Sélimɛ 18:9 - Cebaara Bible 2010

⁹ Lǎli bee ni a be wi yíbe níì jo: «Sán mɔ céw Sara nyɛ?» A wi jo: «Wi i yaà fànikpaagi ni.»

Sélimɛ 18:9 Iomraidhean Croise

Sélimɛ 18:10

A pe wàa nibin jo: «Mii a lúru pan mɔ ma yɛɛláa ma, mɔ céw Sara a ba nànbile see.» Sara si maa pye fànikpaagi kpaaweele na Abirahami kàdoʔo ma ní i lúro.

Sélimɛ 18:8

A wi nɔ́nɔ-tanʔaga ní nɔ́nɔ láa n fàra náapiigi káara na be sámaga lè, ní sáà di tɛ́ʔɛ be taana, á woro tiimaa yére be taana tíigi láara ni, á be lìi.

Sélimɛ 24:67

A Izaaki kári ní Erebeka ní n sáà lége wi nɔ́ɔw Sara fànikpaagi ni. A Erebeka baa pye Izaaki cɔ́ɔ, a Erebeka kéeli wi dɛ́nɛ. Kánmi bee na kéeli bee Izaaki kpɛʔɛlɛ wi nɔ́ɔw kùu kéele na.

Sélimɛ 3:9

A Yawe Kolocɔlɔɔ si nǎnw yeri, níì wi yíbe níì jo: «Sán mɔ nyɛ?»

Sélimɛ 31:33

A Laban jée Zyakɔbi fànikpaagi ni, n jée Leya wógi ni, ní falipyecebèle siin wóʔo ni, wi ga wi kolocɔlɔbèle nyaa í. Wi yiri lè Leya fànikpaagi ni, a wi jée Arasyɛli wógi ni.

Sélimɛ 4:9

A Yawe Kayɛn yíbe níì jo: «Sán mɔ cɔnɔw Abɛli nyɛ?» A Kayɛn jo: «Mii ga cán í. Mii lé wi nyɛ mii cɔnɔw kpaàweleo?»

Tiiti 2:5

si pye yákirifɔɔlɔ, ki ga yɛlɛ be pye kanɔnʔɔbyebèlē í, ki n yɛlɛ paa be kpáayi fáli kpéʔele, si wɔ́ɔ pye funjànya fɔ̀ɔlɔ sáā lúro be tiimaa nǎnbèle ma, koro ga pye Kolocɔlɔɔ syɛ́ɛnri mɛ́ʔɛ a kɔ́ kálagi í.

Heburubèle 11:9

Tágali báriga ni wi da tɛ́ɛn nyɔɔfaligi tára ni àmɛɛ nibɔɔn nyɛ lè, fànikpaaya ni wi da ni kòró, ànbée si Izaaki ní Zyakɔbi da wɔ́ɔ baa gi kpéʔele, be pye lè wi kɔriliinyɛnbèle nyɔɔfaligi bee wonijanga ni.