Sélimɛ 13:9 - Cebaara Bible 2010

⁹ Tári myɛ di dee mɔ yɛ́ʔɛ ma. Ki n yɛlɛ wo wàli woyɛɛ na. Mɔ ga kári kàmɔnɔ ma, mii a fala kàliige ma. Mɔ si ga kári kàliige ma, mii a fala kàmɔnɔ ma.»

Sélimɛ 13:9 Iomraidhean Croise

Sélimɛ 13:10

A Lɔti yɛ́ɛgi yìrige n Zyuridɛn tɛɛfiigi myɛ wéle, a wi gi nyaa lǒgi i nyɛ gi kàbanyi myɛ na. Sáni Yawe í Sodɔmi ní Gomɔri kálagi lè, tɛ́ɛgi bee maa pye mɔ a jo Yawe nángwɔɔw wii, mɔ a jo Ezyipiti tári dii, n kári fwɔɔ n sáà nan Sowari na.

Sélimɛ 13:8

Lǎli bee ni a Abirami gi joo Lɔti ma níì jo: «Ki ga yɛlɛ mii ní mɔ í tún í. Ki ga wɔ́ɔ̀ yɛlɛ mii yaweenaʔabèle ní mɔ wóbèle í tún í. Níì cán wolo i nyɛ senyɛ̀nnɛ.

Sélimɛ 20:15

A Abimelɛki jo: «Mii tári di dee mɔ yɛ́ʔɛ ma. Tɛ́ɛgee ga yɛlɛ mɔ ma lè, ki n yɛlɛ mi tɛ́ɛn beè.»

Sélimɛ 34:10

Yele a pínɛ tɛ́ɛn ní wolo ní, tári si wɔ́ɔ pye yele wóro. Ye tɛ́ɛn naa, yáā jàgiw wáa di ni, jàngó yele í lɔrɔ taa di ni.»

Ŋúnuyi 120:7

Yɛɛ̀nyingi kurugo mii nyɛ, kàjáa lǎli ni mii ga jooli séli lè, poro n téè yére n kwɔ́ɔ kapɛɛnni na.

Zyeremii 40:4

Tɔ́ɔliw ni wéle, mii wi nyɔ̀ʔɔmi sánʔana mɔ na wee níjanʔa, bee bi nyɛ mɔ kɔ́yi na lè. Ki ga mɔ dɛ́nɛ bàā syée Babilɔni ma ní mii ní, da maa, mii a ra mɔ kɔ̀rɔsíi. Bi kári ní mii ní Babilɔni ma, gee bee ga pye ki ga yɛlɛ mɔ ma í, mɔ a kɔ́ ra maa í. Wéle, tári myɛ i nyɛ mɔ yɛ́ʔɛ ma, da syée tɛ́ɛgee mɔ ga nyaa a gi nyɔɔ lè, níì yɛlɛ mɔ ma bi kári yaà.»

Wɔrɔmi ye 12:18

Gee myɛ yele a gbǎn kpéʔele lè si pye bɛ̀ɛlɛ na ní syɛ́ɛnbèle myɛ ní, yaa gee bee kpéʔele.

1 Korɛnti ye 6:7

Yele n kolo n kwɔ́ɔ felege o felege na, àmɛɛ yele yeyɛɛ kɔ́ri ni syée lè kútiiw na. Kapeegèle be kpéʔele yele na lè, yele da yɛlɛ bi gi kpàraco ì? Amɛɛ be yúu yele ma lè, ki da yɛlɛ yele í gi kpàraco ì?

Heburubèle 12:14

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.