Sélimɛ 19:1 - Cebaara Bible 2010

¹ A nyɛ̀ʔɛni tundunbéle siin sáà nan Sodɔmi na cângwɔɔgi nyɔ́ɔ na. Lɔti si maa pye wodɛ́ɛɔn ní Sodɔmi kpàánweeli na. A wi ga nyɛ̀ʔɛni tundunbéle nyaa, a wi fala n yìri bi sa be fàra, ní sáà too n wi yɛ́ɛgi cíbele tári na pe yɛʔɛ̀ ma.

Sélimɛ 19:1 Iomraidhean Croise

Sélimɛ 11:27

Tera yòdaʔayi wéle yee. Tera n Abirami, ní Nahɔri, ní Haran see, á Haran Lɔti see.

Sélimɛ 13:12

A Abirami kòro yaà Kanaan tári ni, á Lɔti sáà kòro tɛɛfiigi kèye ni, ní sáà wi fànikpaayi kóri Sodɔmi taana.

Sélimɛ 18:16

A nǎnbèle yìri yaà beè ni syée ní i wéle Sodɔmi kàbangi na. A Abirahami pínɛ ni syée ní be ní bi sa be tórigo.

Sélimɛ 18:22

A nǎnbèle wàli yaà beè n fala Sodɔmi ma. Abirahami si maa sèʔê pye woyéreo ní Yawe yɛ́ʔɛ ma.

Sélimɛ 19:10

A nyɛ̀ʔɛni tundunbéle fala n kɔ́yi sánʔa n Lɔti cò n lúrugo n lége kpáagi ni peyɛɛ gurugo níì kɔ̀rigi tɔ́n.

Sélimɛ 19:2

Níì jo: «Ni kàfɔɔlɔ, mii i yele nyɛ́ɛri, ki n yɛlɛ ye ba tìrige mii ma, mii wi nyɛ lè yele púlow, yé yele tɔ́lɔyi jée yé syɔ́ɔn naa mii kpáagi ni. Ki ga pye nyɛ̀ʔɛna nyǐngi nyɔ́ɔ na, yele a náa taʔa fala yele tánʔani na.» A be jo: «Eʔe, wolo a syɔ́ɔn kadàlagi na.»

Sélimɛ 23:12

A Abirahami too n cíbele tári bee syɛ̀ɛnnɛ yɛ́ʔɛ ma

Sélimɛ 48:12

Lǎli bee ni a Zyozɛfu be láʔa wi tóow yégunyo na níì tìgi n too n yɛ́ɛgi cíbele tári na.

Zyɔbi 29:7

Mii maa pye mii ga ni yìrigí ni syée kěgi kpàánweele ma, ní sa ni mii kǒli cáan kadàlagi na,

Zyɔbi 31:32

Nibɔɔn da ni syɔ̀ɔ́n kàfugo na í, mii maa ni mii kpáagi múru kùsɛɛbèle ma.

Ŋúnuyi 69:12

Mii i gɔ̀nvaʔaga nii burogo, a mii pye be ma kàseewáa-yáriga.

Luki 17:28

Ki si a wɔ́ɔ ba pye àmɛɛ ki da pye lè Lɔti lǎli ni. Syɛ́ɛnbèle maa kòro ni líi, ní i gbo, ní i yáriri syoo, ní wɔ́ɔ i pára, ní i fála, ní i kpáayi faanri.

Heburubèle 13:2

Ki ga yɛlɛ yele í fɛ̀ʔɛ nibɔndirigeri na í, níì cán kánmi bee na pèle da nyɛ̀ʔɛni tundunbéle nibɔnrɔ pye, n gi yaʔa pe ga be cán í.

Wuruti 4:1

A Bowɔzi lúgu n kári kpàánweeli ma n sáà tɛ́ɛn yaà. Wéle, wee má nyùnzyɔɔri fànʔa nyɛ lè, woro wee kéele Bowɔzi da joo lè, a woro kàri ni sɔ̀lɔ́. A Bowɔzi wi pye: «Yɔrɔɔ, da maa, ba tɛ́ɛn nɛɛ naa.» A wi pan n baa tɛ́ɛn.