Sélimɛ 17:13 - Cebaara Bible 2010

¹³ Syɔ́ɔnwee be see mɔ kpáagi ni lè, ní púlowee mɔ syɔɔ wáli na lè, ki n yɛlɛ pe myɛ í kɛ́nɛw kpéʔele koro ga pye mii joogaanni fɛ̀ɛ í pye yele céri ni làla o làla.

Sélimɛ 17:13 Iomraidhean Croise

Sélimɛ 14:14

Lǎli ni Abirami gi lóʔo lè pe n woro senyɛnw jáa cò n kári, nǎnbèle sirakele ní dabata ní kpɔrigɔ ní kɔrɔtaanri be pye wi wóbèle lè, bele pe da see yaà wi kpáagi ni lè, á wi be tama kapɛɛnni na, a wi be kɔ́ri n taʔa fànʔafɔbèle bee na n sáà be nɛnɛ n cò fwɔɔ Dan ma.

Sélimɛ 15:3

A Abirami níì jo: «Ncan mɔ ga pyà kaan mii ma í, á gi nyaa mii kpáagi púlowaa wi a ba pye mii kɔriliiw.»

Sélimɛ 17:7

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 37:27

Ye tíi wo wi pára Isimayɛli ye ma. Wolo a kɔ́ kɔlɔ̀ taʔa wi na í, níì cán wolo senyɛnnɛ wii. Wi ní wolo i nyɛ cenijanra.» A Zyuda senyɛnzanbèle wi syɛ́ɛnri lóʔo.

Sélimɛ 37:36

A Madyan ye sáà Zyozɛfu pára Ezyipiti tári ni Faraɔnw syɛɛnkpɔɔwaa ma pe yiri lè Potifari wi pye lè Faraɔnw gáridibéle kundigi.

Sélimɛ 39:1

A be kári ní Zyozɛfu ní Ezyipiti ma. Ezyipiti ye nǎnw wi lè Potifari, Faraɔnw syɛɛnkpɔɔwaa, wi pye lè gáridibèle kùndigi, a woro sáà wi syɔɔ Isimayɛli ye ma, poro bele be kári yaà ní wi ní lè.

Sélimɛ 9:16

Kùlobariw a pye nyɛ̀ʔɛni na, mii si a ra wee bee wéle sáā sɔ̀ngí bàngwɔɔ joogaanni na li nyɛ lè mii Kolocɔlɔɔ ní sìi yáriri myɛ nínge ni di nyɛ lè tári na.»

Nehemii 5:5

Bi gi taa wolo ní wolo senyɛnbèle cére i nyɛ wonijanra, a wolo pìíbèle ní be wóbèle wɔ́ɔ i nyɛ wonijanbéle. Kàjáa wolo i wolo nànbiigèle, ní wolo calipiigèle nii púlori ni. Alí wolo calipiigèle kèle saʔa n jée n kwɔ́ɔ yaà. Wolo fánʔa si a ní taa yafyɛn na í, níì cán wolo séyi ní wolo ɛrɛzɛn séyi i nyɛ n kwɔ́ɔ pèle ma.»

Nehemii 5:8

A mii be pye: «Wolo n wolo senyɛnbèle nyúnyo syɔɔ n yɛlɛ ní wolo fǎngi kánma ní, pe lè Zyefubèle, poro bele pe da pára lè syɛɛnfeleyi ma. Yele tiimaa si ní ba ra yele senyɛnbèle pára lé, ní caa i be pára naa wolo ma?» A be pyèri, pe ga syɛɛnlurugoro taa n kaan í.

Yirile 12:44

Púlowee wi syɔɔ wáli na lè, mɔ a wi kɛ́nɛ, wí náa gbǎn lìi li na.

Yirile 21:16

Syɔɔn ga syɔɔnwaa yùu n pára, wàlá n wi yaʔa wiyɛɛ kɔ́lɔ na, á be tɛ́nɛ̀ wi nyaa wi ma, syɔ́ɔnw bee a kpóo wii.

Yirile 21:2

Mɔ ga puloo syɔɔ wí i nyɛ Heburuo, yɛ̀ʔɛlɛ kɔrɔni wi a báara, kɔrɔsiin wóli na wi a pye wɔ́rɔɔ bi yiri kári yafyɛn sìnzara ni.

Yirile 21:4

Kapye wi kàfɔw maa cɔlɔɔ kaan wi ma, a wi nànbiigéle, wàlá calipiigèlē see wi ma, céw ní wi pìíbèle a kòro yaà wi kàfɔw ma, wi nibin sáā syée.

Levii ye sáriga-wòlori 22:11

Kàjáa sáriga-wòlow ga pulowaa syɔɔ wáli na, wee bee a gbǎn lìi gi na n fàra wee na wi see wi kpáagi ni lè, bele bee a ra líi wi lìíli na.

Matye 18:25

Yafyɛn si da pye wi ma bi fwɔ́ɔli bee tɔ́n í. A wi kàfɔw be pye be sa wi pára ní wi céw, ní wi pìíbèle, ní wi kɔlɔ̀ yáriri myɛ ní jàngó woro fwɔ́ɔli í tɔ́n.