Sélimɛ 17:5 - Cebaara Bible 2010

⁵ Pe a ní da mɔ yiri Abirami í, fwɔɔ pe a ra mɔ yiri Abirahami. Níì cán mii n mɔ kpéʔele mɔ í pye syɛɛnfele-nɛʔɛyɛ tóo.

Sélimɛ 17:5 Iomraidhean Croise

Sélimɛ 17:15

A Kolocɔlɔɔ níì gi joo Abirahami ma níì wi pye: «Mɔ céw Sarayi si na, mɔ a ní da wi yiri Sarayi í, fwɔɔ wi mɛ́ɛgi a pye Sara.

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Sélimɛ 32:29

A nǎnw níì jo: «Pe a ní da mɔ yiri Zyakɔbi í, fwɔɔ Isirayɛli. Níì cán mɔ n gbɛ̀ɛ cò ní Kolocɔlɔɔ ní, n wɔ́ɔ̀ wi cò ní syɛ́ɛnbèle ní, a mɔ fànʔa taa.»

Sélimɛ 35:10

A Kolocɔlɔɔ gi joo wi ma níì jo: «Mɛ́ɛgi bee gi lè Zyakɔbi, pe a ní da gi yiri mɔ na í, fwɔɔ pe a ra mɔ yiri Isirayɛli.» Níì wi mɛ́ɛgi le kánmi bee na Isirayɛli.

2 Samyɛli 12:25

A wi Natan tun, wi lè kanyaajoow, a woro baa pìíw mɛ́ʔɛ le n jo paa wi yiri Yediya Yawe kéeli na.

1 Cányi kèlē 1:27

Abirami wi lè Abirahami.

Nehemii 9:7

Mɔ wi nyɛ Yawe, wi lè Kolocɔlɔɔ, mɔ wi Abirami nyɛ́nɛ n wòlo, níì wi yirige Uri ni, ki lè Kalide ye wógi, níì wi mɛ́ɛgi le Abirahami.

Ezayi 65:15

Yele a yele mɛ́ɛgi yaʔa gi pye dánga kpéʔele yáriga mii wonyɛnɛ-wòlobèle nínge ni.» Kàfɔw Yawe n yɛlɛ wi mɔ kpóo, si mɛ́ɛgaa nikwɔɔ taʔa wi falipyebèle na.

Zyeremii 20:3

Kàjáa ki nyǐndaligi na a Pasyihuri be pye a be Zyeremii yirige yakparagi na. A Zyeremii wi pye: «Yawe a ní da mɔ yiri Pasyihuri í, kàjáa wi a ra mɔ yiri Magɔri-Misabiibi.

Zyeremii 23:6

Wi lǎli ni Zyuda a syɔɔ. Isirayɛli a tɛ́ɛn yɛɛ̀nyinge na wi tɛɛkòrogi ni. Mɛ́ɛgee si pe a ra yiri wi na lè koro gi nyɛ gee naa: Yawe, wolo sínni.

Córolo 13:16

Nǎnbèle bele Mowizi tórigo be sa tári saanri be wéle lè, poro mɛ́ɛyi yi nyɛ yee bee. A Mowizi Nun jáaw Hosyeya mɛ́ɛgi le ni wi yiri Zyozuwe.

Zyan 1:42

Níì fala n Siimɔn kɔ́ri n kári Zyezu ma. A pe ga sáà nan wi na, a Zyezu i wi wéle ní kɔ́ɔ̀ jo: «Pe i mɔ yiri Siimɔn, Zyan jáaw, mii si a mɛ́ɛgaa le mɔ na paa mɔ yiri Sefasi.» (Gee bee n jo Pyɛri.)

Wɔrɔmi ye 4:17

àmɛɛ gi sɛ́bɛ lè níì jo: «Mii n mɔ télege mɔ í pye syɛɛnfeleye saʔa tóo.» Ki kɔ́rɔw wi nyɛ Abirahami wi nyɛ wolo tóow Kolocɔlɔɔ nyɛ́nɛ na, woro wee na wi tága lè, woro wee wi kúbèle nyángi ni yaari sìi na, ní i yáriri yirigi, dee di lè ti da sélì pye beè lè í.

Tɛ̀ɛnnɛ 2:17

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, mii a mánɛ-làraɔ, ní kàdɛnɛviige kaan wee bee ma. Mɛ́ɛfɔngɔ i nyɛ kàdɛnɛgi bee na wozɛbɛgɛ ní, wàa faala ga mɛ́ɛgi bee cán í, kapye gi taafɔw ban í.›