Sélimɛ 13:2 - Cebaara Bible 2010

² Abirami lɔ́ri si maa tɔ̀nɔ n nɛʔɛ gbanʔama, ti lè yaweeri, ní wálifiiw, ní tɛ́ɛw.

Sélimɛ 13:2 Iomraidhean Croise

Sélimɛ 12:16

A wi fala ni kacàngēle kpéʔele Abirami na Sarayi kéeli na. Wi maa yaweeyiligēle, ní yaweekpologèlē kaan Abirami ma, n fàra pulonànbēle ní pulocabala na, ní wɔ́ɔ̀ jòfanipaliya ní jòfanicaaya, ní fàlibaaya kaan wi ma.

Sélimɛ 13:6

A tári bee cɛ́rɛ be ni. Pe ga pye bi gbǎn kún di ni í. Níì cán pe kɔlɔ̀ yáriri maa nɛʔɛ. Pe ga gbàn n pínɛ n tɛ́ɛn í.

Sélimɛ 24:1

Abirahami maa tɔ̀nɔ n baa lɛɛ gbanʔama. Yawe si maa wɔ́ɔ̀ dùbaw taʔa wi na kérigèle myɛ ni.

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 26:14

Wi maa yaweeyiligēle ní yaweekpologèlē gboogéle taa n fàra pulobèlē saʔa na. A wi nyabɛɛnni pye Filisitini syɛ́ɛnbèle na.

Sélimɛ 30:43

A Zyakɔbi tɔ̀nɔ n lɔrɔ taa gbanʔama, yaweeyiligēle saʔa maa pye wi ma. A falipyecabala, ní falipyenànbēle wɔ́ɔ̀ pye wi ma, n fàra fàlibaaya, ní jòfanibēle na.

Zyɔbi 1:10

Mɔ ga tɛʔɛ̀ sùlu n wi ní wi kpáagi wòolo, ní wi yáriri myɛ màʔa n kpàra ì? Mɔ n dùba taʔa wi kɔ́yi fáli na. A wi yaweeri yàli n màʔa tári ni.

Zyɔbi 1:3

Wi yaweeri n pye bàala selebingéle taanri ní saala kagunɔ, ní fàlibaaya selebinnɛ ní saala kagunɔ, ní nìpɛ́ɛribéle saala siin ní dabata, ní jòfanicaaya saala siin ní dabata, á wi falipyebèle wɔ́ɔ̀ nɛʔɛ gbanʔama. Nǎnw bee maa kpɔ́ʔɔ n sɔ̀lɔ canʔafolomɔ syɛ́ɛnbèle myɛ na.

Kàseegèle 10:22

Yawe dùbaw wi syɔɔn kpéʔele yarigaa fɔ́lɔ, wi o fɔ̀rɔgɔ faala fàrá wi na í.

Matye 6:33

Kàjáa ki n yɛlɛ yele í da wi fǎngi ní wi sínni caa gbɛnʔɛnɛ, yáriri bee myɛ si naa taʔa yaà yele ma.

Làlwaw Kaanziin 8:18

Sɔ̀ngi mi taa Yawe mɔ Kolocɔlɔw na, woro wee wi lɔ́ri bee taala sée kaan mɔ ma lè, koro ga pye nyɔɔfaligi wi kpéʔele mɔ tofɔlɛɛyi ma lè, wi gi kpéʔele nya àmɛɛ gi nyɛ lè níjanʔa.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Samyɛli 2:7

Yawe i fɔ̌ngi cáan ní wɔ́ɔ i lɔ́ri kaangi. Wi i syɔɔn tìrigí táàma, ní wɔ́ɔ i syɔɔn yìrigí ǹjoʔo ma.