Sélimɛ 15:16 - Cebaara Bible 2010

¹⁶ Mɔ yodaʔayi a kòro yaà bi taa ba nan pe yìrigēle sicɛrɛ wóli na si náa lúru pan nɛɛ naa. Níì cán Amɔri syɛ́ɛnbèle sìnzinmɛ ga kɔ́ɔ̀ foro n nan mii í be nɛnɛ í.»

Sélimɛ 15:16 Iomraidhean Croise

Sélimɛ 10:16

ní Yebusi ye, ní Amɔri ye, ní Giirigasi ye,

Sélimɛ 15:13

A Yawe si gi joo Abirami ma níì wi pye: «Ki n yɛlɛ mi gi cán mɔ yodaʔayi a kɔ́ sa pye nibɔɔnnɔ táraa ni, dee di lè ti o nyɛ pe worò í si pye yaà beè pulobèlē. Bele bee a ra be wɔʔɔ yɛ̀ʔɛlɛ saala siin fúngo ni.

Sélimɛ 48:21

A Isirayɛli gi joo Zyozɛfu ma níì wi pye: «Wéle, mii wi a kùu wee kàjáa Kolocɔlɔɔ a pye ní yele ní bi ní yele lúrugo tórigo yele tóolɛɛbèle tára ma.

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

1 Fànʔafɔbèle 21:26

Wi n kapeekpɔʔɔ kpéʔele, gee gi pee n sɔ̀lɔ lè koro gi nyɛ wi n wiyɛɛ daʔa yasunyi na n yɛlɛ ní Amɔri ye kapyeri myɛ ní, poro bele Yawe da nɛnɛ n yirige yaà lè níì Isirayɛli ye télege.

2 Fànʔafɔbèle 21:11

«Amɛɛ Zyuda fànʔafɔw Manase nɔ́nʔɔri naa kèlē kpéʔele lè àlí n sɔ̀lɔ Amɔri ye wógèle myɛ na pe da ni kpéʔele naa wi yɛʔɛ̀ ma lè. Wi n wɔ́ɔ̀ Zyuda ye kɔ́ri n lége kapeebyeri ni wi yasunyi báriga ni.

Ŋúnuyi 105:43

Wi n wi syɛ́ɛnbèle yirige yaà ní fundaangbɔɔrɔ ní, wi syɛɛnnyɛnɛ-wòlobèle, ní fundaanra yákpogéle ní.

Yirile 12:40

Lǎlee Isirayɛli ye kwɔ́ɔ Ezyipiti ni lè, li n pye yɛ̀ʔɛlɛ saala siin ní toko ní kpɔrigɔ.

Yirile 13:3

A Mowizi gi joo Isirayɛli syɛ́ɛnmi ma níì bi pye: «Yaa sɔ̀ngí yaa taagi cángi naa na, gee ni yele yiri lè gee níjanʔa Ezyipiti ni, púlori kpaʔa ni. Níì cán Yawe kɔ́gi séekpɔɔɔ wi yele yirige di ni. Yele ga ni cángi naa sɔ̀ngudaara kpéʔele, ki ga yɛlɛ yele í levé búru lìi í.

Yirile 13:4

Yele ye yirigi bele níjanʔa Abiibi yégi ni.

Danyɛli 8:23

Be fǎnyi kwɔ́ɔmɔ na, kapeebyebèle kapeebyere ga foro, fànʔafɔwaa nikwɔɔ a yìri, wee wi a pye lè nɛ̀ɛgbɔʔɔgɔ fɔ́lɔ, ní nigbanaɔ.

Levii ye sáriga-wòlori 18:24

Yele a kɔ́ kéeli bee làa faala kpéʔele bi yeyɛɛ nɔ́nʔɔ í. Níì cán syɛɛnfeleyi mii a nɛnɛ yele yɛ́ʔɛ ma lè, ní kérigèle bee ní yi yiyɛɛ nɔ́nʔɔ.

Làlwaw Kaanziin 9:4

Lǎli ni Yawe mɔ Kolocɔlɔw ga be ŋɔrigɔ ŋɔrigɔ n yirige yaà mɔ yɛ́ʔɛ ma lè, mɔ a kɔ́ gi joo miyɛɛ fúngi ni í si jo: ‹Mii sínni kéele na Yawe mii lége tári naa ni a mii syɔɔ n taa› í. Níì cán syɛɛnfeleyi bee péemɛ kéele na Yawe a yi nɛnɛ bi yirige yaà mɔ yɛ́ʔɛ ma.

Làlwaw Kaanziin 9:5

Mɔ sínni, ní mɔ funviiw báriga ni ban mɔ a jée be tári ni bi di syɔɔ taa í, kàjáa Yawe mɔ Kolocɔlɔw a syɛɛnfeleyi bee yirige yaà yi péemi kéele na. Wi a gee bee kpéʔele koro ga pye kéelee na wi kàli mɔ tofɔlɛɛyi Abirahami, ní Izaaki, ní Zyakɔbi ma lè, wi lee bee foro.

1 Tesaloniki ye 2:16

Syɛ́ɛnree wolo nyuu lè syɛɛnfeleyi wozanya ma koro ga pye yi syɔɔ, pe i dee bee yéregi, níì kòro ni kàa taʔala be kapeegèle na. A Kolocɔlɔɔ fundanʔari si kɔ́ baa too be na.