Sélimɛ 16:6 - Cebaara Bible 2010

⁶ A Abirami gi joo Sarayi ma níì jo: «Mɔ pulocew wi wee mɔ kɔ́yi ni. Gee ga mɔ dɛ́nɛ lè, ki n yɛlɛ maa koro kpéʔele wi na.» Lǎli bee ni a Sarayi fala ni Agari kàragí ní fungbanga ní, a Agari fàn.

Sélimɛ 16:6 Iomraidhean Croise

Sélimɛ 16:9

A Yawe nyɛ̀ʔɛni tunduɔn wi yari: «Lúru maa syée mɔ kafɔjew ma mi sa miyɛɛ gaan wi ma.»

Sélimɛ 24:10

A falipyew fàlibaaya kɛɛ wòlo wi kàfɔw fàlibaaya ni, níì tàa wòlo wi kàfɔw yacanra féleye myɛ ni n kári Nahɔri kěgi ma Mezopotamii tári ni.

Zyɔbi 2:6

A Yawe Sutanaw pye: «Wi i wee mɔ kɔ́lɔ na, kàjáa mɔ a kɔ́ nan wi sìíw na í.»

Yirile 2:15

Gee gi kpéʔele lè, a Faraɔnw gi cán, a wi fala ni caa bi Mowizi kpóo. Kàjáa Mowizi maa fàn n léeli Faraɔnw na n kári Madyan tári ma, ní sáà tɛ́ɛn kɔ̀lɔ́ taana.

Kàseegèle 14:29

Wee wi lè wi fúngi ga tanʔama dɛ́nɛ í, wi i nyɛ sícilinɛʔɛmɛ fɔ́lɔ, wee fúngo si gi yìrimɛ dɛ́nɛ lè, wi i wi nidolimi jáari.

Kàseegèle 15:1

Fûnnyingi syɛɛnlurugoro i fundanʔari yéregi, joo-mí-kpàliw si i fundanʔari yìrigí.

Kàseegèle 27:8

Syɔ́ɔnwee wi wi tɛɛkòrogo yaʔa lè níì yiri n léeli n sa ni curugu ni máari, wi i nyɛ àmɛɛ féjɛɛnnɛ nyɛ, lee li li zyàári yaʔa lè níì yìri n léeli n sa ni curugu ni máari.

Kàseegèle 29:19

Syɛɛnjóoro yagana ní ban be puloo kàragí í. Alí wi ga di cán wi a di kpéʔele í.

Syɛɛnjóow 10:4

Wee wi nyɛ kùndigiri na lè, wi fúngi ga yìri mɔ kurugo, mɔ a kɔ́ núngo mɔ tɛ́ɛgi ni í. Níì cán pyèrigi i kapeekpoloyo yéregi.

Zyeremii 38:5

A fànʔafɔw Sedesyasi be yari: «Wi wéle wee, wi i nyɛ yele kɔ́yi ni. Níì cán fànʔa faala o nyɛ fànʔafɔw ma yele yɛ́ʔɛ ma í.»

Zyozuwe 9:25

Tɔ́ɔliw ni wolo wéle bele mɔ kɔ́yi ni, gee mɔ ga nyaa lè a gi nyɔɔ níì sín mɔ nyɛ́nɛ na, koro kpéʔele wolo na.»

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.