Sélimɛ 17:1 - Cebaara Bible 2010

¹ Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 17:1 Iomraidhean Croise

Sélimɛ 12:1

A Yawe gi joo Abirami ma níì wi pye: «Ki n yɛlɛ mi yiri mɔ tári, ní mɔ kegi, ní mɔ tóow kpaʔa ni. Táree mii a tɛ̀ɛn mɔ na lè, maa syée dee bee ma.

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 16:16

Lǎli ni Agari pìíw see Abirami ma lè, Abirami maa taa lǎli bee ni yɛ̀ʔɛlɛ togoye sicɛrɛ ní kɔrɔni.

Sélimɛ 18:1

Yawe n wiyɛɛ dɛ̀ɛn Abirahami na Mamire syɛni tíiri láara ni. Abirahami maa pye wodɛ́ɛɔn ní wi fànikpaagi kpaaweele na cángi làrigbanna ni.

Sélimɛ 18:14

A yarigaa a gbǎn mii Yawe jáa lé? Yɛɛláa ma lǎli mii tɛ̀ɛn lè, mii a pan mɔ ma, Sara a ba nànbile see.»

Sélimɛ 24:40

A wi mii yari: ‹Wee wi nyɛ lè Yawe, woro wee yɛ́ʔɛ ma mii táanri lè, wi a wi nyɛ̀ʔɛni tunduɔn tórigo ní mɔ ní. Mɔ kólogi a sa tɛ́nɛ. Mɔ a sa cewaa láa yaà beè mii túlugi wòolo ma mii kpáagi wòolo ni bi ba kaan mii jáaw ma.

Sélimɛ 26:2

A Yawe wiyɛɛ dɛ̀ɛn wi na níì wi pye: «Mɔ a kɔ́ kári Ezyipiti ma í. Táree mii ga tɛ̀ɛn mɔ na lè, ki n yɛlɛ mi tɛ́ɛn dee bee ni.

Sélimɛ 28:3

Kolocɔlɔɔ wi lè Séew Myɛ Kàfɔlɔ, ki n yɛlɛ woro í dùbaw taʔa mɔ na, mɔ í pìinɛʔɛrɛ taa bi pye syɛɛnnɛʔɛmɛ.

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 43:14

Kolocɔlɔɔ wi lè Séew Myɛ Kàfɔlɔ, ki n yɛlɛ wi sa gi yaʔa nǎnw bee í nyinimɛ taa yele na si yele senyɛnwee ní Bɛnzyamɛ yaʔa be lúru pan ní yele ní. Mii si na, mii ga níì bɔ̀nɔ mii pìíbèle pèle ni, a mii bɔ̀nɔ wii.»

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

Sélimɛ 48:15

A wi dùba kpéʔele Zyozɛfu ma níì jo: Kolocɔlɔwee yɛ́ʔɛ ma mii tóolɛɛgi Abirahami, ní mii tóow Izaaki da ni síngi ni táanri lè, Kolocɔlɔw bee wi nyɛ mii nàʔafɔw nlaa mii nyɛ beè lè fwɔɔ n taa n baa nan níjanʔa na,

Sélimɛ 48:3

A Zyakɔbi gi joo Zyozɛfu ma níì jo: «Kolocɔlɔɔ wi nyɛ lè Séew Myɛ Kàfɔlɔ, wi n wiyɛɛ dɛ̀ɛn mii na Luzi ma, Kanaan tári ni níì dùba taʔa mii na,

Sélimɛ 5:22

Matusalɛmi seeli kàdoʔo ma, a Henɔki níì yɛ̀ʔɛlɛ sirakele ní dabata taa pínɛnyɛnnɛgɛ na ní Kolocɔlɔɔ ní. Wi si maa níì nànbiigèle kèle see n fàra calipiigèlē na.

Sélimɛ 5:24

Henɔki maa pye pínɛnyɛnnɛgɛ na ní Kolocɔlɔɔ ní. Koro kàdoʔo ma a be fɔ̀n wi ni níì cán Kolocɔlɔɔ maa wi láa.

Sélimɛ 6:9

Nowe yòdaʔayi yi nyɛ yee naa. Nowe maa pye syɛɛnsiɔn. Wi maa pye kajoolo fun syɔ́ɔn wi lǎli syɛ̀ɛnnɛ nínge ni. Nowe maa pye pínɛnyɛnnɛgɛ na ní Kolocɔlɔɔ ní.

1 Fànʔafɔbèle 2:4

Koro ga pye syɛ́ɛnree Yawe joo mii kéeli na lè, wi di foro. Wi n jo: ‹Mɔ piibèle ga ni be tánʔaganmi kɔ̀rɔsíi, ní i táanri kányɛɛgi na mii yɛ́ʔɛ ma ní be zɔ̌nbèle myɛ, ní be fúnyi myɛ ní, mɔ a tée fɔ̀n syɔɔn ni wee wi a tɛ́ɛn Isirayɛli fàngoli na mɔ sindɛɛgi ni lè í.›

1 Fànʔafɔbèle 3:6

A Salomɔn wi yari: «Mɔ n kacàngbɔʔɔ kpéʔele mɔ falipyew Davidi na wi lè mii tóow, àmɛɛ wi da ni táanri lè mɔ yɛ́ʔɛ ma kányɛɛgi, ní sínni, ní funviiri na. Mɔ n kacàngbɔɔgi bee kɔn wi kéeli na níì jaafɔlɔ kaan wi ma, wee wi tɛ́ɛn wi fàngoli na lè, àmɛɛ gi kpéʔele lè níjanʔa.

1 Fànʔafɔbèle 8:25

Tɔ́ɔliw ni, Yawe Isirayɛli Kolocɔlɔw, gee mɔ da joo mɔ falipyew kéele na wi lè mii tóow Davidi, ki kpéʔele. Mɔ maa wi pye: ‹Mɔ piibèle ga tɛ́nɛ ni be tánʔaganmi kɔ̀rɔsíi, ní i táanri mii yɛ́ʔɛ ma àmɛɛ mɔ tánʔa mii yɛ́ʔɛ ma lè, syɔɔn a tée fɔ̀n mɔ ma mii yɛ́ʔɛ ma, wee wi a tɛ́ɛn Isirayɛli fàngoli na mɔ sindɛɛgi ni lè í.›

2 Fànʔafɔbèle 20:3

«Ee Yawe, nyɔɔ mii na, sɔ̀ngi mi taa gi na mi cán mii maa ni táanri mɔ yɛ́ʔɛ ma kányɛɛgi, ní funviiw na, ní wɔ́ɔ i gi kpéʔele gee gi nyɔɔ mɔ nyɛ́nɛ na lè.» A Ezekyasi tɔ̀nɔ n nyɛni gbanʔama.

Zyɔbi 1:1

Nànwaa maa pye yaà Usi tári ni, pe i wi yiri Zyɔbi. Wi maa tɔ̀nɔ n pye kajoolo fun syɔ́ɔn, níì sín. Wi maa ni fɛ̀ɛgí Kolocɔlɔɔ na, ní i còʔoró kapeebyeri na.

Zyɔbi 11:7

Kolocɔlɔɔ kérigèle ge cùru lè cama ni, a mɔ a gbǎn ge cán lé? A mɔ a gbǎn Séew Myɛ Kàfɔlɔ kèlē myɛ cán lé?

Ŋúnuyi 115:3

Wolo Kolocɔlɔw i nyɛ nyɛ̀ʔɛni na. Gee myɛ ki wi dɛ́nɛ lè, koro wi kpéʔele.

Ŋúnuyi 116:9

Mii a ra táanri Yawe yɛ́ʔɛ ma, niweebèle tára na.

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Yirile 6:3

Mii mɛ́ɛgee ní mii niyɛɛ dɛ̀ɛn Abirahami, ní Izaaki, ní Zyakɔbi na lè, koro gi nyɛ Kolocɔlɔɔ wi nyɛ lè Séew Myɛ Kàfɔlɔ. Kàjáa mii mɛ́ɛgee gi nyɛ lè Yawe, pe da mɛ́ɛgi bee cán mii na í.

Kàseegèle 10:9

Wee wi táanri funvii na lè, wee bee a tɛ́ɛn ŋɔ́ndaala na, wee si wi kogoloyi táanri lè, wee bee kéele a ba cán.

Ezayi 38:3

«Ee Yawe, nyɔɔ mii na, sɔ̀ngi mi taa gi na mi cán mii maa ni táanri mɔ yɛ́ʔɛ ma kányɛɛgi ní funviiw na, ní wɔ́ɔ i gi kpéʔele gee gi nyɔɔ mɔ nyɛ́nɛ na lè.» A Ezekyasi tɔ̀nɔ n nyɛni gbanʔama.

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Misye 6:8

Ee Syɔɔn, gee gi nyɔɔ lè, pe n gi tɛ̀ɛn mɔ na. Gee si Yawe caa mɔ ma lè koro gi nyɛ mɔ í da táanri kányɛɛgi na, mɔ í tàmaga le ní funjǎngi ní, mɔ í da táanri ní nɛ̀ɛjɛrɛgɛ ní ní mɔ Kolocɔlɔw ní.

Córolo 11:23

A Yawe Mowizi yari: «A Yawe kɔ́gi kpere lé ? Mɔ a gi nyaa tɔ́ɔliw ni, gee mii joo mɔ ma lè kapye ki a foro wàlá ki a foro í.»

Córolo 24:16

Woro wee wi tuun ni cíbele lè, wi nyapiigèle si i nyɛ womúgugéle ní, woro syɛ́ɛnri. Wee wi Kolocɔlɔɔ syɛ́ɛnri lúro lè, wi nyɛ lè Pe Myɛ Nyúngo na, wi n woro katimanagèle cán, ní wɔ́ɔ i Séew Myɛ Kàfɔlɔ nyaagi yanyaʔa ni.

Matye 19:26

A Zyezu i be wéle ní kɔ́ɔ̀ be pye: «Gee bee a gbǎn kpéʔele syɔɔn báriga ni í, kàjáa Kolocɔlɔɔ fánʔa i nyɛ kérigèle myɛ na.»

Matye 5:48

Koro na ki n yɛlɛ yele í sín àmɛɛ yele Tóow sín lè, wi lè nyɛ̀ʔɛni na.

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Kapyegèle 23:1

A Pɔli nyapiigèle le Sanedirɛnw ni ni wéle níì jo: «Ni senyɛ̀nnɛ, mii maa ni mii kérigèle myɛ kpéʔele ní funjànga ní Kolocɔlɔɔ yɛ́ʔɛ ma fwɔɔ n baa nan níjanʔa na.»

Kapyegèle 24:16

Koro na mii wɔ́ɔ i ŋàʔaná làrigèle myɛ ni koro ga pye mii fúngi í fílige Kolocɔlɔɔ ní syɛ́ɛnbèle yɛ́ʔɛ ma.

Efɛzi ye 3:20

Wee si wi a gbǎn kérigèle myɛ kpéʔele lè gbanʔama bi sɔ̀lɔ wolo nyɛ́ɛriyi ní wolo sɔ̀nguri myɛ na n yɛlɛ ní séew ní, wee ní wi báara lè wolo fúnyi ni,

Làlwaw Kaanziin 10:17

Níì cán Yawe yele Kolocɔlɔw i nyɛ kolocɔlɔbèle myɛ Kolocɔlɔɔ, ní kàfɔbèle myɛ Kàfɔlɔ. Woro wi nyɛ Kolocɔlɔɔ wi lè wogbɔɔw, wee wi nìri lè ní i nyɛ fyáara yáriga, wi o syɔɔnwaa yirigi wàa ni í, wi o námara kpɔ́ʔɔrɔ syoo í.

Làlwaw Kaanziin 18:13

Mɔ a pye tɛɛlɛ fun Yawe mɔ Kolocɔlɔw yɛ́ʔɛ ma.

Làlwaw Kaanziin 30:20

mí Yawe mɔ Kolocɔlɔw kéele yaʔa li mɔ dɛ́nɛ máā lúro wi ma, mí tan wi na. Níì cán woro wi nyɛ mɔ siiw, wi a mɔ cányi nɛʔɛ, koro ga pye mɔ í tɛ́ɛn tári ni, dee kéele na Yawe kàli mɔ tofɔlɛɛyi Abirahami, ní Izaaki, ní Zyakɔbi ma lè, níì jo woro a di kaan be ma.»

Filipikaʔa ye 4:13

Mii fánʔa i nyɛ kérigèle myɛ na bàā ge kpéʔele Kirisi bárigaw ni, woro wee wi fǎngi kaangi mii ma lè.

Heburubèle 12:28

Gee bee na gi yɛlɛ waa bariga kaangi Kolocɔlɔɔ ma, àmɛɛ wolo a fǎngi taa lè, gee gi nyɛ lè ki a gbǎn cúngo í, wáā báara wi ma ní sínnɛ ní, n fàra wi yɛ́ɛgi fyáara na, bi yɛlɛ ní wi kínidɛnɛgi ní.

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.