Sélimɛ 15:4 - Cebaara Bible 2010

⁴ A Yawe si gi joo wi ma níì jo: «Nǎnw bee ban wi a mɔ kɔ́rigi lìi í. Fwɔɔ pìíwee mɔ tiimaa a see lè, woro wi a pye mɔ kɔriliiw.»

Sélimɛ 15:4 Iomraidhean Croise

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 17:16

Mii a dùbaw taʔa wi na si wɔ́ɔ nànbile kaan mɔ ma wi bárigaw ni. Mii a dùbaw taʔa wi na, wi a ba pye syɛɛnfeleyaa nɔ́ɔ. Syɛɛnfeleyaa fànʔafɔɔlɔ a yiri wi ni.»

Sélimɛ 21:12

Kàjáa a Kolocɔlɔɔ gi joo Abirahami ma níì wi pye: «Pìíw ní mɔ pulocew kéele ga yɛlɛ bi gbàn mɔ ma í. Gee myɛ Sara ga ni caa mɔ ma lè, ki n yɛlɛ mi fɔ̀lɔ gi na wi ma. Níì cán Izaaki ni mɔ yodaʔayi a yiri, yee na mɔ mɛ́ɛgi a pye lè.

2 Samyɛli 16:11

A Davidi Abisyayi ní woro falipyebèle myɛ pye: «Mii tiimaa pìiseew si i mii caa bi kpóo, n náa kɔ́ɔ̀ yére Bɛnzyamɛ ye wów naa na. Wi yaʔa yaà waa dángaw syɛ́ɛnrɛ nyuu, níì cán Yawe wi koro joo wi ma.

2 Samyɛli 7:12

Mɔ siiw canya ga baa foro lǎli ni lè, a mɔ ŋúnɔ n fàra mɔ tóolɛɛbèle na, mii a mɔ pìiseewaa nyɛ́nɛ wòlo bi télege fǎngi na mɔ kadoʔo ma, mii si a wi fǎngi báriga.

2 Cányi kèlē 32:21

Lǎli bee ni a Yawe nyɛ̀ʔɛni tundunwaa tórigo, a wi sáà sànbalibèle myɛ kwɔ́ɔ n yirige yaà pe lè nànniribèle, n wɔ́ɔ̀ sùlasiibèle kàfɔɔlɔ, ní be kùndigibèle myɛ kwɔ́ɔ n yirige yaà Asirii fànʔafɔw sùlasiibéle tɛɛkòrogo ni. A wi lúru n kári wi tári ma fɛ̀ɛrɛ wóo ní, ní sáà jée wi kolocɔlɔw kpaʔa ni, a wi tiimaa pìiseebèle sáà wi kpóo yaà ní ŋɔsée ní.

Galasi ye 4:28

Yele si na, ni senyɛ̀nnɛ, yele i nyɛ nyɔɔfaligi jàala àmɛɛ Izaaki da pye lè.

Filemɔn 1:12

Mii n wi lúrugo n tórigo mɔ ma, ki i nyɛ mɔ a jo mii tiimaa fúngi mii tórigo mɔ ma.