Sélimɛ 13:13 - Cebaara Bible 2010

¹³ Sodɔmi syɛ́ɛnbèle si maa tɔ̀nɔ n pee. Pe maa ni kapeegèle kpéʔele Yawe yɛ́ʔɛ ma.

Sélimɛ 13:13 Iomraidhean Croise

Sélimɛ 10:9

Wi maa pye tòzoo-sànbali Yawe yɛ́ʔɛ ma. Koro na pe gi nyuu níì jo: «Amɛɛ Nimurɔdi da pye lè tòzoo-sànbali Yawe yɛ́ʔɛ ma.»

Sélimɛ 15:16

Mɔ yodaʔayi a kòro yaà bi taa ba nan pe yìrigēle sicɛrɛ wóli na si náa lúru pan nɛɛ naa. Níì cán Amɔri syɛ́ɛnbèle sìnzinmɛ ga kɔ́ɔ̀ foro n nan mii í be nɛnɛ í.»

Sélimɛ 18:20

Lǎli bee ni a Yawe gi joo Abirahami ma níì jo: «Sùpiigèle be wáa lè Sodɔmi ní Gomɔri ye kéeli na, sùpiiwáari bee n níì kpɔ́ʔɔ n baa sɔ̀lɔ. Pe kapeegèle n líbe n baa sɔ̀lɔ.

Sélimɛ 19:13

Wolo a tɛ́ɛgi naa kálagi. Níì cán kéelee na be yákpogèle wáa ní gi mɛ́ɛgi ní Yawe yɛ́ʔɛ ma lè li n pee n baa sɔ̀lɔ, a Yawe si wolo tun wo ba gi kálagi.»

Sélimɛ 38:7

Zyuda pìilɛɛw Ɛri si maa pye syɛɛnpeeo Yawe yɛ́ʔɛ ma, a Yawe wi kpóo.

Sélimɛ 39:9

Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Sélimɛ 6:11

Tári maa tɔ̀nɔ n kálagi Kolocɔlɔɔ yɛ́ʔɛ ma, ti maa tɔ̀nɔ n nyìn péemi na.

2 Fànʔafɔbèle 21:6

A wi wi jáaw kaan a be sórigo sáriga náagi ni. A wi i cɛ́lɛ ní i dɛ̀ɛ́mi kèlē kpéʔele, níì syɛ́ɛnbèle pèle télege poro i kúbèle yíbe ní i nyɛ̀ʔɛna kérigèle nyaagi ni nyuu. Gee gi pee Yawe nyɛ́nɛ na lè a wi i koro kpéʔele n baa sɔ̀lɔ n tɔ̀nɔ n wi fúngi tanʔa.

Ezayi 1:9

Nyɛ̀ʔɛni Sùlasiibéle Kafɔlɔ wi lè Yawe, kapye wi da wolo pèle cɛɛri yaʔa a wo kòro í, wolo mǎà dée pye àmɛɛ Sodɔmi nyɛ lè, wolo mǎà dée Gomɔri wíri.

Zyeremii 23:14

Kàjáa mii n yapeeye nyaa Zyerusalɛmi kànyaajoobèle ma, pe i nyɛ kanɔnʔɔbyebèlē. Pe i táanri jànvaaw na. Pe i fànʔa nii bele kɔ́yɔ ni be kapeeyi kpéʔele lè, koro ga pye pe wàa a kɔ́ láʔa wi peemɛ na í. Pe myɛ i nyɛ mii nyɛ́nɛ na àmɛɛ Sodɔmi ye nyɛ lè, a Zyerusalɛmi syɛ́ɛnbèle i nyɛ mɔ a jo Gomɔri wóbèle bɛɛ.»

Zyeremii 23:24

A wàa a gbǎn làra lé tɛɛlàraga ni mii si kòro wi sìnnyaa ni?» Yawe wi jo nya. «A mii i nyɛ lé mii ga nyɛ̀ʔɛgèle ní tári nyìn í?» Yawe wi jo nya.

Córolo 32:23

Yele si ga pye ye ga gi pye nya í, ye wéle, kapeele yele a pye Yawe na, ye si gi cán yele kapeeli a pye yele kurugo.

Matye 9:10

A Zyezu ga sáà tɛ́ɛn ni líi kpáagi ni, a wálisyɔɔbèle ní kapeebyebèlē saʔa pan n baa tɛ́ɛn ni líi ní wi ní n fàra wi pìitamabèle na.

Matye 9:13

Ki n yɛlɛ ye sa syɛ́ɛnri naa kɔ́rɔ sɛʔɛ ye wéle àmɛɛ gi joo lè: ‹Nyinimɛ mii caa. Mii o sáriga caa í.› Níì cán mii ga pan ba syɛɛnsinbèle yeri í, fwɔɔ kapeebyebèle.»

Zyan 9:24

A Farisibèle níì fúunnanw yeri tɔziin, ní baa wi pye: «Ki n yɛlɛ mi sɔ̀ngi Kolocɔlɔɔ kéeli na mí kányɛɛgi joo. Wolo n gi cán nǎnw bee i nyɛ kapeebyeo.»

Zyan 9:31

Wo myɛ n gi cán Kolocɔlɔɔ o lúro kapeebyeo ma í. Kàjáa syɔ́ɔnwee wi ga ni Kolocɔlɔɔ kpɔ̀ʔɔrɔ́ lè ní i wi nyɛnɛ kérigèle kpéʔele, wi n ni lúro wee bee ma.

Wɔrɔmi ye 1:27

Kánmi bee wonijanma na, àmɛɛ nǎnbèle wɔ́ɔ̀ yɛlɛ bàā sìnɛ́ ní pe cébèle ní lè, a be gee bee yaʔa, á be céri láanitaʔa wári be na, a be i peyɛɛ jaa, ní i fɛ̀ɛfɔnmi kèlē kpéʔele ní peyɛɛ ní. Wɔʔɔgee pe yɛlɛ bi taa lè pe kolomi kéele na, pe i gee bee taagi peyɛɛ ni.

Heburubèle 4:13

Kolocɔlɔɔ yakpéʔelegaa faala a gbǎn làra wi na í, ti myɛ i nyɛ yatɔngɔ fun, ní wɔ́ɔ i nyɛ tɛɛlaraga fun wi yɛʔɛ̀ ma, woro wee má wolo yɛlɛ bàā wolo kérigèle fíligi da nyuu lè.

2 Pyɛri 2:10

n náa kɔ́ɔ̀ yére bele be táanri ni syée lè céri kèlē kurugo nɔ́nʔɔri láanitaʔa ni, ní i fǎnyi féleye myɛ faari lè. Pe nyúnyi n waʔa, a be wɔ́ɔ i peyɛɛ nyɛ́nɛ, pe o fɛ̀ɛgí bi nìjangbɔɔri fɔ̀ɔlɔ tɛʔɛlɛ í,

Zyudi 1:7

Kánmee na bele bee da cée lè, kánmi bee na Sodɔmi, ní Gomɔri, ní yi taana kěyi syɛ̀ɛnnɛ da baa cée níì peyɛɛ gaan kanɔnʔɔri ma, níì kòro fɛ̀ɛfɔnmi kèlē na ni kpéʔele ní peyɛɛ ní. Amɛɛ be wɔʔɔ lè bànvigi náagi ni, pe i nyɛ fɛ̀ɛ syɛ́ɛnbèle myɛ ma.

1 Samyɛli 15:18

Yawe maa mɔ le kólogi ni níì jo: ‹Da syée mi sa kapeebyebèle bee kálagi péw, pe lè Amalɛki ye. Mɔ a sa kapɛɛnni kpúmɔn ní be ní fwɔɔ bi taa be kálagi kwɔ́ɔ péw.›

1 Samyɛli 2:17

Nìgɔcaribèle bee kapeele maa tɔ̀nɔ n kpɔ́ʔɔ Yawe yɛ́ʔɛ ma. Níì cán yakaangi ki da ni kaangi Yawe ma lè, pe maa ni gi faari.