Sélimɛ 15:9 - Cebaara Bible 2010

⁹ A Yawe wi yari: «Ki n yɛlɛ mi yɛ̀ʔɛlɛ taanri náapyaʔa, ní yɛ̀ʔɛlɛ taanri síkaa, ní yɛ̀ʔɛlɛ taanri bapɔlɔ cò n fàra kàtolo nibin, ní lòbwɔɔpile nibin na mi pan mii ma.»

Sélimɛ 15:9 Iomraidhean Croise

Sélimɛ 15:10

A Abirami yaweegèle bee myɛ cò n pan, ní baa ge paʔala jaaya siin-ziin, níì jaa-jaayi bee yɛ́ɛyɛ sɔʔɔlɔ yiyɛɛ ni, kàjáa wi da féjɛɛngèle paʔala í.

Sélimɛ 15:8

A Abirami si jo: «Kàfɔw Yawe, nyàʔá ki a gi tɛ̀ɛn mii na mii í gi cán bi cán mii a ba tári naa taa di pye mii wóro?»

Sélimɛ 22:13

A Abirahami yɛ́ɛgi yìrige níì kàri n wéle n bàpɔlɔ nyaa wiyɛɛ kàdoʔo ma a wi nyɛ́ngèle nyára tiipiige ni. A wi sáà wi cò n baa wòlo sáriga-sórigoo wi jáaw sìndɛʔɛ ni.

Ŋúnuyi 50:5

«Ye mii syɛɛncanbèle kpóʔoro mii ma, poro bele be joogaanna kpéʔele ní mii ní lè ní sáriga-wòlori ní!»

Ŋúnudaangi 2:12

Fílɛɛriw n càri tári ni, làriŋuuni n nan, kàtoli ŋùumɔ i lúro wolo tári ni.

Ezayi 15:5

Mii fúngi i yakpoli wáa Mowabi kéeli na, woro wee wovan-mí-syɔɔbéle be fé ni syée lè fwɔɔ n sa ni nangi Sowari na, n sa ni nangi fwɔɔ Egilati-Syelisyiya na. Ncan pe i nyaan ni Luyiti dǎndamagi lúru. N be yaʔa Horonayimi kólogi na, pe i sùpiigèle wáa gàlagíw kéele na.

Levii ye sáriga-wòlori 1:10

Wi yakaangi ga pye yaweepilaa sáriga-sórigoo, bàpile, wàlá kapiige, ki n yɛlɛ wi pan ní li ní li pye tɛɛlɛ fun bɔ̀lɔ́.

Levii ye sáriga-wòlori 1:14

Wi sáriga-sórigow yakanʔa wi a kaan lè Yawe ma, ki ga pye féjɛɛnnɛ wóʔo, wi a kàtogèlē, wàlá lòbwɔɔpiigéle wòlo sáriga.

Levii ye sáriga-wòlori 1:3

Wi yakaangi ga pye yaweekpɔɔlaa sáriga-sórigoo, ki n yɛlɛ wi pan ní tɛɛlɛ fun náapɛɛlɛ ní, wí ba li wòlo sáriga Syɛ́ɛnmi Tɛɛfaraga fànikpaʔa kpaaweele yɛ́ʔɛ ma, koro ga pye Yawe í fɔ̀lɔ wi na.

Levii ye sáriga-wòlori 12:6

Wi jéemununi canya ga foro lǎli ni lè, nànbile kéele wàlá calipile kéele na, wi a pan ní yɛɛlɛ nibin bàpile ní sáriga-wòlow ma, Syɛ́ɛnmi Tɛɛfaraga fànikpaʔa kpaaweele yɛ́ʔɛ ma, bi ba kpéʔele sáriga-sórigoo, si pan ní lòbwɔɔpile wàlá ní kàtolo ní bi ba pye kapeeli kùsulugo sáriga.

Levii ye sáriga-wòlori 12:8

Kapye bàpili sée ga taa wi na í, waa maa ní kàtogèlē siin wàlá lòbwɔɔpiigéle siin ní, làa nibin í ba pye sáriga-sórigoo, lee si pye kapeeli sáriga kéele na. Sáriga-wòlow a céw bee kapeele kusulugo fáli kpéʔele, wi a mùnu.› »

Levii ye sáriga-wòlori 14:22

Wi pan ní kàtogèlē siin, wàlá lòbwɔɔpiigéle siin ní, bi yɛlɛ ní wi taaganmi ní. Làa nibin a pye kapeegèle kùsulugo sáriga, lee si pye sáriga-sórigoo.

Levii ye sáriga-wòlori 14:30

Koro kàdoʔo ma wi kàtoli bee làa nibin wàlá lòbwɔɔpili bee làa wòlo sáriga, koro gele syɔ́ɔnw bee a gbǎn taa lè.

Levii ye sáriga-wòlori 3:1

« ‹Syɔɔn yakaangi ga pye pínɛnyɛnnɛgɛ sáriga, ki ga pye yaweekpɔɔlɔ, bɔ̀lɔ́ wàlá cɔlɔɔ, wi pan ní tɛɛlɛ fun wólo ní Yawe yɛ́ʔɛ ma.

Levii ye sáriga-wòlori 3:6

Wi pínɛnyɛnnɛgi sáriga yakanʔa wi a kaan Yawe ma lè ki ga pye yaweepilaa, a li i nyɛ bɔ̀lɔ́ yoo, cɔlɔɔ yoo, ki n yɛlɛ wi li kaan tɛɛlɛ fun wólo.

Levii ye sáriga-wòlori 9:2

A wi baa gi joo Aarɔn ma níì jo: «Ki n yɛlɛ mi náapebile nibin cò mi pye kapeegèle kùsulugo sáriga, ní bàpɔlɔ nibin, woro í pye sáriga-sórigoo, ke myɛ siinw í pye tɛɛlɛ fun wòʔolo. Mi pan ní ge ní Yawe yɛ́ʔɛ ma.

Levii ye sáriga-wòlori 9:4

yé náapɛɛlɛ, ní bàpɔlɔ pye pínɛnyɛnnɛgɛ sáriga, ye dee bee wòlo Yawe yɛ́ʔɛ ma sáriga, yé pan ní míimi yakanʔa ní, gee ni yele a sìnmɛ nyáʔami lè. Níì cán Yawe a wiyɛɛ dɛ̀ɛn yele na níjanʔa.› »

Luki 2:24

Pe maa wɔ́ɔ̀ kári sa sárigaw wòlo wee kéele li joo lè Kàfɔw làlwa ni níì jo: «Kàtogèlē siin koro ga jáa lòbwɔɔpiigéle siin.»