Sélimɛ 17:7 - Cebaara Bible 2010

⁷ Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 17:7 Iomraidhean Croise

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Sélimɛ 17:13

Syɔ́ɔnwee be see mɔ kpáagi ni lè, ní púlowee mɔ syɔɔ wáli na lè, ki n yɛlɛ pe myɛ í kɛ́nɛw kpéʔele koro ga pye mii joogaanni fɛ̀ɛ í pye yele céri ni làla o làla.

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 6:18

Mii si a mii joogaanni kpéʔele ní mɔ ní. Mɔ ní mɔ piibèle, ní mɔ céw, ní mɔ piibèle càbala, yele a jée kɔ́rɔkpɔɔgi ni.

Sélimɛ 9:16

Kùlobariw a pye nyɛ̀ʔɛni na, mii si a ra wee bee wéle sáā sɔ̀ngí bàngwɔɔ joogaanni na li nyɛ lè mii Kolocɔlɔɔ ní sìi yáriri myɛ nínge ni di nyɛ lè tári na.»

2 Samyɛli 7:24

Mɔ n mɔ syɛ́ɛnbèle Isirayɛli ye báriga jàngó be pye mɔ syɛɛnnɛ làla o làla, á mɔ Yawe baa pye be Kolocɔlɔw.

1 Cányi kèlē 16:13

Yele ye nyɛ lè wi falipyew Isirayɛli yòdaʔayi. Zyakɔbi jáabèle, wi syɛɛnnyɛnɛ-wòlobèle.

1 Cányi kèlē 16:14

Woro wi nyɛ Yawe, wi lè wolo Kolocɔlɔw, wi i wi kútiiw cɛnɛ tári tɛ́ɛyɛ myɛ ni.

Ŋúnuyi 81:10

Kolocɔlɔwaa nikwɔɔ ga yɛlɛ wi nyaa mɔ ma í! Mɔ a kɔ́ ra táraa nikwɔɔ wòolo kolocɔlɔwaa kpɔ̀ʔɔrɔ́ í!

Yirile 3:15

A Kolocɔlɔɔ níì gi joo Mowizi ma níì wi pye: «Ki n yɛlɛ mɔ í wɔ́ɔ gi joo Isirayɛli ye ma kánmi naa na mí be pye: ‹Yawe wi lè yele tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi mii tun yele ma.› Koro gi nyɛ mii mɛ́ɛgi làla o làla. Kánmi bee na làrigèle myɛ syɛ̀ɛnnɛ a ra mii mɛ́ɛgi yiri.

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Ezayi 61:8

«Níì cán mii wi lè Yawe, kútiisinw n mii dɛ́nɛ, nɔ̀ʔɔrɔgi, ní námaraw n mii bɛɛn. Mii a be tɔ̀nɔw kaan be ma funviire na, si wɔ́ɔ bàngwɔɔ joogaanna kpéʔele ní be ní.

Zyeremii 31:1

Yawe n jo: «Lǎli bee ni mii a pye Kolocɔlɔɔ Isirayɛli narigbaayi myɛ ma, pé pye mii syɛ́ɛnbèle.»

Ezekyɛli 28:26

Pe a tɛ́ɛn yaà yɛɛ̀nyinge na sági, pe a kpaaya faan, si wɔ́ɔ ɛrɛzɛn tírire cɔ́rɔ. Pe a tɛ́ɛn di ni yɛɛ̀nyinge na sági, lǎli ni mii ga kútiiw kèlē kpéʔele n foro bele myɛ na pe be màʔa lè ní i be faari. Pe a gi cán bi cán mii wi nyɛ Yawe poro Kolocɔlɔw.»

Levii ye sáriga-wòlori 11:45

Níì cán mii wi nyɛ Yawe wee wi yele yirige Ezyipiti tári ni lè jàngó bi pye yele Kolocɔlɔw. Koro na ki n yɛlɛ yele í pye wojanbéle ní, níì cán mii i nyɛ wojaɔn ní.

Levii ye sáriga-wòlori 25:38

Mii wi nyɛ Yawe mɔ Kolocɔlɔw, wee wi yele yirige lè Ezyipiti tári ni jàngó bi Kanaan tári kaan yele ma, koro ga pye mii í pye yele Kolocɔlɔw.

Levii ye sáriga-wòlori 26:12

Mii a ra nyaari ní yele ní, bi pye yele Kolocɔlɔw, yele si pye mii syɛ́ɛnbèle.

Levii ye sáriga-wòlori 26:44

Kàjáa bi be yaʔa pe nigoobèle tára ni, mii a tée be wáa yaʔa í. Pe kéeli a ní mii bɛɛn mii í be kálagi yirige yaà í, si wɔ́ɔ mii joogaanni sàa í. Mii wi nyɛ Yawe be Kolocɔlɔw.

Levii ye sáriga-wòlori 26:45

Mii a sɔ̀ngi be kéeli na, si nyɔɔ be na joogaanni kéele na mii kpéʔele ní be toolɛɛbèle ní lè, poro bele mii yirige Ezyipiti tári ni lè syɛɛnfeleyi nyɛ́nɛ na, koro ga pye mii í pye be Kolocɔlɔw. Mii wi nyɛ Yawe.› »

Levii ye sáriga-wòlori 26:9

Mii a fíige yele ma bi gi yaʔa yele í da sii saʔa, si wɔ́ɔ yele nɛʔɛ, si mii joogaanni yaʔa li kòro mii ní yele níngi ni.

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Matye 22:32

‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.› Kúbèle wóo ban wi nyɛ Kolocɔlɔɔ í, niweebèle wóo wi nyɛ Kolocɔlɔɔ.»

Mariki 10:14

A Zyezu ga koro nyaa, a gi wi bɛɛn, a wi be pye: «Ye pìíbèle yaʔa paa maa mii ma, ki ga yɛlɛ ye be lúrugo í. Níì cán bele be nyɛ àmɛɛ pìíbèle naa nyɛ lè, Kolocɔlɔɔ fǎngi i nyɛ bele bee wóʔo.

Kapyegèle 2:39

Níì cán Kolocɔlɔɔ maa li nyɔ́ɔgi fàli yele ní yele pìíbèle ma n fàra bele myɛ na be nyɛ lè léelige, poro bele kánma wolo Kàfɔw Kolocɔlɔɔ a yeri lè.»

Wɔrɔmi ye 9:4

Poro be nyɛ Isirayɛli syɛ́ɛnbèle, bele Kolocɔlɔɔ kpéʔele lè woro pìibēle, níì wi nìjangbɔɔri, ní wi joogaangèle* kaan be ma, n fàra wi làlwaw, ní wi kpɔ̀ʔɔrɔli, ní wi nyɔɔfaliyi na.

Efɛzi ye 2:2

ànbée yele da ni táanri booma ni ni yɛlɛgi ní dulunyanw naa nàʔama ní, n wɔ́ɔ ni yɛlɛgi ní káfalagi fànʔa kàfɔlɔ ní, wi lè pìipeeli, lee li báara lè Kolocɔlɔɔ syɛ́ɛnri céefɔɔlɔ fúnyo ni.

Làlwaw Kaanziin 29:13

Yele yagwɔɔlɔ ní ban mii joogaanni naa kpéʔele ní kàligi ni í.

Heburubèle 11:16

Kàjáa pe maa ni táraa caa, dee di nyɔɔ n sɔ̀lɔ lè, ti lè nyɛ̀ʔɛni wóro. Koro na àmɛɛ pe da ni Kolocɔlɔɔ yiri lè be Kolocɔlɔw, gee bee da pye wi na fɛ̀ɛrɛ í. Níì cán wi maa kèkpɔʔɔ sámaga be ma.

Heburubèle 8:10

Joogaanni naa mii a kpéʔele ní Isirayɛli kpáagi wòolo ní cányi bee kàdoʔo ma, mii a ra mii kajoodɛɛngèle nii be fúnyi ni, si wɔ́ɔ ra ge sɛ́bɛ be zɔ̌nbèle na. Mii a pye be Kolocɔlɔw, pé pye mii syɛ́ɛnbèle,

Jàbɔbèle 2:1

A Yawe nyɛ̀ʔɛni tunduɔn yìri Giiligali ma n kári Bokiimi ma, ní sáà jo: «Mii n yele yirige Ezyipiti ni, ní baa yele lége tári ni, dee nyɔɔfaliga mii da kpéʔele yele tóolɛɛbèle ma ní kàliga ní lè. Mii n gi joo níì jo: ‹Mii joogaanni mii kpéʔele ní yele ní lè, mii a tée li kálagi í.