Sélimɛ 13:16 - Cebaara Bible 2010

¹⁶ Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 13:16 Iomraidhean Croise

Sélimɛ 15:5

A wi Abirami kɔ́ri n yiri kàfugi na, ní baa wi pye: «Ki n yɛlɛ mi nyɛ̀ʔɛni sámaga mi wéle mí ŋɔripiigèle córo kapye mɔ fánʔa i nyɛ ge na bi gbǎn ge córo. A wi níì wi pye: Kánmi bee na si mɔ piibèle a ba nɛʔɛ.»

Sélimɛ 16:10

A Yawe nyɛ̀ʔɛni tunduɔn níì wi yari: «Mii a mɔ yodaʔayi yaʔa yi nɛʔɛ gbanʔama, bi pye syɔɔn a gbǎn yi córo í.»

Sélimɛ 17:16

Mii a dùbaw taʔa wi na si wɔ́ɔ nànbile kaan mɔ ma wi bárigaw ni. Mii a dùbaw taʔa wi na, wi a ba pye syɛɛnfeleyaa nɔ́ɔ. Syɛɛnfeleyaa fànʔafɔɔlɔ a yiri wi ni.»

Sélimɛ 17:2

Mii a mii joogaanni yaʔa li pye mii ní mɔ níngi ni, si tɔ̀nɔ́ mɔ kpéʔele syɛɛnnɛʔɛmɛ.»

Sélimɛ 17:20

Gee si mɔ joo Isimayɛli kéeli na lè, mii n gi lóʔo. Mii a dùbaw taʔa wi na. Mii a wi yaʔa wi tɔ̀nɔ́ see saʔa bi wi kpéʔele syɛɛnnɛʔɛmɛ. Wi a fànʔafɔbiigéle kɛɛ ní siin see. Mii a wi kpéʔele syɛɛnfelege, gee ki a tɔ̀nɔ́ nɛʔɛ lè.

Sélimɛ 17:6

Mii a gi yaʔa mɔ piibèle í tɔ̀nɔ́ nɛʔɛ, bi pye syɛɛnfeleyaa, àlí fànʔafɔɔlɔ a yiri mɔ ni.

Sélimɛ 18:18

Ncan Abirahami tɔ̀nɔ́ i maa ba pye syɛɛnfelegaa tóolɛʔɛ, gee ki a nɛʔɛ lè, ki fǎngi si wɔ́ɔ kpɔ́ʔɔ. Woro ni tári syɛɛnfeleye myɛ a ba dùbaw taa.

Sélimɛ 21:13

Mii si a wɔ́ɔ gi yaʔa syɛɛnfelegaa í yiri mɔ pulocew pyà ni, níì cán mɔ piiwaa wii.»

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Sélimɛ 28:3

Kolocɔlɔɔ wi lè Séew Myɛ Kàfɔlɔ, ki n yɛlɛ woro í dùbaw taʔa mɔ na, mɔ í pìinɛʔɛrɛ taa bi pye syɛɛnnɛʔɛmɛ.

Sélimɛ 32:12

Mii i mɔ nyɛ́ɛri mi mii syɔɔ mii yɛʔɛfɔw Ezau ma, níì cán mii i fɛ̀ɛgí n jo wi i maa ba mii ní nafɔbèle, ní pìíbèle kpúmɔn kpóo.

Sélimɛ 32:13

Mɔ si n gi joo mii ma níì jo: ‹Mii a kacànna kpéʔele mɔ na, si mɔ yodaʔayi yaʔa yi nɛʔɛ bi pye àmɛɛ sólomi lɔ̀ʔɔ nyɔ́ɔ táminyɔɔ nyɛ lè, wi lè wi a gbǎn córo í.› »

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

1 Fànʔafɔbèle 3:8

Mɔ falipyew i nyɛ mɔ syɛ́ɛnbèle nínge ni, bele mɔ nyɛ́nɛ n wòlo lè, syɛɛnfelegaa gii, bele be nɛʔɛ lè n pye syɔɔn a gbǎn be córo bi be nyɔ́ɔgi cán í.

1 Fànʔafɔbèle 4:20

Zyuda ní Isirayɛli ye maa nɛʔɛ àmɛɛ sólomi lɔ̀ʔɔ nyɔ́ɔ táminyɔɔ nɛʔɛ lè. Pe maa ni líi, ní i gbo, ní i fundaanra kpéʔele.

2 Fànʔafɔbèle 13:23

Kàjáa Yawe maa nyɔɔ be na, wi maa nyinimɛ taa be na níì fíige be ma wi joogaanni kéele na wi da kpéʔele lè Abirahami, ní Izaaki, ní Zyakɔbi ma. Wi ga fɔ̀lɔ bi be kálagi í. Wi ga be nɛnɛ n yirige wiyɛɛ yɛ́ʔɛ ma í fwɔɔ n baa nan lǎli bee na.

1 Cányi kèlē 21:5

Syɛ́ɛnbèle bele be córo lè, a Zyowabi be córomi nyɔ́ɔ kaan Davidi ma. Isirayɛli ye myɛ ni, ŋɔséebèle fɔ̀ɔlɔ n pye nànbēle sirakamayɛ togoye siin ní kpɔrigɔ ní kagunɔ. Zyuda wóbèle si i nyɛ ŋɔséebéle fɔɔlɔ sirakamayɛ toko ní taanri ní selebingéle kagunɔ.

1 Cányi kèlē 27:23

Bele pe da taa lè yɛ̀ʔɛlɛ toko toko, ní poro kàdoʔo ma wóbèle, Davidi da poro córo bele ni í. Níì cán Yawe maa jo woro a Isirayɛli ye nɛʔɛ be pye àmɛɛ nyɛ̀ʔɛni ŋɔripiigéle nyɛ lè.

2 Cányi kèlē 1:9

Tɔ́ɔliw ni, Yawe Kolocɔlɔɔ, nyɔɔfaligi mɔ kpéʔele mii tóow Davidi ma lè, ki n yɛlɛ gi foro. Níì cán mɔ wi mii télege fǎngi na syɛɛnnɛʔɛmɛ nyúngo na, bee bi nɛʔɛ àmɛɛ támiigi nyɛ lè.

Zyɔbi 5:25

Mɔ a gi nyaa mɔ yodaʔayi í nɛʔɛ. Mɔ piibèle í fìin bi yiri àmɛɛ tári nyàápungo nyɛ lè.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Zyeremii 33:22

Amɛɛ gi nyɛ lè Nyɛ̀ʔɛni Sùlasiibéle a gbǎn córo í, ní àmɛɛ gi nyɛ lè sólomi lɔ̀ʔɔ táminyɔɔw a gbǎn kíri í, kánmi bee na mii a Davidi yòdaʔayi nɛʔɛ wi lè mii falipyew, ní Levii ye, poro bele be báara mii ma lè.› »

Córolo 23:10

Wìí wi a gbǎn Zyakɔbi cíbigi córo, wàlá bi Isirayɛli tílayi sicɛrɛ wóʔo nyɔ́ɔ tɛ̀ɛn? Ki n yɛlɛ mii í kùu syɛɛnsinbèle kùuganma na. Mii kwɔ́ɔganmi í pye àmɛɛ be wómi nyɛ lè.»

Làlwaw Kaanziin 1:10

Yawe yele Kolocɔlɔw n kàa fàra yele na, a yele nɛʔɛ bele níjanʔa n pye àmɛɛ nyɛ̀ʔɛni ŋɔripiigéle nyɛ lè.

Heburubèle 11:12

Gee bee na nǎnwee wi da pye lè mɔ a jo wi n kùu n kwɔ́ɔ, nǎnw bee nibin yòdaʔaya n baa nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní wɔ́ɔ i nyɛ córomɔ fun àmɛɛ sólomi lòkpɔʔɔ kagomɔ táminyɔɔ nyɛ lè.

Tɛ̀ɛnnɛ 7:9

Koro kàdoʔo ma a mii wéle n syɛɛnnɛʔɛmɛ nyaa, bee bi nyɛ lè syɔɔn faala a gbǎn bi córo í, pi maa yiri syɛɛnfeleyi myɛ ni, ní syɛɛnfeleyi yòdaʔaya myɛ ni, ní dulunyanw syɛ̀ɛnnɛ myɛ ni, ní syɛɛnfeleri joofɔɔlɔ myɛ ni. Pi myɛ si i nyɛ woyéremɛ ní fàngoli ní Bàpili yɛ́ʔɛ ma ní buroviiye ní, sɛ́ʔɛwara si i nyɛ bi kɔ́yi ni.

Jàbɔbèle 6:3

Lǎli ni Isirayɛli ye ga yaliiri le lè, Madyan ye, ní Amalɛki ye, ní canʔafolomɔ kabangi syɛ̀ɛnnɛ n pan be kurugo.

Jàbɔbèle 6:5

Pe ga lúgu n pan ní be yaweeri ní lǎli ni lè n fàra be fànikpaayi na, pe n baa pye àmɛɛ kúdo dìndinge nyɛ lè. Pe ní be fàlibaayi i gáà nɛʔɛ bi pye córomɔ fun. Pe i gáà pan n baa jée tári ni jàngó bi di kálagi.