Sélimɛ 17:3 - Cebaara Bible 2010

³ A Abirami too n yɛ́ɛgi cíbele tári na. A Kolocɔlɔɔ níì wi yari:

Sélimɛ 17:3 Iomraidhean Croise

Sélimɛ 17:17

A Abirahami too n yɛ́ɛgi cíbele tári na ní i gi tɛ́ʔɛ. Níì gi joo wiyɛɛ fúngi ni níì jo: «Nàɔn í yɛ̀ʔɛlɛ dabata taa lé si ní gbǎn pyà see? Ba Sara wi yɛ̀ʔɛlɛ togoye sicɛrɛ ní kpɔrigɔ taa lè, woro í gbǎn pyà see lé?»

Sélimɛ 18:2

Wi maa wi yɛ́ɛgi yìrige n wéle n nànbēle taanri nyaa wiyɛɛ daana woyérebéle ní. Lǎli ni si wi be nyaa lè, a wi yìri wi fànikpaagi kpaaweele na n fàn n sáà be fàra, níì tìgi n kpùmɔnɔ tári na.

1 Fànʔafɔbèle 18:39

Lǎli ni syɛ́ɛnbèle myɛ gee bee nyaa lè, a be too n be yɛ́ɛyi cíbele tári na níì jo: «Yawe wi nyɛ Kolocɔlɔɔ! Yawe wi nyɛ Kolocɔlɔɔ!»

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Ezekyɛli 1:28

Amɛɛ kùlobariw kánma gáà pye fàfanʔa na lè zàʔá canʔa ni, ànbée gbɛ̀ɛ́nmi kánma da pye n wi màʔa n kpàra. Gee bee n pye Yawe nìjangbɔɔri tɛ̀ɛnnɛ. Mii gee bee nyaa lè a mii too n yɛ́ɛgi cíbele tári na. A mii wàa yákpolo lóʔo, a wi i nyuu.

Ezekyɛli 3:23

A mii yìri n yiri n sáà jée jǐnlɔgi ni. Wéle, Yawe nìjangbɔɔri maa pye yaà àmɛɛ mii da di nyaa Kebaari cábigi nyɔ́ɔ na lè. Lǎli bee ni a mii too n yɛ́ɛgi cíbele tári na.

Ezekyɛli 9:8

Lǎli ni si be pye ni kpúmɔn lè, mii maa pye mii nibin woyéreo ní, a mii too n yɛ́ɛgi cíbele tári na, ní i yákpoli wáa níì jo: «Ee Kàfɔw Yawe, a mɔ a Isirayɛli wogorobèle myɛ kálagi kwɔ́ɔ lé àmɛɛ mɔ mɔ fundanʔagbɔɔri yàli lè nya Zyerusalɛmi na?»

Danyɛli 10:9

A mii wi joomi kàfulogo lóʔo. Lǎli ni mii wi joomi kàfulogo lóʔo lè, a mii pǐli yiri mii ni, a mii too n yɛ́ɛgi cíbele tári na.

Córolo 14:5

A Mowizi ní Aarɔn too n be yɛ́ɛyi cíbele tári na Isirayɛli syɛɛnkpoʔolomi myɛ yɛ́ʔɛ ma.

Córolo 16:22

A be too n yɛ́ɛyi cíbele tári na níì jo: «Ee Kolocɔlɔɔ, mɔ wi lè céri myɛ pìigēle Kolocɔlɔɔ, nàɔn nibin wi kapeeli kpéʔele, mɔ fúngi si tanʔa lé syɛ́ɛnmi myɛ kurugo?»

Matye 17:6

A pìitamabèle ga syɛ́ɛnri bee lóʔo a be too n yɛ́ɛyi cíbele ní i fɛ̀ɛgí gbanʔama.

Zyozuwe 5:14

A wi jo: «Eʔe, mii i nyɛ Yawe kapɛɛnkpumɔnbèle kàfɔlɔ, a mii pan wi wee tɔ́ɔliw ni.» A Zyozuwe too n yɛ́ɛgi cíbele tári na n wi kpɔ̀ʔɔrɔ níì jo: «Ni kàfɔlɔ, nyàʔá mɔ caa bi joo mɔ falipyew ma wi lè mii?»

Tɛ̀ɛnnɛ 1:17

Lǎli ni mii wi nyaa lè, a mii fala n too wi láari ni n pye àmɛɛ kpóo nyɛ lè. A wi wi kàliige kɔ́gi taʔa mii na níì jo: «Mɔ a kɔ́ ra fɛ̀ɛgí í! Mii wi nyɛ Yɛɛ̀kiniw ní Kàdotɔnw,

Jàbɔbèle 13:20

Amɛɛ naanyǐngi da ni yìrigí sáriga-wòlo-yafaangi na ni lúru nyɛ̀ʔɛni na lè, a Yawe nyɛ̀ʔɛni tunduɔn yìri n pínɛ sáriga-wòlo-yafaangi naanyìnge ni. A Manowa ní wi céw ga gee bee nyaa, a be too n yɛ́ɛyi cíbele tári na.