Sélimɛ 15:13 - Cebaara Bible 2010

¹³ A Yawe si gi joo Abirami ma níì wi pye: «Ki n yɛlɛ mi gi cán mɔ yodaʔayi a kɔ́ sa pye nibɔɔnnɔ táraa ni, dee di lè ti o nyɛ pe worò í si pye yaà beè pulobèlē. Bele bee a ra be wɔʔɔ yɛ̀ʔɛlɛ saala siin fúngo ni.

Sélimɛ 15:13 Iomraidhean Croise

Yirile 1:11

Lǎli bee ni a be fala n pɔ́rɔtɔɔ-fáli kùndigibéle nyɛ́nɛ n wòlo n télege be nyúngi na, jàngó bele bee í pɔrɔtɔɔri fáli gbàn be na gbanʔama. Kánmi bee na be kèye siin faan Faraɔnw ma a yi pye wi lɔ́ri tɛɛkɔnyɔ. Kěyi bee yi nyɛ Pitɔmi, ní Aramisɛsi.

Kapyegèle 7:17

Nyɔ́ɔgi Kolocɔlɔɔ da fàli Abirahami ma lè, àmɛɛ gi làrivoroli ba ni nùuní lè, a wolo syɛ́ɛnbèle tɔ̀nɔ i nɛʔɛgi gbanʔama Ezyipiti ni.

Galasi ye 3:17

Ye wéle, dee mii caa bi joo lè, toro di nyɛ dee naa: Kolocɔlɔɔ maa téè joogaanni sámaga n tɛ́ʔɛ, a yɛ̀ʔɛlɛ saala siin ní toko ní kpɔrigɔ ga kwɔ́ɔ, a wi náà Mowizi làlwaw tɛ́ʔɛ, kàjáa làlwaw a gbǎn joogaanni sàa nyɔɔfaligi si kálagi í.

Levii ye sáriga-wòlori 19:34

Nibɔnw wi baa tɛ́ɛn ní yele ní lè, yaa wi córo sèjira ní kànanbiigèle ní yeyɛɛ níngi ni. Ki n yɛlɛ mi nibɔnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè. Níì cán yele maa wɔ́ɔ̀ pye nibɔɔnnɔ Ezyipiti tári ni. Mii wi nyɛ Yawe yele Kolocɔlɔw.

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Làlwaw Kaanziin 10:19

Ye nibɔɔn kéele yaʔa li yele dɛ́nɛ, níì cán yele maa wɔ́ɔ̀ pye nibɔɔnnɔ Ezyipiti tári ni.

Yirile 23:9

Mɔ a kɔ́ mɔ fangi gbàn nibɔnw na wi baa tɛ́ɛn ní yele ní lè í, ncan yele n nibɔnmi kánma cán, níì cán yele maa wɔ́ɔ̀ pye nibɔɔnnɔ Ezyipiti tári ni.

Yirile 22:21

Yele a kɔ́ wɔʔɔgɔ taʔa lɔgucaa, wàlá círio na í.

Sélimɛ 15:16

Mɔ yodaʔayi a kòro yaà bi taa ba nan pe yìrigēle sicɛrɛ wóli na si náa lúru pan nɛɛ naa. Níì cán Amɔri syɛ́ɛnbèle sìnzinmɛ ga kɔ́ɔ̀ foro n nan mii í be nɛnɛ í.»

Sélimɛ 47:4

A be wɔ́ɔ̀ Faraɔnw pye: «Wolo kapanni li nyɛ bi ba tɛ́ɛn tári naa ni àmɛɛ gi nyɛ lè nyàā ní o nyɛ mɔ falipyebèle yaweeyiligēle ma kaa káa í, níì cán kateegi n tɔ̀nɔ n gbàn yaà Kanaan tári ni. Koro na, tɔ́ɔliw ni mɔ ga fɔ̀lɔ, mi gi yaʔa mɔ falipyebèle í sa tɛ́ɛn Gosyɛn tári ni.»

Yirile 1:13

A Ezyipiti ye tɔ̀nɔ n pɔrɔtɔɔri fáli gbàn Isirayɛli ye na gbanʔama.

Yirile 2:24

A Kolocɔlɔɔ be sùpiigèle lóʔo, níì sɔ̀ngi joogaanni kéele na wi da kpéʔele Abirahami, ní Izaaki, ní Zyakɔbi ma lè.

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Yirile 3:10

Tɔ́ɔliw ni mii a mɔ tun Faraɔnw ma. Da syée mi sa mii syɛ́ɛnbèle yirige Ezyipiti ni, pe lè Isirayɛli ye.»

Yirile 3:17

Mii si n jo: Mii a yele yirige Ezyipiti ni, beè yele nyɛ lè fɔ̀rɔgi ni bi kári ní yele ní Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye tári ma, táraa ma, dee di nyìn nɔ́nɔw, ní sárigi na ni fóo lè.›

Làlwaw Kaanziin 5:15

Sɔ̀ngi mi taa gi na mi cán mɔ maa pye puloo Ezyipiti tári ni, á Yawe mɔ Kolocɔlɔw mɔ yirige yaà ní sée kɔ́lɔ ní, ní kɔ̂zánʔaga ní, koro na Yawe mɔ Kolocɔlɔw gi joo n gbàn mɔ ma níì jo mɔ í cândɛnɛgi yaʔa.

Ŋúnuyi 105:42

Níì cán wi maa ni sɔ̀ngí ni taagi wi syɛɛncanri na wi da joo lè Abirahami ma, wi lè wi falipyew.

Yirile 1:14

Pe maa tɔ̀nɔ n be yɛ́ɛyi wáriga ní faligbanw ní, wi lè póori fáli, ní jùfaakpumɔnri, ní séyi fáli féleye myɛ. Gee bee n jo pe maa tɔ̀nɔ n pɔrɔtɔɔri fáli gbàn be na n baa sɔ̀lɔ.

Córolo 20:15

Wolo tóolɛɛbèle maa tìgi Ezyipiti ma. A wolo sáà tɛ́ɛn Ezyipiti ni n mɔn yaà. A Ezyipiti ye si kɔ́ baa wolo cò kanbeemɛ ni, wolo ní wolo tóolɛɛbèle.