Sélimɛ 14:10 - Cebaara Bible 2010

¹⁰ Kùro wéeye si maa pye Sidiimi jǐnlɔgi myɛ ni. A Sodɔmi ní Gomɔri fànʔafɔbèle fàn n sáà too yi ni. Bele be kòro woweebèlē ní lè, a poro fàn n lúgu nyanbelegi na.

Sélimɛ 14:10 Iomraidhean Croise

Sélimɛ 11:3

A be gi joo peyɛɛ ma níì jo: «Ye kàwáa wo còfáa kpúmɔn wó wi sórigo náagi ni!» A còfáaw pye be ma kàdɛnɛyi sìndɛʔɛ ni, a be i faanri. A tári kùro pye be ma póori.

Sélimɛ 14:11

Bele be fànʔa taa lè, a poro fala n pan n baa jée n Sodɔmi ní Gomɔri lɔ́ri myɛ koli, n fàra be yaliiri myɛ na n kári ní di ní.

Sélimɛ 14:17

Lǎli ni Abirami yìri Kedɔrilawomɛɛri, ní fànʔafɔbèle bele pe da pye ní Kedɔrilawomɛɛri ní lè, poro tɛɛ̀jáagi ni ni maa lè, a Sodɔmi fànʔafɔw yiri n kári n sáà wi fàra Syave jǐnlɔgi ni, pe yiri lè Fànʔafɔw Jǐnlɔgɔ.

Sélimɛ 14:21

A Sodɔmi fànʔafɔw gi joo Abirami ma níì jo: «Syɛ́ɛnbèle kaan mii ma mí kòro ní lɔ́ri ní.»

Sélimɛ 14:3

A bele bee myɛ sáà peyɛɛ gbóʔoro Sidiimi jǐnlɔgi ni. Tɛ́ɛgi bee gi nyɛ Solonɛʔɛmi lɔ̀ʔɔ.

Sélimɛ 14:9

Bele na pe da sáà wáa lè, poro be nyɛ Kedɔrilawomɛɛri wi pye lè Elami fànʔafɔw, ní Tideyali wi pye lè Goyimi fànʔafɔw, ní Amirafɛli wi pye lè Syineyari fànʔafɔw, ní Ariyɔki wi pye lè Elazari fànʔafɔw. Fànʔafɔɔlɔ sicɛrɛ ní fànʔafɔɔlɔ kagunɔ pe da wáa peyɛɛ na.

Sélimɛ 19:17

Lǎli ni pe be yirige n kwɔ́ɔ kěgi ni lè, a nyɛ̀ʔɛni tundunwaa nibin Lɔti pye: «Da fé mi miyɛɛ zyɔɔ. Mɔ a kɔ́ kàri bi wéle kàdoʔo ma í. Mɔ a kɔ́ yére tɛɛfiigi tɛ́ɛgaa faala ni í. Da fé maa syée mi yiri tɛ́ɛgi naa ni mi sa kòro nyanbelegi na koro ga pye mɔ a kɔ́ kálagi í.»

Sélimɛ 19:30

A Lɔti ní wi calipiigèle siin yiri Sowari ni n kári n sáà kòro nyanbelegi na, níì cán wi maa fyáa bi kòro Sowari ni. A woro ní wi calipiigèle siin sáà kòro nyanbeweegaa ni.

Ŋúnuyi 83:10

Gee mɔ kpéʔele Madyan na lè, ní gee mɔ kpéʔele Sisera, ní Yabɛn na lè Kisyɔn lòcoologi nyɔ́ɔ na, ki n yɛlɛ mi koro félege kpéʔele be na!

Ezayi 24:18

Wee wi fé fyáari sùpiiwáara na lè, wi a too wéegi ni, ní wee wi yirigi wéegi ni lè, wi a cò cɔ̀ɔ́w na. Níì cán ǹjoʔo ma wéegèle n múgu, a tári kàpɔɔnbēle cúngo.

Zyeremii 48:44

«Wee wi fé fyáakpɔɔri yɛ́ʔɛ na lè, wi a too weecurugi ni, wee si wi lúru ni yirigi weecurugi ni lè, wi a cò cɔ̀ɔ́w na. Níì cán mii n li yaʔa li i maa, li i maa Mowabi ma, wi wɔʔɔgi yɛ́ɛlɛ,» Yawe wi jo nya.

Zyozuwe 8:24

Lǎli ni Isirayɛli ye Ayi ye myɛ kpóo n kwɔ́ɔ ní ŋɔséew ní fìími tára ni lè, beè pe da yiri n taʔa Isirayɛli ye na ni nɛnɛ lè, a Isirayɛli ye myɛ lúru n pan Ayi ma n baa ŋɔséew tɛ́ʔɛ n kěgi syɛ̀ɛnnɛ myɛ kpóo.