Sélimɛ 17:10 - Cebaara Bible 2010

¹⁰ Wéle, kánmee na yele a joogaanni cò, lee mii kpéʔele ní yele ní lè, mɔ ní mɔ yodaʔayi ní, mɔ kadoʔo ma, koro gi nyɛ, bele myɛ be nyɛ lè nǎnbèle yele níngi ni, ki n yɛlɛ be kɛ́nɛw kpéʔele.

Sélimɛ 17:10 Iomraidhean Croise

Sélimɛ 17:11

Yele a ra kɛ́nɛw kpéʔele koro í pye joogaanni fɛ̀ɛ, li nyɛ mii ní yele níngi ni lè.

Sélimɛ 17:23

A Abirahami fala n wi pìíw Isimayɛli kɛ́nɛ n fàra bele myɛ na be see wi kpáagi ni lè, ní bele myɛ wi syɔɔ wáli na lè, gee bee n jo nàɔn o nàɔn wi pye wi kpáagi ni lè. A wi bele bee kɛ́nɛ cángi bee wonijanga n yɛlɛ ní gi ní àmɛɛ Kolocɔlɔɔ da gi joo wi ma lè.

Sélimɛ 17:27

n fàra wi kpáagi nànbēle myɛ na be see wi kpáagi ni lè, ní bele wi syɔɔ wáli na lè táraa nikwɔɔ wòolo ma.

Sélimɛ 21:4

A Abirahami wi jáaw Izaaki kɛ́nɛ lǎli ni wi taa lè canya kɔrɔtaanri, n yɛlɛ ní gi ní àmɛɛ Kolocɔlɔɔ da gi joo n gbàn wi ma lè.

Sélimɛ 34:15

Mɔ ga lóʔo wolo n fɔ̀lɔ yele na, mi can kéeli naa nibin li kpéʔele, loro li nyɛ, yele nǎnbèle myɛ nibin nibin n yɛlɛ bi kɛ́nɛw kpéʔele bi pye àmɛɛ wolo nyɛ lè.

Sélimɛ 34:22

Kàjáa wolo nǎnbèle myɛ nibin nibin ga pye wo ga kɛ́nɛw kpéʔele àmɛɛ be tiimaw nyɛ lè í, pe a fɔ̀lɔ́ tɛ́ɛn ní wolo ní jàngó wo pye syɛɛnfelege nibin í.

Yirile 12:48

Nibɔndɛ́ɛɔn ga pye ní yele ní, ní i caa bàā li kpéʔele Yawe kpɔ̀ʔɔrɔli kéele na, nǎnbèle myɛ be nyɛ wi tɛ́ɛgi ni lè, pe n yɛlɛ bi kɛ́nɛw kpéʔele. Koro kàdoʔo ma wi a náa gbǎn ra maa li tɛɛ̀kpéʔelegi ni. Wi ní tári syɛ̀ɛnnɛ a córo sèjira. Sìngɛ́nɛɔ faala ga yɛlɛ wi lìi li na í.

Yirile 4:25

Lǎli bee ni a Sefora gbèrifɔn kàdɛnɛdanʔa láa n tɛ́ʔɛ n wi pìíw kɛ́nɛ, níì salicerigi wáa Mowizi tɔ́lɔyi na níì jo: «Mɔ i nyɛ mii ma sìsyaan nàɔn.»

Zyeremii 4:4

Ki n yɛlɛ ye yeyɛɛ kɛ́nɛ Yawe ma, ye yele fúnyi kɛ́nɛ, Zyuda nǎnbèle, ní Zyerusalɛmi ye, koro ga pye mii fundanʔari a kɔ́ folo yiri àmɛɛ naà nyɛ, gee gi nyín lè í, bi pye wàa a gbǎn gi fígi í, yele péemi kapyere kéele na.

Zyan 7:22

Mowizi wi kɛ́nɛw kajoolo kaan yele ma, koro ní ki myɛ ní Mowizi má ban wi da séli í, wolo tóolɛɛbèle má wi séli, á yele si gbàn ni nǎnbèle kɛ́nɛ kpéʔele cândɛnɛgi ni.

Kapyegèle 7:8

Koro kàdoʔo ma a Kolocɔlɔɔ náà kɛ́nɛw joogaanna kaan wi ma. Koro na Abirahami baa Izaaki see lè, a wi wi kɛ́nɛ canya kɔrɔtaanri wógi na. A Izaaki koro kpéʔele Zyakɔbi na, a Zyakɔbi wɔ́ɔ̀ koro wonijangi kpéʔele wolo Zyefubèle tóolɛɛbéle kɛɛ ní siin na.

Wɔrɔmi ye 2:28

Níì cán wee wi nyɛ lè Zyefuo syɛ́ɛnbèle nyɛ́nɛ na yagana, wee bee o nyɛ Zyefuteleo í. Ní kɛ́nɛwee be kpéʔele lè céri na yagana, wee bee o nyɛ kɛ́nɛteleo í.

Wɔrɔmi ye 3:25

Woro Kolocɔlɔɔ yirige n wòlo sáriga, koro ga pye bele pe ga tága wi na lè, bele bee kapeegéle kusulugo í gbǎn taa syɔɔ wi sìsyaanw wolo báriga ni, Kolocɔlɔɔ n gee bee kpéʔele bi woro sínni tɛ̀ɛn. Níì cán booma ni wi maa ni kpàracogo kpéʔele syɛ́ɛnbèle kapeegéle kéele na,

Wɔrɔmi ye 3:28

Níì cán wolo n gi tímana n gi nyaa tágali báriga ni syɛ́ɛnbèle sínni taagi, Mowizi làlwaw kapyegèlē báriga ni ban í.

Wɔrɔmi ye 3:30

Níì cán Kolocɔlɔɔ i nyɛ nibin, wi i sínni kaangi kɛ́nɛw kpéʔelefɔɔlɔ ma tágali báriga ni, ní wɔ́ɔ i li kaangi kɛ́nɛnaa-sìngbeʔelebèle ma tágali báriga ni.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Galasi ye 6:12

Bele myɛ be caa lè bàā peyɛɛ dèé syɛɛncanbéle céri kàbaan na, bele bee be yele ŋàʔaná yele í kɛ́nɛw kpéʔele, gee gi nyɛ lè gi nyúngi, koro gi nyɛ pe o caa bàā wɔʔɔ Kirisi tiiparigi kéele na í.

Efɛzi ye 2:11

Gee bee na yele bele ye nyɛ lè syɛɛnfeleyaa nikwɔɔ céri kàbaan na, ye sɔ̀ngi ye taa gi na ncan booma ni kɛ́nɛw fɔ̀ɔlɔ, be lè a syɔɔn kɔ́lɔ be kɛ́nɛ céri na, bele bee maa ni yele yiri kɛ́nɛnaa-sìngbeʔelebéle.

Làlwaw Kaanziin 10:16

Koro na ye yele fúnyi kɛ́nɛ, yele a ní kɔ́ pye líiweepɛɛnnɛ syɛɛnnɛ í.

Làlwaw Kaanziin 30:6

Yawe mɔ Kolocɔlɔw a mɔ ní mɔ yodaʔayi kɛ́nɛ fúnyi ni, koro ga pye Yawe mɔ Kolocɔlɔw kéele í mɔ dɛ́nɛ ní mɔ zɔnw myɛ, ní mɔ fúngi myɛ ní, jàngó mɔ í kòro sìi na.

Filipikaʔa ye 3:3

Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.

Zyozuwe 5:2

Lǎli bee ni a Yawe Zyozuwe pye: «Ki n yɛlɛ mi gbèrifɔn kàdɛnɛyɛ ŋɔ́géle sámaga mi ní mi Isirayɛli ye kɛ́nɛ.»

Zyozuwe 5:4

Nyǔngee na Zyozuwe be kɛ́nɛ lè koro gi nyɛ gee naa: Nǎnbèle bele myɛ pe da yiri Ezyipiti ni lè, poro bele be pye kapɛɛnkpumɔnbèle lè, poro myɛw maa kùu kólogi na fìími tára ni pe yirili kàdoʔo ma Ezyipiti ni.