Sélimɛ 13:8 - Cebaara Bible 2010

⁸ Lǎli bee ni a Abirami gi joo Lɔti ma níì jo: «Ki ga yɛlɛ mii ní mɔ í tún í. Ki ga wɔ́ɔ̀ yɛlɛ mii yaweenaʔabèle ní mɔ wóbèle í tún í. Níì cán wolo i nyɛ senyɛ̀nnɛ.

Sélimɛ 13:8 Iomraidhean Croise

Sélimɛ 13:9

Tári myɛ di dee mɔ yɛ́ʔɛ ma. Ki n yɛlɛ wo wàli woyɛɛ na. Mɔ ga kári kàmɔnɔ ma, mii a fala kàliige ma. Mɔ si ga kári kàliige ma, mii a fala kàmɔnɔ ma.»

Sélimɛ 14:14

Lǎli ni Abirami gi lóʔo lè pe n woro senyɛnw jáa cò n kári, nǎnbèle sirakele ní dabata ní kpɔrigɔ ní kɔrɔtaanri be pye wi wóbèle lè, bele pe da see yaà wi kpáagi ni lè, á wi be tama kapɛɛnni na, a wi be kɔ́ri n taʔa fànʔafɔbèle bee na n sáà be nɛnɛ n cò fwɔɔ Dan ma.

Sélimɛ 45:24

Koro kàdoʔo ma a wi wi senyɛnbèle yaʔa a be kári nya, níì be pye: «Ye a kɔ́ tún kólogi na í.»

Sélimɛ 46:34

Ye wi pye: ‹Mɔ falipyebèle i nyɛ yaweegboobéle, nlaa wolo yìri lè pìibēle fwɔɔ n taa n baa nan níjanʔa na. Fáliwee wolo kpéʔele lè, woro wolo tóobèle da wɔ́ɔ ni kpéʔele.› Kánmi bee na yele a tɛ́ɛn Gosyɛn tɛ́nɛmi ni. Níì cán yaweeyiligèle nàʔafɔɔlɔ myɛ i nyɛ yanɔnʔɔgɔ Ezyipiti ye ma.»

Ŋúnuyi 133:1

Njogi lúgufɔɔlɔ ŋúnugo. Davidi wógi. Senyɛ̀nnɛ ga bɛ̀ɛ níì pínɛ n tɛ́ɛn, koro n nyɔɔ, ní i nyɛ kataanna!

Yirile 2:13

Koro nyǐndaligi na a wi níì yiri yaà ní sáà Heburubèle pèle siin nyaa pe i peyɛɛ gbúmɔn. A wi si kolomɔfɔw pye: «Nyàʔá na mɔ mɔ pínɛnyɛnw kpúmɔn?»

Kàseegèle 15:1

Fûnnyingi syɛɛnlurugoro i fundanʔari yéregi, joo-mí-kpàliw si i fundanʔari yìrigí.

Kàseegèle 15:18

Fundanʔa-dànʔafɔlɔ i kàsii yìrigí, wee fúngo si gi nyíngi lè, wi i kàsiiw kwóo.

Kàseegèle 20:3

Bi miyɛɛ cò kàsiiw na, koro i nyɛ syɔɔn kpɔ́ʔɔri kéele, kàjáa nidoliyi myɛ i jángi.

Matye 5:9

Bele be bɛ̀ɛ́li légi syɛ́ɛnbèle nínge ni lè, bele bee i nyɛ dùba pìibēle, níì cán Kolocɔlɔɔ a ra be yiri woro jàala!

Kapyegèle 7:26

Ki nyǐndaligi na a wi sáà Isirayɛli wóbèle pèle siin nyaa pe i túngu. A wi i ŋàʔaná bi kàsiiw kwɔ́ɔ be níngi ni níì jo: ‹Ni tàannyɛ̀nnɛ, yele i nyɛ senyɛ̀nnɛ, nyàʔá na si yele yeyɛɛ wɔʔɔ nya nyùngo fun?›

Wɔrɔmi ye 12:10

Ye tàmaga le ní yeyɛɛ ní àmɛɛ yele nyɛ lè senyɛ̀nnɛ. Yaa yeyɛɛ jèʔelé màámi pyele na yeyɛɛ ma.

Filipikaʔa ye 2:14

Gee myɛ yele kpéʔele lè ki n yɛlɛ yele í da gi kpéʔele sànʔara ní kàkabalaga fun,

1 Tesaloniki ye 4:9

Ki o náā nyɛ wolo í sɛ́bɛ tórigo yele ma senyɛnnɛgi tàmaga kéele na í, níì cán Kolocɔlɔɔ i yele tiimaa tama àmɛɛ yele yɛlɛ bi tàmaga le ní yeyɛɛ ní lè.

Heburubèle 12:14

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.

Heburubèle 13:1

Ki n yɛlɛ senyɛnnɛgi tàmaga í pye yele níngi ni.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Pyɛri 2:17

Yaa syɛ́ɛnbèle myɛ kpɔ́ʔɔgi, yé tàmaga le ní senyɛnnɛgi ní, yáā fɛ̀ɛgí Kolocɔlɔɔ na, yáā tári fɔ́lɔ kpɔ́ʔɔgi.

1 Pyɛri 3:8

Koro myɛ kàdoʔo ma ki n yɛlɛ ye myɛ sɔ̀ngurɔ í pye sèjira, yé pye fungo nibin na. Senyɛnnɛgi tàmaga n yɛlɛ gi pye yele ni, yáā nyinimɛ taagi yeyɛɛ na, yáā màama kpéʔele yeyɛɛ ma.

1 Pyɛri 4:8

Gee gi kpɔ́ʔɔ n sɔ̀lɔ kérigèle myɛ na lè, koro gi nyɛ yele í tàmaga le ní yeyɛɛ ní gbanʔama, níì cán tàmagi i kapeegèle saʔa tɔ́ngi.

2 Pyɛri 1:7

si senyɛnnɛgi tàmaga fàra Kolocɔlɔɔ yɛ́ɛgi fyáara na, si tàmagi fàra senyɛnnɛgi tàmaga na.

1 Zyan 4:7

Mii syɛɛn-nidaanmabèle, ki n yɛlɛ wo tàmaga le ní woyɛɛ ní, níì cán Kolocɔlɔɔ má tàmagi yìri, syɔ́ɔnwee faala wi tàmaga nii lè, wee bee i nyɛ Kolocɔlɔɔ pyà, wi n Kolocɔlɔɔ cán.

Jàbɔbèle 9:26

A Ebɛdi jáaw Gaali ní wi senyɛnbèle pan Sisyɛmi ma, a Sisyɛmi mɛ́ɛyi fɔ̀ɔlɔ baa tága wi na.