Sélimɛ 16:2 - Cebaara Bible 2010

² A Sarayi gi joo Abirami ma níì jo: «Wéle, àmɛɛ Yawe mii kún pìiseeri na lè, koro na ki n yɛlɛ mi sínɛ ní mii pulocew ní. Dɔ̀ʔɔ́ mii a nànbile taa wi bárigaw ni.» A Abirami fɔ̀lɔ Sarayi syɛ́ɛnri na.

Sélimɛ 16:2 Iomraidhean Croise

Sélimɛ 11:30

Sarayi maa pye cenaa-sìnzeeo, pyà da pye wi ma í.

Sélimɛ 17:16

Mii a dùbaw taʔa wi na si wɔ́ɔ nànbile kaan mɔ ma wi bárigaw ni. Mii a dùbaw taʔa wi na, wi a ba pye syɛɛnfeleyaa nɔ́ɔ. Syɛɛnfeleyaa fànʔafɔɔlɔ a yiri wi ni.»

Sélimɛ 18:10

A pe wàa nibin jo: «Mii a lúru pan mɔ ma yɛɛláa ma, mɔ céw Sara a ba nànbile see.» Sara si maa pye fànikpaagi kpaaweele na Abirahami kàdoʔo ma ní i lúro.

Sélimɛ 19:31

Cangaa, pìíwee wi lɛɛ lè, a woro gi joo wi cɔnɔw ma níì jo: «Wolo tóow wi lɛɛ n kwɔ́ɔ wee, nàɔn faala si o nyɛ tári ni bi ba pye ní wolo ní bi yɛlɛ ní gi ní àmɛɛ gi kpéʔele lè í.

Sélimɛ 20:18

Níì cán Yawe maa Abimelɛki kpáagi wòolo myɛ yérige pìiseeri na Abirahami céw Sara kéeli na.

Sélimɛ 25:21

A Izaaki Yawe nyɛ́ɛri gbanʔama wi céw kéele na, níì cán wi maa pye cenaa-sìnzeeo. A Yawe wi nyɛ́ɛrigbɔɔgi lóʔo, a wi céw Erebeka yére ŋǎnbéle fícɛnnɛ na.

Sélimɛ 3:12

A nǎnw jo: «Céwee mɔ kaan mii ma wi pye mii pínɛnyɛnnɛ lè, woro wi tíigi bee yasangaa kaan mii ma a mii lìi.»

Sélimɛ 3:17

A wi gi joo nǎnw ma níì jo: «Tíigee kéele mii da joo lè níì jo mɔ a kɔ́ gi yasangaa lìi í, àmɛɛ mɔ baa mɔ céw syɛ́ɛnrɛ lóʔo lè níì gi kàa lìi. Koro na tári n dánga mɔ kapeeli kéele na. Mɔ a ra wɔʔɔ gbanʔama si náa ra yaliire taagi di ni mɔ siiw canya myɛ ni.

Sélimɛ 30:22

Lǎli bee ni a Kolocɔlɔɔ sɔ̀ngi n taa Arasyɛli na níì wi nyɛ́ɛrigi lóʔo, níì wi ceseegi múgu.

Sélimɛ 30:6

A Arasyɛli jo: «Kolocɔlɔɔ n tànʔa kaan mii ma kútiiw ni, ní wɔ́ɔ̀ lóʔo mii ma níì nànbile kaan mii ma.» Koro na wi wi mɛ́ɛgi le ni wi yiri Dan.

Ŋúnuyi 127:3

Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

Yirile 21:4

Kapye wi kàfɔw maa cɔlɔɔ kaan wi ma, a wi nànbiigéle, wàlá calipiigèlē see wi ma, céw ní wi pìíbèle a kòro yaà wi kàfɔw ma, wi nibin sáā syée.

Wuruti 4:11

Syɛ́ɛnbèle myɛ be pye lè kpàánweeli na n fàra wolɛɛbèle na, a poro jo: «Wolo i nyɛ gi séerabéle. Céw wi a jée mɔ kpáagi ni lè, ki n yɛlɛ Yawe í wi kpéʔele Arasyɛli ní Leya félege, poro bele siin be Isirayɛli narigbaagi faan lè. Ki n yɛlɛ mɔ í pye séefɔlɔ Efirata ni, ní mɛ́ʔɛfɔlɔ Bɛtilehɛmi ni.