Sélimɛ 14:8 - Cebaara Bible 2010

⁸ Lǎli bee ni a Sodɔmi fànʔafɔw ní Gomɔri fànʔafɔw yiri, n fàra Adima fànʔafɔw, ní Seboyimi fànʔafɔw, ní Bela fànʔafɔw na, Bela pe wɔ́ɔ̄ yiri Sowari. A be sáà wáa fànʔafɔbèle bele na kapɛɛnnɛ na Sidiimi jǐnlɔgi ni.

Sélimɛ 14:8 Iomraidhean Croise

Sélimɛ 10:19

Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na.

Sélimɛ 13:10

A Lɔti yɛ́ɛgi yìrige n Zyuridɛn tɛɛfiigi myɛ wéle, a wi gi nyaa lǒgi i nyɛ gi kàbanyi myɛ na. Sáni Yawe í Sodɔmi ní Gomɔri kálagi lè, tɛ́ɛgi bee maa pye mɔ a jo Yawe nángwɔɔw wii, mɔ a jo Ezyipiti tári dii, n kári fwɔɔ n sáà nan Sowari na.

Sélimɛ 14:10

Kùro wéeye si maa pye Sidiimi jǐnlɔgi myɛ ni. A Sodɔmi ní Gomɔri fànʔafɔbèle fàn n sáà too yi ni. Bele be kòro woweebèlē ní lè, a poro fàn n lúgu nyanbelegi na.

Sélimɛ 14:9

Bele na pe da sáà wáa lè, poro be nyɛ Kedɔrilawomɛɛri wi pye lè Elami fànʔafɔw, ní Tideyali wi pye lè Goyimi fànʔafɔw, ní Amirafɛli wi pye lè Syineyari fànʔafɔw, ní Ariyɔki wi pye lè Elazari fànʔafɔw. Fànʔafɔɔlɔ sicɛrɛ ní fànʔafɔɔlɔ kagunɔ pe da wáa peyɛɛ na.

Sélimɛ 19:20

Mii i mɔ nyɛ́ɛri kěgi naa wéle, ki n nùuni n yɛlɛ mii í gbǎn fàn bi sa jée yaà. Ki ga kpɔ́ʔɔ í. Ki n yɛlɛ mi gi yaʔa mii í tɔ́ɔ fàn syɔɔ bi kári yaà beè jàngó bi kòro sìi na. Ki ga cɛ́rɛ ì?»

Sélimɛ 19:22

Da fé kelekele mi syɔɔ mi sa jée yaà beè. Níì cán mii a gbǎn yafyɛn kpéʔele í, fwɔɔ bi taa mɔ í fàn bi nan yaà.» Koro na be kèpili bee mɛ́ʔɛ le ni li yiri Sowari.

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.