Sélimɛ 16:11 - Cebaara Bible 2010

¹¹ A Yawe nyɛ̀ʔɛni tunduɔn níì wi yari: «Wéle, mɔ wi nyɛ wee ní fícɛnnɛ ní, nànbile si mɔ a ba see, mɔ si a ra li yiri Isimayɛli, níì cán Yawe n mɔ wɔʔɔgi sùpile lóʔo.

Sélimɛ 16:11 Iomraidhean Croise

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 21:17

A Kolocɔlɔɔ pìíw sùpile lóʔo. A Kolocɔlɔɔ tundunw kòro yaà nyɛ̀ʔɛni na níì Agari yeri níì jo: «Agari, nyàʔá gi mɔ taa? Mɔ a kɔ́ ra fɛ̀ɛgí í. N pìíw yaʔa yaà mɛ̀ɛ wodɛ́ɛɔn ní, Kolocɔlɔɔ n wi sùpili lóʔo.

Sélimɛ 37:25

Koro kàdoʔo ma a be tɛ́ɛn bi lìi. Ní kɔ́ɔ̀ be yɛ́ɛyi yìrige n wéle n Isimayɛli ye jàgiwáabéle kabiga nyaa gee ki da yìri Galaadi tári ma ni maa lè. Ezyipiti má pe da ni sɔ̀lɔ́ ni syée. Pe maa nùndaanna yárira tugo pe falibaayi na ni syée, ti lè aromati, ní céyaa-sǐnmi, ní míiri.

Zyɔbi 38:41

Wìí wi yaliiri kaangi kàanrigi ma, lǎli ni gi pìíbèle ga ni yákpogèle wáa Kolocɔlɔɔ kurugo lè, ní i curugu ni máari yaliire fun ni lè?

Ŋúnuyi 22:24

Yele bele ye fɛ̀ɛgí Yawe na lè, yaa wi kpɔ̀ʔɔrɔ́! Yele Zyakɔbi yòdaʔayi myɛ, yaa wi kpɔ́ʔɔgi, yaa fɛ̀ɛgí wi na yele Isirayɛli yòdaʔayi myɛ!

Yirile 3:7

A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Yirile 3:9

Tɔ́ɔliw ni Isirayɛli ye sùpiiwáari n lúgu fwɔɔ n nan mii na. Kánmee na Ezyipiti ye be fǎngi gbàn be na lè, mii n gee bee nyaa.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Luki 1:13

A nyɛ̀ʔɛni tunduɔn wi pye: «Zakarii, mɔ a kɔ́ ra fɛ̀ɛgí í. Níì cán Kolocɔlɔɔ n mɔ nyɛ́ɛrigi lóʔo. Mɔ céw Elizabɛti a pyà see mɔ ma nàɔn, mɔ a ra wi mɛ́ɛgi yiri Zyan.

Luki 1:31

Wéle, mɔ a fícɛnnɛ taa bi pyà see nàɔn. Mɔ a ra wi mɛ́ɛgi yiri Zyezu.

Luki 1:63

A wi kàlagolo nyɛ́ɛri be ma n mɛ́ɛgi sɛ́bɛ li na níì jo: «Pe i wi yiri Zyan.» A pe myɛ i káama gi na.

1 Samyɛli 1:20

A Ani yére fícɛnnɛ na, a wi làrizeeli ga baa nan, a wi nànbile see, níì li mɛ́ɛgi le ni li yiri Samyɛli, wi maa jo: «Níì cán Yawe má mii li nyɛ́ɛri.»