Sélimɛ 18:12 - Cebaara Bible 2010

¹² A wi i gi tɛ́ʔɛ wiyɛɛ fúngi ni níì jo: «Mii wi yɛ́rɛ n kwɔ́ɔ lè wee, sɔ̀nguri si ní jée lé mii ni? A mii kàfɔw si wɔ́ɔ̀ lɛɛ n kwɔ́ɔ.»

Sélimɛ 18:12 Iomraidhean Croise

Sélimɛ 17:17

A Abirahami too n yɛ́ɛgi cíbele tári na ní i gi tɛ́ʔɛ. Níì gi joo wiyɛɛ fúngi ni níì jo: «Nàɔn í yɛ̀ʔɛlɛ dabata taa lé si ní gbǎn pyà see? Ba Sara wi yɛ̀ʔɛlɛ togoye sicɛrɛ ní kpɔrigɔ taa lè, woro í gbǎn pyà see lé?»

Sélimɛ 18:13

A Yawe gi joo Abirahami ma níì jo: «Nyàʔá na Sara gi tɛ́ʔɛ ní i gi nyuu níì jo: ‹Kányɛʔɛ na a mii a ní gbǎn pyà see lé, mii wi lɛɛ n kwɔ́ɔ lè wee?›

2 Fànʔafɔbèle 4:16

A Elize wi pye: «Yɛɛláa níbeena nyɔʔɔmɔ na mɔ a pyà cò kɔ́yi ni.» A wi jo: «Eʔê! Ni kàfɔlɔ, mɔ wi lè Kolocɔlɔɔ syɔ́ɔn, mɔ a kɔ́ mɔ falipyecew fáana í.»

Ŋúnuyi 126:2

Lǎli bee ni wolo nyɔ́ɔyi maa nyìn kataanri na, wolo nyíngèle maa ni fundaanra yákpogéle wáa. Lǎli bee ni a ki i nyuu syɛɛnfeleyi nínge ni níì jo: «Yawe n kakpoloyo kpéʔele be ma!»

Ŋúnuyi 45:11

Ki n yɛlɛ mi lóʔo, nɔ́ɔ̄, da wéle, mí mɔ líiyi sámaga mi cáan. Ki n yɛlɛ mi fɛ̀ʔɛ mɔ syɛ́ɛnbèle, ní mɔ tóow kpaʔa wòolo na.

Efɛzi ye 5:33

Koro ní ki myɛ ní ki n wɔ́ɔ̀ yɛlɛ yele myɛ nibin nibin í yele tiimaa cébèle kéele yaʔa li yele dɛ́nɛ àmɛɛ yele tiimaa céri yele dɛ́nɛ lè, céw si n yɛlɛ waa wi nǎnw kpɔ́ʔɔgi.

1 Pyɛri 3:6

àmɛɛ Sara da ni lúro Abirahami ma lè ní i wi yiri woro kàfɔlɔ. Kapye yele i kacǎngèle kpéʔele, yele si o fɛ̀ɛgí yarigaa faala na í, ye gi cán yele n náà pye Sara pìibēle.

Jàbɔbèle 19:26

A ki ga pye nyǐnwirimi na, a céw pan n baa too nǎnw kpaaweele na, wee kpaʔa ni wi nǎnw pye lè n kòro yaà fwɔɔ n taa a nyǐngi baa tali.