnnyɛnw kpaʔa ni, koro ga pye mɔ a kɔ́ wi sàri, wi kɔ́ mɔ para í.

Ŋúnudaangi 5:3

Mii n mii búrogi wòlo, mɛ̀ɛ́ si mii a ní gi le bi sɛ́ɛ? Mii n mii tɔ́lɔyi jée, mɛ̀ɛ́ si mii a ní yi nɔ́nʔɔ bi sɛ́ɛ?

Luki 7:44

A wi fíige céw ma níì Siimɔn pye: «A mɔ céw naa nyaa lé? Mii n jée mɔ kpáagi ni, mɔ ga tɔjeelɔʔɔ kaan mii ma í, á céw naa si tɔ̀nɔ n mii tɔ́lɔyi jée ní wi nyatinmi ní, níì yi kurugo ní wi ǹjoori ní.

Zyan 13:5

Koro kàdoʔo ma a wi lɔ̀ʔɔ le tásaʔa ni n tɛ́ʔɛ ni pìitamabèle tɔ́lɔyɔ jé ni sɔ̀lɔ́, ní i yi kurugu ní fàniw ní, wee wi da pwɔɔ wiyɛɛ na lè.

Kapyegèle 16:15

A woro ní wi kpáagi wòolo batɛmiw kpéʔele, a wi náà wolo nyɛ́ɛri níì jo: «Yele ga ni mii córo tágafɔlɔ Kàfɔw ni, ye mii pɔʔɔ, yé sa tìrige mii kpaʔa ma.» A wi joo n wári wolo na, a wolo fɔ̀lɔ.

Heburubèle 13:2

Ki ga yɛlɛ yele í fɛ̀ʔɛ nibɔndirigeri na í, níì cán kánmi bee na pèle da nyɛ̀ʔɛni tundunbéle nibɔnrɔ pye, n gi yaʔa pe ga be cán í.