Sélimɛ 13:18 - Cebaara Bible 2010

¹⁸ A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Sélimɛ 13:18 Iomraidhean Croise

Sélimɛ 13:4

A wi wɔ́ɔ̀ nan sáriga-wòlo-yafaangi na, gee wi da sélì faan yaà lè. A Abirami Yawe mɛ́ɛyi yeri yaà beè.

Sélimɛ 14:13

A nànwaa fàn n syɔɔ n kári n sáà kéeli bee joo Abirami ma wi lè Heburuw. Abirami si maa pye wodɛ́ɛɔn ní Mamire syɛni tíiri nínge ni. Mamire wi da pye lè Amɔri ye wów, ní i nyɛ Ɛsyikɔli ní Anɛɛri senyɛnnɛ. Pe myɛ taanriw maa bɛ̀ɛ nibin na ní Abirami ní.

Sélimɛ 18:1

Yawe n wiyɛɛ dɛ̀ɛn Abirahami na Mamire syɛni tíiri láara ni. Abirahami maa pye wodɛ́ɛɔn ní wi fànikpaagi kpaaweele na cángi làrigbanna ni.

Sélimɛ 22:9

Lǎli ni be sáà nan lè tɛ́ɛgi na, gee Kolocɔlɔɔ da tɛ̀ɛn lè, a Abirahami sáriga-wòlo-yafanʔa faan yaà beè, níì kàjeri taani gi na, níì wi jáaw Izaaki pwɔɔ n taʔa sáriga-wòlo-yafaangi ǹjoʔo ni kàjeri na.

Sélimɛ 23:2

á wi kùu Kiiriyati-Haariba ni, ki lè Heburɔn, Kanaan tári ni. A Abirahami pan bi ba Sara kùúgi kpéʔele, si nyɛni wi kéeli na.

Sélimɛ 26:25

A Izaaki sáriga-wòlo-yafanʔa faan tɛ́ɛgi bee ni níì Yawe mɛ́ɛgi yeri, níì wi fànikpaagi kóri yaà. A wi falipyebèle níì kɔ̀lɔ́waa túgu yaà.

Sélimɛ 35:27

A Zyakɔbi lúru n pan wi tóow Izaaki ma, Mamire ma, Kiiriyati-Haariba taana, gi lè Heburɔn, beè Abirahami ní Izaaki da sáà tɛ́ɛn lè.

Sélimɛ 37:14

A Isirayɛli wi pye: «Da syée mi sa mɔ yɛʔɛfɔbèle wéle, kapye pe n cólogo yaà, á yaweeyiligèle wɔ́ɔ̀ cólogo, mi ba koro joo mii ma.» Kánmi bee na wi wi yìrige Heburɔn jǐnlɔgi ni n tórigo. A Zyozɛfu kári Sisyɛmi ma.

Sélimɛ 8:20

A Nowe sáriga-wòlo-yafanʔa faan Yawe ma níì tàa wòlo yaweecǎnri myɛ, ní féjɛɛnjǎnri myɛ ni n kpéʔele sáriga-sórigoo sáriga-wòlo-yafaangi na.

2 Samyɛli 2:1

Koro kàdoʔo ma a Davidi Yawe yíbe níì jo: «A gi yɛlɛ lé mii í kári Zyuda kègaa ma?» A Yawe wi yari: «Da syée.» A Davidi jo: «Sán mii a ra syée?» A Yawe wi yari: «Heburɔn ma.»

Ŋúnuyi 16:8

Mii i Yawe wéle niyɛɛ yɛ́ʔɛ ma làrigèle myɛ ni, n wi yaʔa mii kàliige ma, mii a tée cúngo í.

Córolo 13:22

A be lúgu wòrogulo kàbangi na n kári n sáà nan Heburɔn na. Anaki pìíbèle be lè Ahiman, ní Syesyayi, ní Talimayi, beè poro da pye. Heburɔn maa faan a gi yɛ̀ʔɛlɛ kɔrɔsiin kwɔ́ɔ, á Sowan náà faan ki lè Ezyipiti ni.

1 Timɔte 2:8

Koro na mii caa nǎnbèle í da Kolocɔlɔɔ nyɛ́ɛri tɛ́ɛyi myɛ ni, páā fɔɔnrɔ fun kɔ́yi yìrigí fundanʔara, ní kàkabalaga fun.

Heburubèle 11:9

Tágali báriga ni wi da tɛ́ɛn nyɔɔfaligi tára ni àmɛɛ nibɔɔn nyɛ lè, fànikpaaya ni wi da ni kòró, ànbée si Izaaki ní Zyakɔbi da wɔ́ɔ baa gi kpéʔele, be pye lè wi kɔriliinyɛnbèle nyɔɔfaligi bee wonijanga ni.

Zyozuwe 14:13

A Zyozuwe dùba kpéʔele Yefune jáaw Kalɛbi ma, níì Heburɔn kaan wi ma gi pye wi kɔrigɔ.

Zyozuwe 15:13

A be lɛɛlɛ kaan Yefune jáaw Kalɛbi ma Zyuda yòdaʔayi nínge ni àmɛɛ Yawe da gi joo n gbàn Zyozuwe ma lè, loro li nyɛ Kiiriyati-Ariba, wi lè Heburɔn. Anaki tóow wi pye Ariba.