Sélimɛ 17:8 - Cebaara Bible 2010

⁸ Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 17:8 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 13:15

Táree myɛ mɔ nyaa lè, mii a di kaan mɔ ní mɔ yodaʔayi ma di pye yele wóro làla o làla.

Sélimɛ 13:17

Ki n yɛlɛ mi yìri mi tári nyaari mi foro, mi di tɔnɔganmi, ní di kpɔ́ʔɔganmi cán, níì cán mɔ má mii a di kaan.»

Sélimɛ 23:4

«Mii i nyɛ nibɔɔn ní i nyɛ wodɛ́ɛɔn ní yele níngi ni. Ki n yɛlɛ ye fɔ̀lɔ ye nyangbaa kaan mii ma wi pye mii wóo, koro ga pye mii í mii céw láa núngo niyɛɛ daana bi sa tɔ́n yaà beè.»

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 28:4

Ki n yɛlɛ wi Abirahami dùbaw wonijaɔn kaan mɔ ma, si wɔ́ɔ wi kaan mɔ yodaʔayi ma, koro ga pye táree ni mɔ tɛ́ɛn lè dee, àmɛɛ nibɔɔn nyɛ lè, toro dee Kolocɔlɔɔ kaan Abirahami ma lè, tári bee í pye mɔ wóro.»

Sélimɛ 35:27

A Zyakɔbi lúru n pan wi tóow Izaaki ma, Mamire ma, Kiiriyati-Haariba taana, gi lè Heburɔn, beè Abirahami ní Izaaki da sáà tɛ́ɛn lè.

Sélimɛ 36:7

Níì cán pe lɔ́ri maa nɛʔɛ, koro na pe da pye bi gbǎn pínɛ tɛ́ɛn í. Táree ni pe da tɛ́ɛn lè, pe ga gbàn n kún di ni í pe yaweeri nɛʔɛnɛ báriga ni.

Sélimɛ 37:1

A Zyakɔbi tɛ́ɛn Kanaan tári ni, beè wi tóow da pye lè wodɛ́ɛɔn ní.

Sélimɛ 48:4

níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

2 Samyɛli 23:5

Kánmi bee na ban mii kpáagi nyɛ ní Kolocɔlɔɔ ní ì? Níì cán wi n bàngwɔɔ joogaanna kpéʔele ní mii ní. Li n sámaga n foro kàbanyi myɛ na níì sámaga n tɛ́ʔɛ. Wi a mii syɔɔli myɛ ní mii kínidɛnɛgi kèlē myɛ yaʔa ge fìín yiri ì?

1 Cányi kèlē 16:18

Wi n jo: «Mii a Kanaan tári kaan mɔ ma ti pye yele kɔ́rigi lɛɛlɛ.»

Ŋúnuyi 103:17

Kàjáa funjǎngi gi nyɛ Yawe ma wi yɛ́ɛgi fyáafɔɔlɔ kabaan na lè, nlaa yaà booma ni ki a tée kwɔ́ɔ í. Wi sínni si wɔ́ɔ i nyɛ be pìíbèle pìibēle ma,

Ŋúnuyi 105:11

Wi n jo: «Mii a Kanaan tári kaan mɔ ma ti pye yele kɔ́rigi lɛɛlɛ.»

Ŋúnuyi 105:9

Gee bee n jo joogaanni wi kpéʔele ní Abirahami ní lè, ní wi kàligi wi kpéʔele Izaaki ma lè,

Yirile 13:11

Lǎli ni Yawe ga sáà mɔ lége lè Kanaan ye tári ni n yɛlɛ ní kàligi ní wi kpéʔele mɔ ní mɔ tóolɛɛbèle ma lè, wi ga sáà di kaan mɔ ma,

Yirile 21:6

lǎli bee ni wi kàfɔw a kári ní wi ní Kolocɔlɔɔ yɛ́ʔɛ ma, si sɛ̀ʔɛrɛ ní wi ní kɔ̀rigi, wàlá kɔ̀riteligi na, si wi líigi fùru ní ŋaana ní. Lǎli bee ni púlow a kòro wi kàfɔw fáli na làla o làla.

Yirile 29:45

Mii a tɛ́ɛn Isirayɛli ye níngi ni bi pye be Kolocɔlɔw.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Yirile 40:15

Mí sǐnmi wo be na àmɛɛ mɔ bi wo be tóow na lè, koro ga pye paa sáriga-wòlori fáli kpéʔele mii ma sìnwori bee báriga ni. Gee bee a be lége sáriga-wòlori fáli ni pe yìrigèle myɛ syɛ̀ɛnnɛ ni, kwɔ́ɔmɔ fun.»

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Zyeremii 25:5

Pe maa ni gi nyuu níì jo: «Ye myɛ nibin nibin n yɛlɛ bi láʔa yele kóbeeyi na, ní yele nàʔabeemi na, yele si kòro tári ni, dee Yawe kaan yele ma, ní yele tóolɛɛbèle ma lè, di kòro yele wóro làla o làla kwɔ́ɔmɔ fun.

Zyeremii 31:1

Yawe n jo: «Lǎli bee ni mii a pye Kolocɔlɔɔ Isirayɛli narigbaayi myɛ ma, pé pye mii syɛ́ɛnbèle.»

Ezekyɛli 11:20

Koro ga pye be taʔa mii làlwaw kèlē na, si mii kajoodɛɛngèle cò sáā ge kpéʔele. Pe a pye mii syɛ́ɛnbèle, mii si pye be Kolocɔlɔw.

Ezekyɛli 33:24

«Syɔɔn-pya, bele be tɛ́ɛn gurubɛɛri bee ni lè Isirayɛli tásaligi na, pe i gi nyuu níì jo: ‹Abirahami maa pye wi nibin, ní baa tári fáliga taa, wolo bele si wo nɛʔɛ lè tári n kaan wolo ma di pye wolo wóro.›

Levii ye sáriga-wòlori 14:34

«Kanaan tári mii a kaan yele ma di pye yele wóro lè, lǎli ni yele ga sáà nan di na lè, mii ga káfyaan cáan tári kpáagaa na, dee yele a taa lè,

Levii ye sáriga-wòlori 16:34

Gee bee a pye yele ma bàngwɔɔ làlwa kajoolo bàā Isirayɛli ye kapeegèle myɛ kùsulugo fáli kpéʔele tɔlɔgɔ nibin yɛɛlɛ o yɛɛlɛ.» Gee Yawe joo n gbàn Mowizi ma lè, a be gi kpéʔele n foro.

Levii ye sáriga-wòlori 26:12

Mii a ra nyaari ní yele ní, bi pye yele Kolocɔlɔw, yele si pye mii syɛ́ɛnbèle.

Zakarii 8:8

Mii a be lúrugo pan, pe a ba tɛ́ɛn Zyerusalɛmi níngi ni. Pe a pye mii syɛ́ɛnbèle, mii si pye be Kolocɔlɔw kányɛɛgi, ní sínni na.»

Córolo 10:29

A Mowizi gi joo Hobabi ma wi lè Erewuyɛli jáaw, Madyan ye wów, wi pye lè Mowizi céw tóo, níì wi pye: «Wolo i syée tɛ́ɛgi ma, gee kéele na Yawe da gi joo lè níì jo: ‹Mii a gi kaan yele ma.› Da maa ní wolo ní, wolo a kacànna kpéʔele mɔ na. Níì cán Yawe n nyɔ́ɔgi fàli bi kacànna kpéʔele Isirayɛli na.»

Córolo 25:13

Gee bee a pye woro ní wi yòdaʔayi ma naa wi kàdoʔo ma bàngwɔɔ sáriga-wòloro fáli joogaanna, níì cán yejaʔa maa pye wi ni wi Kolocɔlɔw kéele na, a wi Isirayɛli yòdaʔagi wòolo kapeegéle kusulugo fáli kpéʔele.»

Córolo 27:12

A Yawe Mowizi pye: «Lúgu Abarimi nyanbelegi naa na. Tári mii kaan Isirayɛli ye ma lè, mi di wéle.

Kapyegèle 7:5

Wi si da kɔ́ɔ̀ tɛɛgaa faala kaan wi ma di ni gi pye wi woʔò í, àlí gee ni syɔɔn a gbǎn nyɔ̌nni tɛ́ʔɛ lè í, wi si maa nyɔ́ɔgi fàli wi ma níì jo, woro a ba tári naa fáliga kaan wi ma ní wi yòdaʔayi ma naa wi kàdoʔo ma bi gi taa pyà da kɔ́ɔ̀ pye wi ma gbɛnʔɛnɛ í.

Làlwaw Kaanziin 14:2

Níì cán mɔ i nyɛ syɛɛnfelegaa, gee gi yaʔa kɔlɔ̀ na Yawe mɔ Kolocɔlɔw ma lè, á Yawe mɔ nyɛ́nɛ n wòlo mɔ í pye syɛɛnfelegaa, gee ki a pye lè woro tiimaa wóʔo syɛɛnfeleyi myɛ nínge ni yi nyɛ lè tásaligi na.

Làlwaw Kaanziin 26:18

A Yawe nyɔ́ɔgi fàli mɔ ma níjanʔa n gi tɛ̀ɛn mɔ a pye syɛɛnfelegaa, gee ki a pye lè woro tiimaa wóʔo àmɛɛ wi gi joo mɔ ma lè. Ki si n yɛlɛ mɔ í wi kajoodɛɛngèle myɛ sámaga cò,

Làlwaw Kaanziin 29:13

Yele yagwɔɔlɔ ní ban mii joogaanni naa kpéʔele ní kàligi ni í.

Làlwaw Kaanziin 32:49

«Lúgu Abarimi nyanbelegi naa na, Nebo nyanbelegi ǹjoʔo ni, Mowabi tári ni, Zyeriko zǐnmi na, mi Kanaan tári wéle, dee mii a kaan Isirayɛli ye ma lè di pye be worò.

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.

Làlwaw Kaanziin 34:4

A Yawe wi pye: «Tári dii dee bee, dee nyɔɔfaliga mii kpéʔele ní kàliga ní lè Abirahami, ní Izaaki, ní Zyakɔbi ma níì jo: ‹Mii a di kaan mɔ yodaʔayi ma.› Mii n gi yaʔa mɔ í di nyaa ní mɔ nyapiigèle ní, kàjáa mɔ a jée di ni í.»

Làlwaw Kaanziin 4:37

Mɔ tóolɛɛbèle kéele n wi dɛ́nɛ, a wi be yòdaʔayi nyɛ́nɛ n wòlo be kàdoʔo ma, koro na wi tiimaw mɔ yirige Ezyipiti ni ní wi séekpɔɔw ní.

Làlwaw Kaanziin 9:5

Mɔ sínni, ní mɔ funviiw báriga ni ban mɔ a jée be tári ni bi di syɔɔ taa í, kàjáa Yawe mɔ Kolocɔlɔw a syɛɛnfeleyi bee yirige yaà yi péemi kéele na. Wi a gee bee kpéʔele koro ga pye kéelee na wi kàli mɔ tofɔlɛɛyi Abirahami, ní Izaaki, ní Zyakɔbi ma lè, wi lee bee foro.

Heburubèle 9:15

Koro na wi nyɛ joogaanvɔnni kùsuluzuluo àmɛɛ wi baa kùu lè syɛ́ɛnbèle kakolobyere kéele na, bele pe da pye lè joogaanlɛɛli làla wòolo, kánmi bee na wi gbàn n bàngwɔɔ kɔ́rigi kaan Kolocɔlɔɔ syɛɛn-yeribèle ma pe gi lìi bi yɛlɛ ní wi nyɔɔfaligi ní.

Zyozuwe 1:2

«Mii falipyew Mowizi n kùu. Ki n yɛlɛ mi yìri tɔ́ɔliw ni mɔ ní syɛ́ɛnbèle naa myɛ ní mi Zyuridɛnw naa jeli mi jée tári ni, dee mii a kaan yele Isirayɛli ye ma lè.

Tɛ̀ɛnnɛ 21:7

Wee si ga fànʔa taa lè, gee bee a pye wi kɔ́rigi. Mii a pye wi Kolocɔlɔw, woro si pye mii pyà.