Sélimɛ 13:15 - Cebaara Bible 2010

¹⁵ Táree myɛ mɔ nyaa lè, mii a di kaan mɔ ní mɔ yodaʔayi ma di pye yele wóro làla o làla.

Sélimɛ 13:15 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 13:17

Ki n yɛlɛ mi yìri mi tári nyaari mi foro, mi di tɔnɔganmi, ní di kpɔ́ʔɔganmi cán, níì cán mɔ má mii a di kaan.»

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Sélimɛ 15:7

A wi níì wi pye: «Mii wi nyɛ Yawe, mii wee wi mɔ yirige lè Uri kěgi ni ki lè Kalide ye wógi, bi ba tári naa kaan mɔ ma di pye mɔ wóro.»

Sélimɛ 18:18

Ncan Abirahami tɔ̀nɔ́ i maa ba pye syɛɛnfelegaa tóolɛʔɛ, gee ki a nɛʔɛ lè, ki fǎngi si wɔ́ɔ kpɔ́ʔɔ. Woro ni tári syɛɛnfeleye myɛ a ba dùbaw taa.

Sélimɛ 24:7

Yawe wi lè nyɛ̀ʔɛni Kolocɔlɔɔ, woro wee wi mii cò n yirige mii tóow kpaʔa ni lè, ní mii táseeri ni, ní wɔ́ɔ̀ joo ní mii ní níì kàli níì jo woro a tári naa kaan mii yòdaʔayi ma lè, woro tiimaa wi a wi nyɛ̀ʔɛni tunduɔn tórigo mɔ yɛ́ʔɛ ma jàngó mɔ í sa cɔlɔɔ láa yaà beè bi ba kaan mii jáaw ma.

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Sélimɛ 28:4

Ki n yɛlɛ wi Abirahami dùbaw wonijaɔn kaan mɔ ma, si wɔ́ɔ wi kaan mɔ yodaʔayi ma, koro ga pye táree ni mɔ tɛ́ɛn lè dee, àmɛɛ nibɔɔn nyɛ lè, toro dee Kolocɔlɔɔ kaan Abirahami ma lè, tári bee í pye mɔ wóro.»

Sélimɛ 35:12

Táree mii kaan Abirahami ní Izaaki ma lè, mii a di kaan mɔ ma, si wɔ́ɔ di kaan mɔ yodaʔayi ma naa mɔ kadoʔo ma.»

Sélimɛ 48:4

níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

1 Cányi kèlē 16:18

Wi n jo: «Mii a Kanaan tári kaan mɔ ma ti pye yele kɔ́rigi lɛɛlɛ.»

2 Cányi kèlē 20:7

Wolo Kolocɔlɔw, mɔ ban wi tári naa syɛ̀ɛnnɛ nɛnɛ n yirige di ni mɔ syɛ́ɛnbèle Isirayɛli ye yɛ́ʔɛ ma ì, níì di kaan mɔ taannyɛnw Abirahami yòdaʔayi ma di pye be woro làla o làla ì?

Ŋúnuyi 37:22

Bele na Yawe dùbaw taʔa lè, poro a tári kɔ́rigɔ lìi, bele si wi dánga lè, poro a kwɔ́ɔ yirige yaà.

Ŋúnuyi 37:29

Syɛɛnsinbèle a tári fáliga taa, pe a tɛ́ɛn bi kòro di ni làla o làla.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Yirile 33:1

A Yawe Mowizi pye: «Yiri nɛɛ naa maa syée, mɔ ní syɛ́ɛnbèle bele mɔ yirige Ezyipiti tári ni lè, yaa syée tári ma, dee nyɔ́ɔ mii da fàli ní kàliga ní lè Abirahami, ní Izaaki, ní Zyakɔbi ma níì jo mii a di kaan pe yòdaʔayi ma.

Ezayi 63:18

Mɔ syɛɛncanbèle ga tɛ́ɛn tári fáliga na n mɔn í. Wolo nígoobèle n mɔ tɛɛcǎngi tánʔana.

Córolo 34:2

«Syɛ́ɛnri naa joo mi gbàn Isirayɛli ye ma mí be pye: ‹Lǎli ni yele ga sáà jée lè Kanaan tári ni, dee yele a taa lè kɔrigɔ, toro di nyɛ dee naa ní di láʔagoloyi ní.

Matye 5:5

Bele be màámi kpéʔele lè, bele bee i nyɛ dùba pìibēle, níì cán pe a ba pye tári kɔriliibéle!

Kapyegèle 7:5

Wi si da kɔ́ɔ̀ tɛɛgaa faala kaan wi ma di ni gi pye wi woʔò í, àlí gee ni syɔɔn a gbǎn nyɔ̌nni tɛ́ʔɛ lè í, wi si maa nyɔ́ɔgi fàli wi ma níì jo, woro a ba tári naa fáliga kaan wi ma ní wi yòdaʔayi ma naa wi kàdoʔo ma bi gi taa pyà da kɔ́ɔ̀ pye wi ma gbɛnʔɛnɛ í.

Làlwaw Kaanziin 34:4

A Yawe wi pye: «Tári dii dee bee, dee nyɔɔfaliga mii kpéʔele ní kàliga ní lè Abirahami, ní Izaaki, ní Zyakɔbi ma níì jo: ‹Mii a di kaan mɔ yodaʔayi ma.› Mii n gi yaʔa mɔ í di nyaa ní mɔ nyapiigèle ní, kàjáa mɔ a jée di ni í.»

Làlwaw Kaanziin 9:5

Mɔ sínni, ní mɔ funviiw báriga ni ban mɔ a jée be tári ni bi di syɔɔ taa í, kàjáa Yawe mɔ Kolocɔlɔw a syɛɛnfeleyi bee yirige yaà yi péemi kéele na. Wi a gee bee kpéʔele koro ga pye kéelee na wi kàli mɔ tofɔlɛɛyi Abirahami, ní Izaaki, ní Zyakɔbi ma lè, wi lee bee foro.