Sélimɛ 15:1 - Cebaara Bible 2010

¹ Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 15:1 Iomraidhean Croise

Sélimɛ 15:2

A Abirami jo: «Kàfɔw Yawe, nyàʔá si mɔ a zǐn kaan mii ma? Mii wi syée wee pyà fun ni. Wee wi a mii kpáagi kɔ́rigɔ lìi lè, woro wi nyɛ Eliyezɛɛri wi lè Damasi ye wów.»

Sélimɛ 15:4

A Yawe si gi joo wi ma níì jo: «Nǎnw bee ban wi a mɔ kɔ́rigi lìi í. Fwɔɔ pìíwee mɔ tiimaa a see lè, woro wi a pye mɔ kɔriliiw.»

Sélimɛ 21:17

A Kolocɔlɔɔ pìíw sùpile lóʔo. A Kolocɔlɔɔ tundunw kòro yaà nyɛ̀ʔɛni na níì Agari yeri níì jo: «Agari, nyàʔá gi mɔ taa? Mɔ a kɔ́ ra fɛ̀ɛgí í. N pìíw yaʔa yaà mɛ̀ɛ wodɛ́ɛɔn ní, Kolocɔlɔɔ n wi sùpili lóʔo.

Sélimɛ 22:1

Kérigèle bee pyele kadoʔo ma a Kolocɔlɔɔ Abirahami sɛʔɛ n wéle. Wi maa wi pye: «Abirahami.» A Abirahami jo: «Cooì!»

Sélimɛ 22:20

Kérigèle bee pyele kadoʔo ma, a ki baa joo Abirahami ma níì jo: Milika n wɔ́ɔ̀ nànbiigèle kèle see mɔ senyɛnw Nahɔri ma.

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 31:7

Yele tóow si n mii jànváa níì mii sàraw kàriga tɔlɔyɔ kɛɛ. Kàjáa Kolocɔlɔɔ ga fɔ̀lɔ n gi yaʔa wi kapeʔe pye mii na í.

2 Samyɛli 22:3

Mii Kolocɔlɔw, wi nyɛ mii fálaweegi, beè mii làrá lè. Ní mii tunmɔzige-yárigi, ní fǎngee gi mii syoo lè. N mii yaʔa kàfyaali na, woro wi nyɛ mii kpaataʔa-tɔ́nɔgi. Ee mii Syɔɔfɔw, mɔ i mii syoo tanʔari ma.

2 Fànʔafɔbèle 1:15

A Yawe nyɛ̀ʔɛni tunduɔn Elii pye: «Tìgi maa syée ní wi ní, mɔ a kɔ́ fyáa wi na í.» A Elii yìri n tìgi n kári ní wi ní fànʔafɔw ma.

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

Ŋúnuyi 115:10

Aarɔn kpáagi wòolo, ye yele sɔ̀ngumi taʔa Yawe na! Woro wi nyɛ be dɛ̀ɛmɛfɔw ní be tunmɔzige-yárigi.

Ŋúnuyi 119:114

Mɔ wi nyɛ mii tɛɛlàragi ní mii tunmɔzige-yárigi, mɔ syɛ́ɛnri na mii niyɛɛ daʔa.

Ŋúnuyi 142:5

Mɔ yɛ́ɛgi le mii kàliige ma, mi gi wéle, syɔɔn faala o mii córo í, tɛɛlàrala faala o mii na í, mii sìíw kéele ga wári syɔɔn faala na í.

Ŋúnuyi 18:2

«Ee Yawe, mɔ wi lè mii fǎngi, mɔ kéeli n mii dɛ́nɛ.»

Ŋúnuyi 27:1

Davidi ŋúnugi. Yawe wi nyɛ mii gbɛ̀ɛ́nmi, ní mii syɔɔli, wìí na mii a ní da fɛ̀ɛgí? Yawe wi nyɛ mii sìíw tɛɛlàraga, wìí na mii a ní fyáa?

Ŋúnuyi 3:3

Syɛ̀ɛnnɛ saʔa i gi nyuu mii kéeli na níì jo: «Kanmaa faala o yaà Kolocɔlɔɔ í wi syɔɔ í!» Ŋɔ́ndaala

Ŋúnuyi 3:4

Kàjáa Yawe, mɔ wi nyɛ mii ma tunmɔzige-yárigi, mɔ wi nyɛ mii nìjanri, mɔ wi mii nyúngi yìrigí.

Ŋúnuyi 5:12

Lǎli bee ni bele myɛ pe peyɛɛ kàlifáa mɔ ma lè, poro a ra fundaanra kpéʔele, pe a ra muguri canʔa o canʔa, mɔ si sínɛ bi be tɔ́n. Bele mɔ mɛ́ɛgi kéele dɛ́nɛ lè, poro a ra muguri mɔ bárigaw ni.

Ŋúnuyi 58:11

Syɛɛnsinw a ba fundaanra taa àmɛɛ wi a ba kapeegèle gɔ̀lɔ́-wòloro nyaa lè, wi a ba wi tɔ́lɔyi jée syɛɛnpeebèle sìsyaan ni.

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Ŋúnuyi 84:9

Yawe Kolocɔlɔɔ, mɔ wi lè Nyɛ̀ʔɛni Sùlasiibéle Kafɔlɔ, ki n yɛlɛ mi mii nyɛ́ɛrigi lóʔo! Zyakɔbi Kolocɔlɔw, ki n yɛlɛ mi mɔ líiyi cáan! Ŋɔ́ndaala

Ŋúnuyi 91:4

Wi a wi fókaanyi síire tɛ́ʔɛ bi mɔ tɔ́n, mɔ a làra wi fókaanyi láara ni. Wi kányɛɛgi i nyɛ tunmɔzige-yariga, ní tunmɔrɔ-búrogo.

Yirile 14:13

A Mowizi gi joo syɛ́ɛnbèle ma níì be pye: «Yele a kɔ́ ra fɛ̀ɛgí í. Ki n yɛlɛ ye yére sági, yele a gi nyaa kánmee na Yawe a yele syɔɔ lè níjanʔa. Níì cán Ezyipiti ye yele nyaagi lè bele níjanʔa, yele a ní be nyaa nyáana í.

Kàseegèle 11:18

Syɛɛnpeew tɔ̀nɔtaaɔ i wi jànváa, wee si wi sínni lùguro lúru lè, wi i kányɛʔɛ sàra taagi.

Kàseegèle 30:5

Kolocɔlɔɔ syɛ́ɛnri myɛ i nyɛ wozɛʔɛgwɔɔrɔ ní. Bele be fé ni làrá wi ni lè, wi i nyɛ bele bee má tunmɔzige-yariga.

Ezayi 35:4

Bele zɔ̀nbēle be cɛ̀lɛ́ lè, ye gi joo be ma yé be pye: «Ki n yɛlɛ ye nìrimɛ le, ye a kɔ́ ra fɛ̀ɛgí í. Yele Kolocɔlɔw wéle wee, kapeegèle gɔ̀lɔ́-wòloro i maa, wi a ge sàra, woro tiimaa wi a pan ba yele syɔɔ.»

Ezayi 40:10

Kàfɔw Yawe wi maa wee ní séekpɔɔw ní, wi kɔ́gi i yáriri myɛ kùrú ni kaangi wi ma. Wi sàraw i nyɛ wi ma, wi yakaanri n kíni wi yɛ́ɛgi na.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 41:14

« ‹Zyakɔbi, mɔ wi lè fyɛɛnpiige, Isirayɛli fànʔa fun yakuuli, mɔ a kɔ́ ra fɛ̀ɛgí í. Mii a mɔ dɛ̀ɛmɛ,› » Yawe wi jo nya, mɔ Nyunzyɔɔw wi lè Isirayɛli Wojanw.

Ezayi 43:1

Tɔ́ɔliw ni, ee Zyakɔbi! Yawe wi lè mɔ faanfɔw, woro wee wi mɔ sámaga lè, ee Isirayɛli! Woro wi syɛ́ɛnri naa joo, wi n jo: «Mɔ a kɔ́ ra fɛ̀ɛgí í, níì cán mii n mɔ nyúngi syɔɔ, mii n mɔ yeri mɔ mɛ́ɛgi na, mɔ i nyɛ mii wóo!

Ezayi 43:5

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mii a mɔ yodaʔayi yìrige yaà canʔafolomɔ ma bi pan, mii a mɔ wóbèle yìrige yaà canʔajeemɛ ma bi kpóʔoro.

Ezayi 44:2

Yawe wi mɔ kpéʔele lè, woro wi syɛ́ɛnri naa joo, woro wee wi mɔ sámaga yaà mɔ nɔ́ɔw láʔa ni lè, ní i nyɛ mɔ dɛɛmɛfɔw, wi n jo: «Mɔ a kɔ́ ra fɛ̀ɛgí í, mii falipyew Zyakɔbi, Yesyurun, mɔ wee mii nyɛ́nɛ n wòlo lè.

Ezayi 44:8

Yele a kɔ́ ra fɛ̀ɛgí í, yele a kɔ́ ra cɛ̀lɛ́ í. Mii ga gi joo n tɛ̀ɛn mɔ na làridɔɔnnɔ ni a mɔ gi lóʔo ì? Yele i nyɛ mii séerabéle. A wàa ní i nyɛ lé Kolocɔlɔɔ kapye mii ban í? Fálagaa nikwɔɔ ní o yaà í, mii ga níì kàa cán í.»

Ezayi 51:12

Mii si na, mii wi nyɛ mɔ kpɛʔɛlɛfɔw. Wìí wi nyɛ mɔ, á mɔ si i fɛ̀ɛgí syɔɔn na wi nyɛ lè yakuugo, syɔɔn pya na, wee kwɔ́ɔganma bi nyɛ àmɛɛ nyàā nyɛ lè?

Zyeremii 39:17

Kàjáa cángi bee na mii a mɔ syɔɔ, Yawe wi jo nya, nǎnbèle bele na mɔ fɛ̀ɛgí lè, mɔ a jée be kɔ́yi ni í.

Kayaagi Nyɛnigɛ 3:24

Mii fúngi n jo: Yawe wi nyɛ mii lɛɛli, koro na mii mii sɔ̀ngumi taʔa wi na.

Ezekyɛli 1:1

Yɛ̀ʔɛlɛ toko ní kpɔrigɔ wóli yeye sicɛrɛ wógi canya kagunɔ wóʔo na, n mii yaʔa wojo-mí-káribèle nínge ni Kebaari cábigi nyɔ́ɔ na, a nyɛ̀ʔɛgèle múgu, a Kolocɔlɔɔ yanyaaya tɛ̀ɛn mii na.

Ezekyɛli 11:24

A Pǐli mii láa n yìrige níì kári ní mii ní Kalide ma, bele má pe da cò n kári lè, gee bee maa pye yanyaʔa ni, gee ki da pye Kolocɔlɔɔ Pǐli báriga ni lè. Yanyaagi si mii da nyaa lè, a mii fɔ̀n gi ni mii ǹjogi ni.

Ezekyɛli 3:4

A wi mii pye: «Syɔɔn-pya, da syée Isirayɛli kpáagi wòolo ma mi sa mii syɛ́ɛnri joo be ma!

Córolo 12:6

A wi jo: «Ki n yɛlɛ ye mii syɛ́ɛnri sámaga ye lóʔo. Kanyaajoowaa ga pye yele níngi ni, yanyaʔa ni mii Yawe a niyɛɛ dɛ̀ɛn wi na, ŋúnɔgɔ na mii a joo ní wi ní.

Córolo 18:20

A Yawe gi joo Aarɔn ma níì wi pye: «Mɔ a kɔrigɔ taa be tári ni í. Lɛɛlɛ a pye mɔ ma pe níngi ni í. Mii wi nyɛ mɔ lɛɛli, ní mɔ kɔ́rigi Isirayɛli ye níngi ni.

Córolo 24:4

Wee wi Kolocɔlɔɔ syɛ́ɛnri lúro lè, wee wi Séew Myɛ Kàfɔlɔ nyaagi lè yanyaʔa ni, wee wi tuun ni cíbele lè wi nyapiigèle si i nyɛ womúgugéle ní, woro syɛ́ɛnri.

Matye 28:5

A tundunw gi joo cébèle ma níì jo: «Ki ga yɛlɛ yele í fyáa í, mii n gi cán yele n pan ba Zyezu wéle, wee pe da kóri tiiparigi na lè.

Matye 8:26

A wi be pye: «Nyàʔá na yele fɛ̀ɛgí? Yele tágali n cɛ́rɛ.» A wi náà yìri n yére níì fúlo káfalagi ní lòkpɔɔgi na. A ti myɛ sámaga n yére.

Luki 1:13

A nyɛ̀ʔɛni tunduɔn wi pye: «Zakarii, mɔ a kɔ́ ra fɛ̀ɛgí í. Níì cán Kolocɔlɔɔ n mɔ nyɛ́ɛrigi lóʔo. Mɔ céw Elizabɛti a pyà see mɔ ma nàɔn, mɔ a ra wi mɛ́ɛgi yiri Zyan.

Luki 1:30

A nyɛ̀ʔɛni tunduɔn wi pye: «Mɔ a kɔ́ ra fɛ̀ɛgí í, Marii, níì cán mɔ n dùba taa Kolocɔlɔɔ ma.

Luki 12:32

«Yele bele ye nyɛ lè bàala cɛɛri, yele a kɔ́ ra fɛ̀ɛgí í. Níì cán ki n yele Tóow dɛ́nɛ bi fǎngi kaan yele ma.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

1 Korɛnti ye 3:22

Pɔli yoo, Apolɔsi yoo, Sefasi yoo, dulunyanw yoo, sìíw yoo, kùúw yoo, lǎli naa yárira yoo, lǎlee li maa lè loro yáriri yoo. Ti myɛ i nyɛ yele wóro,

Làlwaw Kaanziin 18:2

Kɔrigɔ a pye be ma be senyɛnbèle nínge ni í. Yawe wi a pye be kɔ́rigi àmɛɛ wi gi joo be ma lè.

Làlwaw Kaanziin 31:6

Ye nìrimɛ le, yé lòmaana le! Yele a kɔ́ ra fɛ̀ɛgí sáā cɛ̀lɛ́ pe yɛʔɛ̀ ma í. Níì cán Yawe mɔ Kolocɔlɔw tiimaa i táanri ní mɔ ní. Wi a tée mɔ yaʔa í, wi a mɔ cée í.»

Heburubèle 1:1

Booma ni Kolocɔlɔɔ maa ni wi syɛ́ɛnri nyuu kanyaajoobèle ma, a be i di nyuu wolo tóolɛɛbèle ma làrigēle saʔa ni jooganmi féleye saʔa na,

Tɛ̀ɛnnɛ 1:17

Lǎli ni mii wi nyaa lè, a mii fala n too wi láari ni n pye àmɛɛ kpóo nyɛ lè. A wi wi kàliige kɔ́gi taʔa mii na níì jo: «Mɔ a kɔ́ ra fɛ̀ɛgí í! Mii wi nyɛ Yɛɛ̀kiniw ní Kàdotɔnw,

Wuruti 2:12

Gee mɔ kpéʔele lè, ki n yɛlɛ Yawe í gi sìndɛɛgi lúrugo mɔ ma. Yawe wi lè Isirayɛli ye Kolocɔlɔw, woro wee fókaanya láara ni mɔ fàn n baa jée lè, ki n yɛlɛ wi tɔ̀nɔforoo kaan mɔ ma.»

1 Samyɛli 15:10

A Yawe syɛ́ɛnri nan Samyɛli na, wi n jo:

1 Samyɛli 9:9

Booma ni ki maa pye Isirayɛli ni wàa ga ni syée sa Kolocɔlɔɔ yíbe, wi n jo: «Yaa maa wo kári kanyaaw tɛ́ʔɛ ma!» Níì cán wee pe ba ni yiri lè níjanʔa kanyaajoow, woro pe da ni yiri booma ni kanyaaw.