Sélimɛ 16:12 - Cebaara Bible 2010

¹² Mɔ piiw bee a ba pye àmɛɛ seʔe jofani nyɛ lè. Wi a ra syɛ́ɛnbèle myɛ túngu, syɛ́ɛnbèle myɛ si wɔ́ɔ ra wi túngu. Wi a ba tɛ́ɛn wi nibin, si yɛʔɛ̀ wáa wi senyɛnbèle myɛ ma.»

Sélimɛ 16:12 Iomraidhean Croise

Sélimɛ 21:20

A Kolocɔlɔɔ pye ní nànbili ní, a li baa yìri n lɛɛ níì tɛ́ɛn fìími tára ni. A wi baa pye sedeŋɔɔ-sànbali.

Sélimɛ 25:18

A Isimayɛli yòdaʔayi tɛ́ɛn tɛ́nɛmee ni bi nyɛ lè Havila, ní Syuri níngi ni. Syuri i nyɛ Ezyipiti taana Asirii tári kàbaan na. A Isimayɛli yòdaʔayi tɛ́ɛn n yɛʔɛ̀ wáa yi senyɛnbèle bele myɛ ma pe wɔ́ɔ̄ nyɛ lè Abirahami pìibēle.

Sélimɛ 27:40

Mɔ ŋɔséew báriga ni mɔ a ra mɔ liili taagi. Mɔ si a pye mɔ senyɛnw kɔ́lɔ na. Kàjáa mɔ ga baa curugo n màʔa n kwɔ́ɔ, lǎli bee ni mɔ a wi zúuw kabi bi láʔa mɔ yátiigi na.»

Sélimɛ 37:25

Koro kàdoʔo ma a be tɛ́ɛn bi lìi. Ní kɔ́ɔ̀ be yɛ́ɛyi yìrige n wéle n Isimayɛli ye jàgiwáabéle kabiga nyaa gee ki da yìri Galaadi tári ma ni maa lè. Ezyipiti má pe da ni sɔ̀lɔ́ ni syée. Pe maa nùndaanna yárira tugo pe falibaayi na ni syée, ti lè aromati, ní céyaa-sǐnmi, ní míiri.

Zyɔbi 11:12

Kàjáa nyùnbiremɛ fun sícilimɛ bi nyɛ syɔɔn ma, syɔɔn n see àmɛɛ seʔe jofani pya nyɛ lè.

Zyɔbi 24:5

Wéle, àmɛɛ seʔe jofanibèle gi kpéʔele lè fìími tára ni, ànbée be yirigi nyǐnjerigi na ni syée be fáliw kurugo jàngó bi yaliire taa, sìnbirigi yagana gi nyɛ bàā yaliire kaangi pìíbèle ma.