Sélimɛ 13:11 - Cebaara Bible 2010

¹¹ A Lɔti fala n Zyuridɛn tɛɛfiigi myɛ nyɛ́nɛ n wòlo gi pye woro wóʔo. Níì fala n kári n sáà tɛ́ɛn canʔafolomɔ kabangi na. Kánmi bee na be wàli peyɛɛ na.

Sélimɛ 13:11 Iomraidhean Croise

Sélimɛ 13:10

A Lɔti yɛ́ɛgi yìrige n Zyuridɛn tɛɛfiigi myɛ wéle, a wi gi nyaa lǒgi i nyɛ gi kàbanyi myɛ na. Sáni Yawe í Sodɔmi ní Gomɔri kálagi lè, tɛ́ɛgi bee maa pye mɔ a jo Yawe nángwɔɔw wii, mɔ a jo Ezyipiti tári dii, n kári fwɔɔ n sáà nan Sowari na.

Sélimɛ 13:12

A Abirami kòro yaà Kanaan tári ni, á Lɔti sáà kòro tɛɛfiigi kèye ni, ní sáà wi fànikpaayi kóri Sodɔmi taana.

Sélimɛ 13:14

A Lɔti ga wàli Abirami na, a Yawe gi joo Abirami ma níì jo: «Tɛ́ɛgee ni mɔ nyɛ lè, n mɔ yaʔa beè ki n yɛlɛ mi mɔ yɛ́ɛgi yìrige mi wéle mi kári solomɔkulo ní wòrogulo kàbangi na, mí wɔ́ɔ wéle mi kári canʔafolomɔ ní canʔajeemɛ kabangi na.

Sélimɛ 13:9

Tári myɛ di dee mɔ yɛ́ʔɛ ma. Ki n yɛlɛ wo wàli woyɛɛ na. Mɔ ga kári kàmɔnɔ ma, mii a fala kàliige ma. Mɔ si ga kári kàliige ma, mii a fala kàmɔnɔ ma.»

Sélimɛ 19:17

Lǎli ni pe be yirige n kwɔ́ɔ kěgi ni lè, a nyɛ̀ʔɛni tundunwaa nibin Lɔti pye: «Da fé mi miyɛɛ zyɔɔ. Mɔ a kɔ́ kàri bi wéle kàdoʔo ma í. Mɔ a kɔ́ yére tɛɛfiigi tɛ́ɛgaa faala ni í. Da fé maa syée mi yiri tɛ́ɛgi naa ni mi sa kòro nyanbelegi na koro ga pye mɔ a kɔ́ kálagi í.»

Ŋúnuyi 119:63

Mii i nyɛ mɔ yɛ́ɛgi fyáafɔɔlɔ myɛ pínɛnyɛnnɛ, ní bele be mɔ lalwaw kajoogéle cò lè.

Ŋúnuyi 16:3

Syɛɛncanbèle be nyɛ lè tári ni, poro be nyɛ fǎngi wodelege gee gi lè mii fundaanri myɛ.

Kàseegèle 27:10

Mɔ a kɔ́ mɔ taannyɛnnɛ, wàlá mɔ tóo tàannyɛnnɛ yaʔa í, mɔ a kɔ́ jée mɔ senyɛnnɛ̀ kpaʔa ni mɔ wɔʔɔgɔ canʔa na í. Tɛ́ɛnnyɛnwee wi nùuni mɔ na lè, wi n pɔ́rɔ n sɔ̀lɔ senyɛnnɛ̀ na, wee wi léeli mɔ na lè.

Ezekyɛli 47:18

Canʔafolomɔ kabangi a pye Zyuridɛn, wi lè Horan, ní Damasi níngi ni, ní Galaadi, ní Isirayɛli tári nínge ni. Yele a gi tímana bi séli solomɔkulo kàbangi láʔagologo na bi kári fwɔɔ sa nan canʔafolomɔ kabangi solomɔ lɔ́ʔɔ na, koro ki a pye canʔafolomɔ kabangi.

Heburubèle 10:25

Ki ga yɛlɛ wolo í woyɛɛ gbóʔoroli yaʔa àmɛɛ pèle tàli ni gi kpéʔele lè í, kàjáa àmɛɛ yele cángi nyaa ki i nùuní lè, ki n yɛlɛ waa woyɛɛ kɛɛlɛ gbanʔama bi sɔ̀lɔ.

1 Pyɛri 2:17

Yaa syɛ́ɛnbèle myɛ kpɔ́ʔɔgi, yé tàmaga le ní senyɛnnɛgi ní, yáā fɛ̀ɛgí Kolocɔlɔɔ na, yáā tári fɔ́lɔ kpɔ́ʔɔgi.