Sélimɛ 13:7 - Cebaara Bible 2010

⁷ A kàsii jée Abirami yaweenaʔabèle ní Lɔti yaweenaʔabèle nínge ni. Koro n gi taa lǎli bee ni Kanaan ye, ní Perezi ye maa pye yaà wodɛ́ɛnbéle ní tári ni.

Sélimɛ 13:7 Iomraidhean Croise

Sélimɛ 10:19

Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na.

Sélimɛ 12:6

A Abirami tári foro n kári fwɔɔ n sáà nan tɛ́ɛgi na pe yiri lè Sisyɛmi, níì kári n sáà nan fwɔɔ More syɛni tíigi na. Lǎli bee ni Kanaan ye be pye tári bee ni.

Sélimɛ 21:25

A Abirahami joo Abimelɛki na kɔ̀lɔ́ kéele na wee wi falipyebèle da syɔɔ Abirahami ma lè fànʔa na.

Sélimɛ 26:20

A Gerari bànaʔabèle tún ní Izaaki bànaʔabèle ní níì jo: «Lǒgi naa i nyɛ wolo wóʔo.» A Izaaki kɔ̀lɔ́w bee mɛ́ʔɛ le Esɛki, níì cán pe n tún ní wi ní.

Sélimɛ 34:30

A Zyakɔbi gi joo wi pìíbèle ma, be lè Simeyɔn ní Levii, níì jo: «Yele n tɔ̀nɔ n funjurugoro wáa mii na, ní wɔ́ɔ̀ gi kaan mii kéeli í tári naa syɛ̀ɛnnɛ bɛɛn, be lè Kanaan ye, ní Perezi ye. Pe a kpóʔoro pan ba kapɛɛnni kpúmɔn ní mii ní bi mii ní mii kpáagi wòolo kálagi, níì cán mii syɛ́ɛnbèle ga nɛʔɛ í.»

Sélimɛ 46:34

Ye wi pye: ‹Mɔ falipyebèle i nyɛ yaweegboobéle, nlaa wolo yìri lè pìibēle fwɔɔ n taa n baa nan níjanʔa na. Fáliwee wolo kpéʔele lè, woro wolo tóobèle da wɔ́ɔ ni kpéʔele.› Kánmi bee na yele a tɛ́ɛn Gosyɛn tɛ́nɛmi ni. Níì cán yaweeyiligèle nàʔafɔɔlɔ myɛ i nyɛ yanɔnʔɔgɔ Ezyipiti ye ma.»

Nehemii 5:9

A mii níì jo: «Gee yele kpéʔele lè, ki ga nyɔɔ í. Wolo Kolocɔlɔw yɛ́ʔɛ fyáara na ban yele yɛlɛ bàā táanri koro ga pye bi syɔɔ syɛɛnfeleyi faʔara ma ì, yi lè wolo nigoobèle ì?

Yirile 2:17

A bànaʔabèle pèle si pan n baa be nɛnɛ. Lǎli bee ni a Mowizi yìri n be syɔɔ, níì be yaweeyiligèle kaan a ge gbaa.

Kàseegèle 20:3

Bi miyɛɛ cò kàsiiw na, koro i nyɛ syɔɔn kpɔ́ʔɔri kéele, kàjáa nidoliyi myɛ i jángi.

Mariki 3:25

Narigbaʔa o narigbaʔa ga ni túngu ní kiyɛɛ ní, narigbaagi bee a báriga í.

1 Korɛnti ye 3:3

níì cán yele sèʔé i nyɛ céri kôdanʔabéle. Amɛɛ nyabɛɛnni ní kàsiiw yaà lè yele níngi ni, koro ga gi tɛ̀ɛn n jo yele i nyɛ céri kôdanʔabéle ì? Yele o táanri àmɛɛ dulunyanw syɛ̀ɛnnɛ nyɛ lè ì?

Galasi ye 5:20

ní yasunzunri, ní nìnyɔʔɔnɔgi, ní nigoori, ní kàsiiw, ní nyabɛɛnni, ní fundanʔari, ní fungboloyi, ní kàkabalayi, ní funwaliyi,

Kɔlɔsi ye 4:5

Ki n yɛlɛ yaa táanri sícilimɛ ni kàfugi wòolo kabaan na, yé lǎli còganma cán.

1 Tesaloniki ye 4:12

Koro ga pye yele tánʔaganmi í nyɔɔ kàfugi syɛ̀ɛnnɛ ma, yele si a ní da yele màkonyɔɔri wéle syɔɔnwaa faala ma í.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

Zyaki 3:16

Níì cán beè nyabɛɛnni ní fungbɔɔgi nyɛ lè, funwaliyi ní kanaa-sìnbyeri féleye myɛ wɔ́ɔ i nyɛ nɛɛ bee.

Zyaki 4:1

Kàsiiw ní kàkabalayi yi nyɛ lè yele níngi ni, sán di yìrigí? Yele fundaayi kèlē ge túngu lè yele céri ni làla o làla, koro má ban di yìrigí ì?

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.