Sélimɛ 13:10 - Cebaara Bible 2010

¹⁰ A Lɔti yɛ́ɛgi yìrige n Zyuridɛn tɛɛfiigi myɛ wéle, a wi gi nyaa lǒgi i nyɛ gi kàbanyi myɛ na. Sáni Yawe í Sodɔmi ní Gomɔri kálagi lè, tɛ́ɛgi bee maa pye mɔ a jo Yawe nángwɔɔw wii, mɔ a jo Ezyipiti tári dii, n kári fwɔɔ n sáà nan Sowari na.

Sélimɛ 13:10 Iomraidhean Croise

Sélimɛ 11:27

Tera yòdaʔayi wéle yee. Tera n Abirami, ní Nahɔri, ní Haran see, á Haran Lɔti see.

Sélimɛ 13:11

A Lɔti fala n Zyuridɛn tɛɛfiigi myɛ nyɛ́nɛ n wòlo gi pye woro wóʔo. Níì fala n kári n sáà tɛ́ɛn canʔafolomɔ kabangi na. Kánmi bee na be wàli peyɛɛ na.

Sélimɛ 13:9

Tári myɛ di dee mɔ yɛ́ʔɛ ma. Ki n yɛlɛ wo wàli woyɛɛ na. Mɔ ga kári kàmɔnɔ ma, mii a fala kàliige ma. Mɔ si ga kári kàliige ma, mii a fala kàmɔnɔ ma.»

Sélimɛ 14:2

a gi pye a be pan ba kapɛɛnnɛ kpúmɔn ní fànʔafɔbèle bele ní be pye lè Sodɔmi ye fànʔafɔw Bera, ní Gomɔri ye fànʔafɔw Birisya, ní Adima ye fànʔafɔw Syineyabi, ní Seboyimi fànʔafɔw Syemeyebɛɛri n fàra Bela fànʔafɔw na. Pe wɔ́ɔ i Bela yiri Sowari.

Sélimɛ 14:8

Lǎli bee ni a Sodɔmi fànʔafɔw ní Gomɔri fànʔafɔw yiri, n fàra Adima fànʔafɔw, ní Seboyimi fànʔafɔw, ní Bela fànʔafɔw na, Bela pe wɔ́ɔ̄ yiri Sowari. A be sáà wáa fànʔafɔbèle bele na kapɛɛnnɛ na Sidiimi jǐnlɔgi ni.

Sélimɛ 3:6

A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

Sélimɛ 47:6

Ezyipiti tári i nyɛ mɔ kɔ́lɔ na. Mɔ tóow ní mɔ senyɛnbèle télege tári tɛɛcànga ni. Ki n yɛlɛ be tɛ́ɛn Gosyɛn tɛ́nɛmi ni. Mɔ ga pèle cán be ni bele fánʔa be nyɛ keele na lè, mi be cɔɔnri be pye mii yaweeri nyúngo na.»

Sélimɛ 6:2

lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala.

1 Fànʔafɔbèle 7:46

Zyuridɛnw tɛɛfiige na fànʔafɔw da be pye a be di gbàla tágunw tɛ́ʔɛ ni Sukɔti ní Saritan níngi ni.

Zyɔbi 40:23

Cábigi ga ni fóo ní fànʔa ní, koro o gáà wári gi na í. Alí Zyuridɛnw ga fóo n nan gi nyɔ́ɔgi na, ki n soro.

Ŋúnuyi 107:34

níì tátaanri kàriga solomɔ tára tári bee tɛ́ɛnfɔɔlɔ péemɛ kéele na.

Ezayi 15:5

Mii fúngi i yakpoli wáa Mowabi kéeli na, woro wee wovan-mí-syɔɔbéle be fé ni syée lè fwɔɔ n sa ni nangi Sowari na, n sa ni nangi fwɔɔ Egilati-Syelisyiya na. Ncan pe i nyaan ni Luyiti dǎndamagi lúru. N be yaʔa Horonayimi kólogi na, pe i sùpiigèle wáa gàlagíw kéele na.

Ezayi 51:3

Yawe i nyinimɛ taagi Siyɔn na kányɛʔɛ na, wi tɛɛ̀kalagiyi myɛ nyínimɛ i nyɛ wi na. Wi a wi fìími tára kàriga àmɛɛ Edɛn nángwɔɔw nyɛ lè, bi lɔ̀ʔɔ fun tɛ́ɛyi pye àmɛɛ Yawe nángwɔɔw nyɛ lè. Mugurumi, ní fundaanri a pye wi níngi ni, n fàra bariga kaanni ŋúnuyo, ní kpɔ̀ʔɔrɔli ŋúnuyo na.

Zyeremii 48:34

Hɛsyibɔn yákpogèle i yìrigí fwɔɔ ni nangi Eleyale na, pe i yákpogèle wáa a ke i nangi Yahasi na, nlaa yaà Sowari na n sáà nan Horonayimi na, n kári n sáà nan Egilati-Syelisyiya na. Níì cán Nimirimi lóyi n wɔ́ɔ̀ waʔa.

Ezekyɛli 16:46

Mɔ yɛʔɛfɔw wi lè mɔ senyɛnjew, wi nyɛ lè wodɛ́ɛɔn ní mɔ kamɔnɔ ma, woro wi nyɛ Samarii, ní wi calipiigèle ní, mɔ cɔnɔw wi lè mɔ senyɛnjew, wi nyɛ lè wodɛ́ɛɔn ní mɔ kaliige ma, woro wi nyɛ Sodɔmi, ní wi calipíigèle ní.

Ezekyɛli 16:49

Wéle, gee gi pye lè Sodɔmi kolomi wi lè mɔ senyɛnjew, koro gi nyɛ nɛ̀ɛnyɛnɛgi maa pye wi ma, a yaliiri wi tín, wí i nyɛ sági kasɔngunɔ fun, woro ní wi calipiigèle ní, wi si da ni fànʔa nii fɔ̀rɔgɔfɔlɔ, ní foomɔfɔlɔ kɔ́yɔ ni í.

Ezekyɛli 28:13

Mɔ maa pye Edɛn ni, wi lè Kolocɔlɔɔ nángwɔɔw. Lɔgbanri kàdɛɛngèlē féleye myɛ maa mɔ tɔ́n, ke lè wurubii, ní topazi, ní jaman, ní kirizoliiti, ní onikisi, ní zyasipi, ní safiiri, ní ɛsikaribukili, ní emerodi, ní tɛ́ɛw. Mɔ tamabèle ní mɔ máagèle maa pye mɔ fáliw na, toro maa sámaga yaà mɔ ma nlaa yaà mɔ cângbeʔelegi na.

Ezekyɛli 31:8

Kolocɔlɔɔ nángwɔɔw sɛdiri tíigaa da sɔ̀lɔ gi na í, siipirɛ tíiyi da yɛlɛ ní gi káganyi ní í, pilatani tíiyi da gi kágannaa kwɔ́ɔ nìjanri na í. Kolocɔlɔɔ nángwɔɔw tíigaa faala da gi kwɔ́ɔ nìjanri na í.

Ezekyɛli 31:9

Mii maa gi kágannɛʔɛri tɛ́ʔɛ n gi fère, a gi nyabɛɛnni pye Edɛn tíiri myɛ na Kolocɔlɔɔ nángwɔɔw ni.›

Ezekyɛli 47:18

Canʔafolomɔ kabangi a pye Zyuridɛn, wi lè Horan, ní Damasi níngi ni, ní Galaadi, ní Isirayɛli tári nínge ni. Yele a gi tímana bi séli solomɔkulo kàbangi láʔagologo na bi kári fwɔɔ sa nan canʔafolomɔ kabangi solomɔ lɔ́ʔɔ na, koro ki a pye canʔafolomɔ kabangi.

Zyowɛli 2:3

Naà i sórigolo kpéʔele ki yɛʔɛ̀ ma, naanyìnge si i nyɛ ki kàdoʔo ma, gee gi sórogi lè, tári maa pye ki yɛʔɛ̀ ma àmɛɛ Edɛn nángwɔɔ nyɛ lè, ki kàdoʔomaw si na, koro i nyɛ fìimɛ tɛɛ̀kalagiga, yafyɛn o syoo gi ma í!

Làlwaw Kaanziin 34:3

ní wòrogulo kàbangi, ní Zyuridɛn tɛ́nɛmi, ní Zyeriko jǐnlɔgi ki lè sɛʔɛtiiri kàʔa fwɔɔ n sáà nan Sowari na.