Sélimɛ 15:2 - Cebaara Bible 2010

² A Abirami jo: «Kàfɔw Yawe, nyàʔá si mɔ a zǐn kaan mii ma? Mii wi syée wee pyà fun ni. Wee wi a mii kpáagi kɔ́rigɔ lìi lè, woro wi nyɛ Eliyezɛɛri wi lè Damasi ye wów.»

Sélimɛ 15:2 Iomraidhean Croise

Sélimɛ 14:15

A wi wi kapɛɛnkpumɔnbèle kabiga tíla, a be too fànʔafɔbèle bee na yébiligi ni woro ní wi falipyebèle ní. A wi be jáa, níì be kɔ́ri n láa fwɔɔ n sáà nan Hoba na. Tɛ́ɛgi bee i nyɛ Damasi solomɔkulo kàbangi na.

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 15:3

A Abirami níì jo: «Ncan mɔ ga pyà kaan mii ma í, á gi nyaa mii kpáagi púlowaa wi a ba pye mii kɔriliiw.»

Sélimɛ 24:10

A falipyew fàlibaaya kɛɛ wòlo wi kàfɔw fàlibaaya ni, níì tàa wòlo wi kàfɔw yacanra féleye myɛ ni n kári Nahɔri kěgi ma Mezopotamii tári ni.

Sélimɛ 24:2

Cangaa a Abirahami kɔ́ɔ̀ gi joo wi falipyenǎnwee ma wi lɛɛ n sɔ̀lɔ wi kpáagi falipyebèlē na lè, woro wee wi da pye lè Abirahami kɔ́lɔ yáriri myɛ nyúngo na, níì wi pye: «Ki n yɛlɛ mi mɔ kɔ́gi le mii céekpɔɔli láara ni,

Sélimɛ 25:21

A Izaaki Yawe nyɛ́ɛri gbanʔama wi céw kéele na, níì cán wi maa pye cenaa-sìnzeeo. A Yawe wi nyɛ́ɛrigbɔɔgi lóʔo, a wi céw Erebeka yére ŋǎnbéle fícɛnnɛ na.

Sélimɛ 39:9

Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Sélimɛ 43:19

A be fala n sɛ̀ʔɛrɛ Zyozɛfu kpáagi kakarigaɔ ma n joo ní wi ní kpaaweeli na,

Sélimɛ 44:1

A Zyozɛfu syɛ́ɛnri naa joo n gbàn wi kpáagi kakarigaɔ ma níì wi pye: «Syɛ́ɛnbèle naa gɔ̀nvaʔaya nyìn lìíli na, lee pe a gbǎn tugo lè, mí pe myɛ nibin nibin wáli lúrugo mi le be ma pe gɔ̀nvaʔayi ni.

Ŋúnuyi 127:3

Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

Kàseegèle 13:12

Sɔ̀ngumi tɛɛtaʔaga yáriga ga mɔn kólogi na, ki i yaama cáan syɔɔn fúngi na, gee si syɔɔn caa wi fúngi ni lè, ki ga taa, ki i nyɛ sìi tíige.

Kàseegèle 17:2

Falipyewee wi cìlige lè wi i jaafɔw kàragí, wee wi fɛ̀ɛ́ri kèlē kpéʔele lè, si lɛɛlɛ taa kɔ́rigi ni senyɛnbèle nínge ni.

Ezayi 17:1

Joogbanna Damasi kánmi na. «Wéle, àlí Damasi a ní pye kàʔa í, ki a pye gurubɛɛtooro.

Ezayi 56:5

mii a be kpéʔele fɛ̀ɛ mii kpáagi ni, ní mii gúnyi ni, si mɛ́ʔɛ le be na, gee gi sɔ̀lɔ lè nànbiigéle, ní calipiigèlē taala na. Mii a bàngwɔɔ mɛ́ʔɛ le be na, gee gi lè ki a tée kwɔ́ɔ bi yiri yaà í.

Zyeremii 49:23

Dee di joo Damasi kéeli na lè: «Hamati, ní Aripadi n curugo. Níì cán pe n syɛɛnpɛɛnrɛ lóʔo. Pe i cɛ̀lɛ́ n pye àmɛɛ sólomi lɔ̀ʔɔ nyɛ lè sìnyére ni.

Kapyegèle 7:5

Wi si da kɔ́ɔ̀ tɛɛgaa faala kaan wi ma di ni gi pye wi woʔò í, àlí gee ni syɔɔn a gbǎn nyɔ̌nni tɛ́ʔɛ lè í, wi si maa nyɔ́ɔgi fàli wi ma níì jo, woro a ba tári naa fáliga kaan wi ma ní wi yòdaʔayi ma naa wi kàdoʔo ma bi gi taa pyà da kɔ́ɔ̀ pye wi ma gbɛnʔɛnɛ í.

Wuruti 2:6

Falipyew wi pye lè yaliilaabèle kɔ̀rɔsiifɔlɔ, a woro wi yari: «Mowabi ye cepìíw wi yìri Mowabi tári ma n pan ní Nowemii ní lè woro wii.

1 Samyɛli 1:11

A wi nyɔ́ɔgi fàli níì jo: «Yawe, mɔ wi lè Nyɛ̀ʔɛni Sùlasiibéle Kafɔlɔ, mɔ ga mɔ falipyecew fɔ̀rɔgɔ kéele wéle, wi lè mii, mɔ ga sɔ̀ngi n taa mii na, mɔ ga pye mɔ ga fɛ̀ʔɛ mɔ falipyecew na í, mɔ ga nànbile kaan mii ma, mii a li kaan mɔ Yawe ma li sìíw canya myɛ ni. Nyùngunu-ŋɔ́nɔ a jée wi nyǔngi ni í.»