Sélimɛ 16:5 - Cebaara Bible 2010

⁵ A Sarayi fala n gi joo Abirami ma níì jo: «Mɔ na mii faʔari yɛlɛ di kòro. Ncan mii tiimaa wi mii pulocew sínɛgɛ mɔ láari ni, a wi ga gi nyaa woro i nyɛ ní fícɛnnɛ ní, a wi i mii córo yafaʔala. Yawe wi yɛlɛ bi pye kútiiceriw mii ní mɔ níngi ní.»

Sélimɛ 16:5 Iomraidhean Croise

Sélimɛ 16:4

A Abirami sínɛ ní Agari ní, a wi fícɛnnɛ taa. Lǎli ni Agari gi nyaa woro i nyɛ ní fícɛnnɛ ní lè, a wi kàfɔjew fala n pye wi nyɛnɛ na yafaʔala.

Sélimɛ 31:53

Ki n yɛlɛ Abirahami Kolocɔlɔw, ní Nahɔri Kolocɔlɔw, ní be tóow Kolocɔlɔɔ í pye kútiijoow wo níngi ni.» A Zyakɔbi kàli Kolocɔlɔɔ na, woro wee na wi tóow Izaaki da ni fɛ̀ɛgí lè.

2 Cányi kèlē 24:22

Kacǎnnee Zakarii tóow Yehoyada da kpéʔele fànʔafɔw Zyowasi na lè, wi ga sɔ̀ngi lee bee na í, níì wi jáaw kpóo. N Zakarii yaʔa kúkoliw na, a wi gi joo níì jo: «Ki n yɛlɛ Yawe í gi nyaa si yíbege kpéʔele gi kéeli na.»

Ŋúnuyi 35:23

Yìri ŋúnɔmi na mi mii kútiiw kéele cɔɔnri, mii táangi joo mii Kolocɔlɔw ní mii Kàfɔw!

Ŋúnuyi 43:1

Ee Kolocɔlɔɔ, ki n yɛlɛ mi mii kútiiw ceri, pínɛ ní mii ní syɛɛnfelegi kánma na ki lè nyinimɛ fun! Mii syɔɔ námarafɔbèle ma, be lè syɛɛnnaa-sìnzinbèle!

Ŋúnuyi 7:8

Ki n yɛlɛ syɛɛnfeleye syɛ́ɛnmɛ í mɔ màʔa! Lúgu mi kári ǹjoʔo ma cama ni, mi sa tɛ́ɛn yaà pi ǹjoʔo ma.

Yirile 5:21

A be gi joo be ma níì jo: «Ki n yɛlɛ Yawe í yele wéle si kútiiw ceri. Níì cán yele n wolo kéeli kaan a li Faraɔnw ní wi syɛɛnkpolobèle bɛɛn. Yele n ŋɔsée le be kɔ́yi ni jàngó be wolo kpóo.»

Zyeremii 51:35

Péemee Babilɔni kpéʔele mii ní mii céri na lè, ki n yɛlɛ gee bee í lúru too wi na!» Siyɔn tɛ́ɛnfɔw wi jo nya. «Mii sìsyaanw wolo kapeele gɔlɔ́ í wòlo Kalide syɛ́ɛnbèle na!» Zyerusalɛmi wi jo nya.

Jàbɔbèle 11:27

Mii ga kapeele pye mɔ na í, mɔ wi kapeʔe kpéʔele mii na, àmɛɛ mɔ kapɛɛnni kpúmɔn ní mii ní lè. Yawe wi lè kútiijoow, woro wi yɛlɛ wi kútiiw ceri níjanʔa Isirayɛli ye ní Amɔn ye níngi ni.› »

1 Samyɛli 24:16

Yawe wi a pye kútiijoow. Woro wi a kútiiw ceri mii ní mɔ níngi ni. Wi a mii kéeli cɔɔnri, wi a pye mii kútiijoow bi mii yirige mɔ kɔ́yi ni.»