Sélimɛ 15:5 - Cebaara Bible 2010

⁵ A wi Abirami kɔ́ri n yiri kàfugi na, ní baa wi pye: «Ki n yɛlɛ mi nyɛ̀ʔɛni sámaga mi wéle mí ŋɔripiigèle córo kapye mɔ fánʔa i nyɛ ge na bi gbǎn ge córo. A wi níì wi pye: Kánmi bee na si mɔ piibèle a ba nɛʔɛ.»

Sélimɛ 15:5 Iomraidhean Croise

Sélimɛ 12:2

Mii a mɔ kpéʔele syɛɛnfele-nɛʔɛgɛ, si dùba taʔa mɔ na, si wɔ́ɔ mɔ mɛ́ɛgi kpɔ́ʔɔ. Mɔ ni syɛɛnsanbèle a ra dùbaw taagi.

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 16:10

A Yawe nyɛ̀ʔɛni tunduɔn níì wi yari: «Mii a mɔ yodaʔayi yaʔa yi nɛʔɛ gbanʔama, bi pye syɔɔn a gbǎn yi córo í.»

Sélimɛ 17:2

Mii a mii joogaanni yaʔa li pye mii ní mɔ níngi ni, si tɔ̀nɔ́ mɔ kpéʔele syɛɛnnɛʔɛmɛ.»

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Sélimɛ 32:13

Mɔ si n gi joo mii ma níì jo: ‹Mii a kacànna kpéʔele mɔ na, si mɔ yodaʔayi yaʔa yi nɛʔɛ bi pye àmɛɛ sólomi lɔ̀ʔɔ nyɔ́ɔ táminyɔɔ nyɛ lè, wi lè wi a gbǎn córo í.› »

1 Fànʔafɔbèle 3:8

Mɔ falipyew i nyɛ mɔ syɛ́ɛnbèle nínge ni, bele mɔ nyɛ́nɛ n wòlo lè, syɛɛnfelegaa gii, bele be nɛʔɛ lè n pye syɔɔn a gbǎn be córo bi be nyɔ́ɔgi cán í.

1 Cányi kèlē 27:23

Bele pe da taa lè yɛ̀ʔɛlɛ toko toko, ní poro kàdoʔo ma wóbèle, Davidi da poro córo bele ni í. Níì cán Yawe maa jo woro a Isirayɛli ye nɛʔɛ be pye àmɛɛ nyɛ̀ʔɛni ŋɔripiigéle nyɛ lè.

Nehemii 9:23

Mɔ n be jáabèle nɛʔɛ a be pye àmɛɛ nyɛ̀ʔɛni ŋɔripiigéle nyɛ lè, níì be lége tári ni, dee kéele mɔ da joo be toolɛɛbèle ma lè níì jo pe jée di ni pe di syɔɔ taa.

Zyɔbi 35:5

Nyɛ̀ʔɛni kéele kɔ̀rɔsíi mí gi nyaa! Fàfaanyi wéle àmɛɛ yi léeli mɔ na lè.

Ŋúnuyi 147:4

Wi i ŋɔripiigèle córo ni ge nyɔ́ɔgi cángi, wi i mɛ́ɛyɛ nii ke myɛ nibin nibin na.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Zyeremii 33:22

Amɛɛ gi nyɛ lè Nyɛ̀ʔɛni Sùlasiibéle a gbǎn córo í, ní àmɛɛ gi nyɛ lè sólomi lɔ̀ʔɔ táminyɔɔw a gbǎn kíri í, kánmi bee na mii a Davidi yòdaʔayi nɛʔɛ wi lè mii falipyew, ní Levii ye, poro bele be báara mii ma lè.› »

Wɔrɔmi ye 4:18

Alí n gi yaʔa kéelee li da pye lè syɔɔn a gbǎn wi sɔ̀ngumi taʔa li na í, a Abirahami wi sɔ̀ngumi taʔa lee bee na níì tága gi na ncan woro a ba pye syɛɛnfele-nɛʔɛyɛ tóo, àmɛɛ Kolocɔlɔɔ da gi joo wi ma lè níì jo: «Anbée mɔ yodaʔayi a ba pye.»

Làlwaw Kaanziin 1:10

Yawe yele Kolocɔlɔw n kàa fàra yele na, a yele nɛʔɛ bele níjanʔa n pye àmɛɛ nyɛ̀ʔɛni ŋɔripiigéle nyɛ lè.

Làlwaw Kaanziin 10:22

Lǎli ni mɔ tóolɛɛbèle tìgi n kári Ezyipiti ma lè, pe maa pye syɛ̀ɛnnɛ togoye taanri ní kpɔrigɔ, tɔ́ɔliw ni, Yawe mɔ Kolocɔlɔw n mɔ kpéʔele syɛɛnnɛʔɛmɛ àmɛɛ nyɛ̀ʔɛni ŋɔripiigéle nyɛ lè.

Heburubèle 11:12

Gee bee na nǎnwee wi da pye lè mɔ a jo wi n kùu n kwɔ́ɔ, nǎnw bee nibin yòdaʔaya n baa nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní wɔ́ɔ i nyɛ córomɔ fun àmɛɛ sólomi lòkpɔʔɔ kagomɔ táminyɔɔ nyɛ lè.

Zyozuwe 24:3

A mii yele tóolɛɛgi Abirahami láa yaà cábigi jelige na, ní baa wi yɛ́ɛgi kíni n Kanaan tári myɛ nyaari n foro. A mii wi yòdaʔayi nɛʔɛ. Mii maa Izaaki kaan wi ma,