Sélimɛ 18:1 - Cebaara Bible 2010

¹ Yawe n wiyɛɛ dɛ̀ɛn Abirahami na Mamire syɛni tíiri láara ni. Abirahami maa pye wodɛ́ɛɔn ní wi fànikpaagi kpaaweele na cángi làrigbanna ni.

Sélimɛ 18:1 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 13:18

A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Sélimɛ 14:13

A nànwaa fàn n syɔɔ n kári n sáà kéeli bee joo Abirami ma wi lè Heburuw. Abirami si maa pye wodɛ́ɛɔn ní Mamire syɛni tíiri nínge ni. Mamire wi da pye lè Amɔri ye wów, ní i nyɛ Ɛsyikɔli ní Anɛɛri senyɛnnɛ. Pe myɛ taanriw maa bɛ̀ɛ nibin na ní Abirami ní.

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 17:22

Lǎli ni Kolocɔlɔɔ syɛ́ɛnri bee joo n kwɔ́ɔ Abirahami ma lè, a wi núngo Abirahami taana n lúru n lúgu.

Sélimɛ 18:22

A nǎnbèle wàli yaà beè n fala Sodɔmi ma. Abirahami si maa sèʔê pye woyéreo ní Yawe yɛ́ʔɛ ma.

Sélimɛ 20:1

A Abirahami yìri yaà beè n kári wòrogulo tári ma ní sáà tɛ́ɛn Kadɛsyi, ní Syuri níngi ni, ní náa baa kári n sáà kòro Gerari ni.

Sélimɛ 26:2

A Yawe wiyɛɛ dɛ̀ɛn wi na níì wi pye: «Mɔ a kɔ́ kári Ezyipiti ma í. Táree mii ga tɛ̀ɛn mɔ na lè, ki n yɛlɛ mi tɛ́ɛn dee bee ni.

Sélimɛ 35:27

A Zyakɔbi lúru n pan wi tóow Izaaki ma, Mamire ma, Kiiriyati-Haariba taana, gi lè Heburɔn, beè Abirahami ní Izaaki da sáà tɛ́ɛn lè.

Sélimɛ 48:3

A Zyakɔbi gi joo Zyozɛfu ma níì jo: «Kolocɔlɔɔ wi nyɛ lè Séew Myɛ Kàfɔlɔ, wi n wiyɛɛ dɛ̀ɛn mii na Luzi ma, Kanaan tári ni níì dùba taʔa mii na,

2 Cányi kèlē 1:7

Yébiligi bee ni, a Kolocɔlɔɔ wiyɛɛ dɛ̀ɛn Salomɔn na níì wi pye: «Gee mɔ caa mii í kaan mɔ ma lè, ki nyɛ́ɛri.»

Yirile 4:1

A Mowizi wi yari: «Pe a sa tága mii na í, pe a fɔ̀lɔ bi lóʔo mii ma í. Kàjáa pe a gi joo si jo: ‹Yawe ga wiyɛɛ dɛ̀ɛn mɔ na í.› »

Kapyegèle 7:2

A Etyɛni be yari: «Mii senyɛnbèle, ní mii tóobèle, ye lóʔo! Kolocɔlɔɔ wi lè nìjangbɔɔri fɔ́lɔ, wi maa wiyɛɛ dɛ̀ɛn wolo tóow Abirahami na lǎli ni wi da pye lè Mezopotamii ni, sáni wi sa tɛ́ɛn lè Karan ni.

Heburubèle 11:9

Tágali báriga ni wi da tɛ́ɛn nyɔɔfaligi tára ni àmɛɛ nibɔɔn nyɛ lè, fànikpaaya ni wi da ni kòró, ànbée si Izaaki ní Zyakɔbi da wɔ́ɔ baa gi kpéʔele, be pye lè wi kɔriliinyɛnbèle nyɔɔfaligi bee wonijanga ni.

Heburubèle 13:2

Ki ga yɛlɛ yele í fɛ̀ʔɛ nibɔndirigeri na í, níì cán kánmi bee na pèle da nyɛ̀ʔɛni tundunbéle nibɔnrɔ pye, n gi yaʔa pe ga be cán í.

Zyozuwe 5:13

N Zyozuwe yaʔa Zyeriko taana, a wi kɔ́ɔ̀ wi yɛ́ɛgi yìrige n wéle n nànwaa nyaa wiyɛɛ yɛ́ʔɛ ma woyéreo ní, ŋɔsée si i nyɛ wi kɔ́gi ni wowaaɔ ní. A Zyozuwe nùuni wi na ní sáà wi pye: «Ní wolo ní lé mɔ nyɛ láà ba fwɔɔ wolo nígoobèle ní mɔ nyɛ?»