Sélimɛ 18:10 - Cebaara Bible 2010

¹⁰ A pe wàa nibin jo: «Mii a lúru pan mɔ ma yɛɛláa ma, mɔ céw Sara a ba nànbile see.» Sara si maa pye fànikpaagi kpaaweele na Abirahami kàdoʔo ma ní i lúro.

Sélimɛ 18:10 Iomraidhean Croise

Sélimɛ 16:10

A Yawe nyɛ̀ʔɛni tunduɔn níì wi yari: «Mii a mɔ yodaʔayi yaʔa yi nɛʔɛ gbanʔama, bi pye syɔɔn a gbǎn yi córo í.»

Sélimɛ 17:16

Mii a dùbaw taʔa wi na si wɔ́ɔ nànbile kaan mɔ ma wi bárigaw ni. Mii a dùbaw taʔa wi na, wi a ba pye syɛɛnfeleyaa nɔ́ɔ. Syɛɛnfeleyaa fànʔafɔɔlɔ a yiri wi ni.»

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 17:21

Gee si gi mii joogaanni kéele kwɔ́ɔ lè, Izaaki ní mii a li sogi, woro wee Sara a see mɔ ma lè yɛɛláa níbeena nyɔʔɔmɔ na.»

Sélimɛ 18:9

Lǎli bee ni a be wi yíbe níì jo: «Sán mɔ céw Sara nyɛ?» A wi jo: «Wi i yaà fànikpaagi ni.»

Sélimɛ 21:1

A Yawe kacànna pye Sara na, níì gi kpéʔele wi ma n yɛlɛ ní syɛ́ɛnri ní wi da joo lè.

Sélimɛ 21:2

A Sara baa fícɛnnɛ taa n nànbile see Abirahami ma bi gi taa Abirahami maa lɛɛ n kwɔ́ɔ, ki n pye lǎli tiimaa ni lee kéele Kolocɔlɔɔ da joo wi ma lè.

Luki 1:13

A nyɛ̀ʔɛni tunduɔn wi pye: «Zakarii, mɔ a kɔ́ ra fɛ̀ɛgí í. Níì cán Kolocɔlɔɔ n mɔ nyɛ́ɛrigi lóʔo. Mɔ céw Elizabɛti a pyà see mɔ ma nàɔn, mɔ a ra wi mɛ́ɛgi yiri Zyan.

Galasi ye 4:23

Kàjáa pulocew maa wi pìíw see n yɛlɛ ní céri kánma ní, á wɔ́rɔjew si wi wów see nyɔɔfaligi báriga ni.

Galasi ye 4:28

Yele si na, ni senyɛ̀nnɛ, yele i nyɛ nyɔɔfaligi jàala àmɛɛ Izaaki da pye lè.