Sélimɛ 16:10 - Cebaara Bible 2010

¹⁰ A Yawe nyɛ̀ʔɛni tunduɔn níì wi yari: «Mii a mɔ yodaʔayi yaʔa yi nɛʔɛ gbanʔama, bi pye syɔɔn a gbǎn yi córo í.»

Sélimɛ 16:10 Iomraidhean Croise

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 16:9

A Yawe nyɛ̀ʔɛni tunduɔn wi yari: «Lúru maa syée mɔ kafɔjew ma mi sa miyɛɛ gaan wi ma.»

Sélimɛ 17:20

Gee si mɔ joo Isimayɛli kéeli na lè, mii n gi lóʔo. Mii a dùbaw taʔa wi na. Mii a wi yaʔa wi tɔ̀nɔ́ see saʔa bi wi kpéʔele syɛɛnnɛʔɛmɛ. Wi a fànʔafɔbiigéle kɛɛ ní siin see. Mii a wi kpéʔele syɛɛnfelege, gee ki a tɔ̀nɔ́ nɛʔɛ lè.

Sélimɛ 21:13

Mii si a wɔ́ɔ gi yaʔa syɛɛnfelegaa í yiri mɔ pulocew pyà ni, níì cán mɔ piiwaa wii.»

Sélimɛ 21:16

níì kári n sáà tɛ́ɛn yaà yɛʔɛ̀ ma sedege ŋáʔa léeliganma na. Níì cán wi maa gi joo níì jo: «Pìíw ga yɛlɛ wi kɔ kùu mii nyɛ́nɛ na í.» A wi sáà canʔana n tɛ́ɛn yaà wi zǐnmi na ni nyaan.

Sélimɛ 21:18

Yìri mi sa pìíw láa mi yìrige, wi cò kɔ́gi na. Níì cán mii a wi kpéʔele syɛɛnfelegaa, gee ki a nɛʔɛ lè gbanʔama.»

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Malasyii 3:1

«Wéle, mii a mii tundunw tun. Wi a sa kologo wòlo mii yɛ́ʔɛ ma. Kàfɔw a ba foo jée wi kpɔ̀ʔɔrɔli kpaʔa ni woro wee yele caa lè. Joogaanni tunduɔn kéele li nyɛ yele fúnyi ni lè, woro wi maa wee,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zyan 1:18

Syɔɔn ga tɔ̀nɔ n kɔ́ɔ̀ Kolocɔlɔɔ nyaa í, fwɔɔ Jaafɔw nibin wi nyɛ lè Kolocɔlɔɔ, ní i nyɛ ní Tofɔw ní làla o làla, woro wi Kolocɔlɔɔ kánmi tɛ̀ɛn wo na n fílige.

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

Jàbɔbèle 6:11

Koro kàdoʔo ma a Yawe nyɛ̀ʔɛni tunduɔn pan n baa tɛ́ɛn Ofira terebɛnti tíigi láara ni, tɛ́ɛgi ni gi lè Zyowasi wógi, wi lè Abyezɛɛri túlugi wówaa. Wi jáaw Zyedeyɔn si maa pye ni bile sàngí ɛrɛzɛn lógi tɛɛnùgugo ni jàngó woro í wi taa làriga Madyan ye na.

Jàbɔbèle 6:16

A Yawe wi pye: «Mii a pye ní mɔ ní. Mɔ a Madyan ye jáa. Pe a pye mɔ ma àmɛɛ nàɔn nibin nyɛ lè.»