Sélimɛ 19:16 - Cebaara Bible 2010

¹⁶ Lɔti si maa kòro ni sɔ̀ʔɔ sɔ́ʔɔ. A nǎnbèle wi cò kɔ́gi na, n fàra wi céw ní wi pìíbèle siin na n yiri kěgi kàdoʔo ma, níì cán a Yawe da gi yìrige bi wi syɔɔ wii.

Sélimɛ 19:16 Iomraidhean Croise

Sélimɛ 19:15

A ki ga pye nyǐnjerigi na, a nyɛ̀ʔɛni tundunbéle Lɔti wáriga n láa níì jo: «Ki n yɛlɛ mi yìri maa syée ní mɔ céw ní, n fàra mɔ calipiigèle siin na ge nyɛ nɛɛ naa lè, koro ga pye yele í syɔɔ gàlagíw ma wi a nan kěgi naa na lè.»

Sélimɛ 43:10

Kapye wolo da caà kòro n mɔn naa nya í, níbeena wolo maa tánʔagéle siin pye n kwɔ́ɔ n lúru n pan.»

1 Cányi kèlē 16:34

Yaa bariga kaangi Yawe ma, níì cán wi n nyɔɔ, níì cán wi funjǎngi a tée kwɔ́ɔ í.

Ŋúnuyi 103:13

Amɛɛ tofɔlɔ nyinimɛ taagi wi pìíbèle na lè, kánmi bee na Yawe nyinimɛ taagi wi yɛ́ɛgi fyáafɔɔlɔ na.

Ŋúnuyi 106:1

Aleluya! Yaa bariga kaangi Yawe ma, níì cán wi n nyɔɔ, níì cán wi funjǎngi a tée kwɔ́ɔ í!

Ŋúnuyi 106:8

Kàjáa wi n sèʔê be syɔɔ wiyɛɛ mɛ́ɛgi kéele na koro ga pye bi wiyɛɛ séekpɔɔw tɛ̀ɛn.

Ŋúnuyi 107:1

Yaa bariga kaangi Yawe ma, níì cán wi n nyɔɔ, níì cán wi tàmagi a tée kwɔ́ɔ nyáana í!

Ŋúnuyi 111:4

Wi n gi yaʔa paa sɔ̀ngí da taagi wi bìngaari kèlē na. Yawe i nyɛ fûnnyinge fɔ́lɔ, ní nyinidaaɔ.

Ŋúnuyi 118:1

Yaa bariga kaangi Yawe ma níì cán wi n nyɔɔ, wi funjǎngi a tée kwɔ́ɔ í!

Ŋúnuyi 119:60

Mii ga gi yaʔa kàdoʔo ma í, mii n kɔlɔ̀ wári ni sɔ̀ngí mɔ kajoodɛɛngèle kéele na.

Ŋúnuyi 136:1

Yaa Yawe kpɔ̀ʔɔrɔ́, níì cán wi n nyɔɔ, níì cán wi funjǎngi a tée kwɔ́ɔ í!

Ŋúnuyi 32:10

Wɔʔɔyɔ saʔa a syɛɛnpeew taa, wee si wi wiyɛɛ kàlifáa Yawe ma lè, wi funjǎngi n wee bee màʔa.

Ŋúnuyi 33:18

Wéle, bele be fɛ̀ɛgí Yawe na lè, wi nyɛnɛ i nyɛ bele bee na, poro bele be be sɔ̀ngumi taʔa wi funjǎngi na lè.

Ŋúnuyi 33:19

Koro ga pye wi be pìígèle syɔɔ kùu ma, sáā be gbóo kateegi làla ni.

Ŋúnuyi 34:12

Yaa maa, ni pìibēle, ye ba mii syɛ́ɛnri lóʔo! Mii a yele tama Yawe yɛ́ɛgi fyáara na.

Ŋúnuyi 86:15

Kàjáa Kàfɔw, mɔ wi nyɛ fûnnyingi ní nyinidaari Kolocɔlɔɔ, mɔ fúngi o taanri kelekele í, mɔ nyínimi n nɛʔɛ, mɔ si wɔ́ɔ i nyɛ tágala syɔ́ɔn.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Yirile 34:6

A Yawe sɔ̀lɔ wi yɛʔɛ̀ ma níì jo: «Mii Yawe, mii Yawe wi nyɛ nyinidaari Kolocɔlɔɔ, wee wi nyɔɔgi syɔɔn na lè, mii fúngi o wári taanri í. Mii i nyɛ funjàngafɔlɔ ní tágala syɔ́ɔn, dee bee i nyɛ mii ma saʔa,

Yirile 34:7

mii wee wi funjànga kpéʔele ní syɔɔn ní lè bi taa sa nan yòdaʔayi yìrigēle saala kagunɔ na, ní i kolomi ní làlwaw céele ní kapeele kùsulugo syoo. Kàjáa mii o tànʔa kaangi kolomɔ fɔ́lɔ ma í. Mii i tofɔbèle kolomɔ gɔlɔ́ wóo pe jáabèle ní be pìinyanbiiyi na bi taa sa nan yòdaʔayi yìrigēle taanri ní yòdaʔayi yìrigēle sicɛrɛ wólo na.»

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Kayaagi Nyɛnigɛ 3:22

Koro gi nyɛ àmɛɛ Yawe funjǎngi nyɛ lè ki ga kwɔ́ɔ í, wi nyinidaari si ga wɔ́ɔ̀ nan ti tɛɛ̀laʔali na í.

Córolo 14:18

‹Yawe fúngi o taanri kelekele í, wi n nyìn funjǎngi na, wi i kolomi ní kapeegèle kùsulugo syoo. Wi o tànʔa kaangi kolomɔ fɔ́lɔ ma í. Wi i tofɔbèle kolomɔ gɔlɔ́ wóo be pìíbèle na fwɔɔ bi taa sa nan be yòdaʔayi yìrigēle taanri ní sicɛrɛ wóbèle na.›

Luki 18:13

Kàjáa a wálisyɔɔw yére tɛɛ̀leelige ni, àlí wi ga fɔ̀lɔ bi wi nyúngi yìrige ǹjoʔo ma bi nyɛ̀ʔɛni wéle í, ní i wiyɛɛ gbúmɔn fìcibigi ni níì jo: ‹Kolocɔlɔɔ, mi nyinimɛ taa mii na, mii wee wi nyɛ lè kapeebyeo.›

Zyan 6:44

Tofɔw wi mii tun lè, syɔɔn faala a gbǎn pan mii ma wee bee kílele kadoʔo na í. Mii si a ba syɔ́ɔnw bee nyán yirige dulunyanw cângwɔʔɔ canʔa na.

Wɔrɔmi ye 9:18

Gee bee na wee na wi ga ni caa bi nyinimɛ taa lè, wi n bi taa wi na, wi ga wɔ́ɔ ni caa bi wee zɔ̀n gbàn lè, wi n wi gbàn.

2 Korɛnti ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi lè Tofɔw, wee nyínimɛ bi nɛʔɛ lè, ní wɔ́ɔ i nyɛ Kolocɔlɔɔ wee wi syɔɔn kɛɛlɛ kérigèle myɛ ni lè,

Làlwaw Kaanziin 4:31

Níì cán Yawe mɔ Kolocɔlɔw i nyɛ nyinidaara Kolocɔlɔɔ, wi a mɔ cée í, wi a mɔ kálagi í, wi a fɛ̀ʔɛ joogaanni na wi kpéʔele lè ní kàliga ní mɔ tóolɛɛbèle ma í.

Làlwaw Kaanziin 5:15

Sɔ̀ngi mi taa gi na mi cán mɔ maa pye puloo Ezyipiti tári ni, á Yawe mɔ Kolocɔlɔw mɔ yirige yaà ní sée kɔ́lɔ ní, ní kɔ̂zánʔaga ní, koro na Yawe mɔ Kolocɔlɔw gi joo n gbàn mɔ ma níì jo mɔ í cândɛnɛgi yaʔa.

Làlwaw Kaanziin 6:21

Mɔ a mɔ jáaw pye: ‹Wolo maa pye pulobèlē Faraɔnw ma Ezyipiti ni, á Yawe wolo yirige Ezyipiti ni ní fannɛʔɛgɛ kɔ́lɔ ní.

Làlwaw Kaanziin 7:8

Kàjáa a yele kéeli Yawe dɛ́nɛ wii, wi si wɔ́ɔ i caa bi kàligi foro, gee wi da kpéʔele yele tóolɛɛyi ma lè, koro na Yawe yele yirige ní fànnɛʔɛgɛ kɔ́lɔ ní, n yele yirige púlori kpaʔa ni n yaʔa yeyɛɛ ma. Wi n yele syɔɔ n yirige Faraɔnw kɔ́lɔ ni, Ezyipiti fànʔafɔw.

Tiiti 3:5

a wi wolo syɔɔ, wolo kasinbyeri kéele si na ban wi gee bee kpéʔele í, wi nyínimi báriga ni wi wolo syɔɔ, wi n wolo séli n see kavɔn àmɛɛ wi wolo fúnyi jée n mùnu lè, níì yi sámaga wovɔnyɔ ní Pìicǎnni báriga ni lè.

Zyozuwe 6:22

Nǎnbèle siin pe da sáà tári saanri n wéle lè, a Zyozuwe be pye: «Ye sa jée nànjaacew kpaʔa ni ye céw bee ní wi kpáagi wòolo myɛ yirige naa bi yɛlɛ ní kàligi ní yele da kpéʔele wi ma lè.»

2 Pyɛri 2:7

Wi si maa Lɔti syɔɔ, wi pye lè syɛɛnsinw, kapeebyebèle nàʔama maa tɔ̀nɔ ni Lɔti fɔ̀rɔgí wi fúngi ni, àmɛɛ pe da ni kanɔnʔɔbeeri kpéʔele lè.

2 Pyɛri 2:9

Kánmi bee na Kàfɔw gi cán àmɛɛ wi a gbǎn wi yɛ́ɛgi fyáafɔɔlɔ yirige be kagbanyi ni lè, si syɛɛnnaa-sìnzinbèle kɔn wɔʔɔgi kánma na kútiiw canjerige yɛ́ʔɛ na,