Sélimɛ 12:7 - Cebaara Bible 2010

⁷ A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 12:7 Iomraidhean Croise

Sélimɛ 12:8

A Abirami ga yiri yaà beè, a wi fala nyanbeleyi kúlo kàbaan na Betɛli canʔafolomɔ ma, ní sáà wi fànikpaagi kóri, níì Betɛli yaʔa canʔajeemɛ kabangi na, Ayi si i nyɛ canʔafolomɔ kabangi na. A wi níì sáriga-wòlo-yafaangaa faan tɛ́ɛgi bee ni Yawe ma níì Yawe mɛ́ɛgi yeri.

Sélimɛ 13:15

Táree myɛ mɔ nyaa lè, mii a di kaan mɔ ní mɔ yodaʔayi ma di pye yele wóro làla o làla.

Sélimɛ 13:17

Ki n yɛlɛ mi yìri mi tári nyaari mi foro, mi di tɔnɔganmi, ní di kpɔ́ʔɔganmi cán, níì cán mɔ má mii a di kaan.»

Sélimɛ 13:18

A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Sélimɛ 13:4

A wi wɔ́ɔ̀ nan sáriga-wòlo-yafaangi na, gee wi da sélì faan yaà lè. A Abirami Yawe mɛ́ɛyi yeri yaà beè.

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 17:3

A Abirami too n yɛ́ɛgi cíbele tári na. A Kolocɔlɔɔ níì wi yari:

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 18:1

Yawe n wiyɛɛ dɛ̀ɛn Abirahami na Mamire syɛni tíiri láara ni. Abirahami maa pye wodɛ́ɛɔn ní wi fànikpaagi kpaaweele na cángi làrigbanna ni.

Sélimɛ 22:9

Lǎli ni be sáà nan lè tɛ́ɛgi na, gee Kolocɔlɔɔ da tɛ̀ɛn lè, a Abirahami sáriga-wòlo-yafanʔa faan yaà beè, níì kàjeri taani gi na, níì wi jáaw Izaaki pwɔɔ n taʔa sáriga-wòlo-yafaangi ǹjoʔo ni kàjeri na.

Sélimɛ 24:7

Yawe wi lè nyɛ̀ʔɛni Kolocɔlɔɔ, woro wee wi mii cò n yirige mii tóow kpaʔa ni lè, ní mii táseeri ni, ní wɔ́ɔ̀ joo ní mii ní níì kàli níì jo woro a tári naa kaan mii yòdaʔayi ma lè, woro tiimaa wi a wi nyɛ̀ʔɛni tunduɔn tórigo mɔ yɛ́ʔɛ ma jàngó mɔ í sa cɔlɔɔ láa yaà beè bi ba kaan mii jáaw ma.

Sélimɛ 26:25

A Izaaki sáriga-wòlo-yafanʔa faan tɛ́ɛgi bee ni níì Yawe mɛ́ɛgi yeri, níì wi fànikpaagi kóri yaà. A wi falipyebèle níì kɔ̀lɔ́waa túgu yaà.

Sélimɛ 26:3

Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 28:4

Ki n yɛlɛ wi Abirahami dùbaw wonijaɔn kaan mɔ ma, si wɔ́ɔ wi kaan mɔ yodaʔayi ma, koro ga pye táree ni mɔ tɛ́ɛn lè dee, àmɛɛ nibɔɔn nyɛ lè, toro dee Kolocɔlɔɔ kaan Abirahami ma lè, tári bee í pye mɔ wóro.»

Sélimɛ 32:30

A Zyakɔbi wi yari: «Mii i mɔ nyɛ́ɛri, mi mɔ mɛ́ɛgi tɛ̀ɛn mii na.» A wi Zyakɔbi yari: «Nyàʔá na mɔ mii mɛ́ɛgi yíbe?» Níì dùbaw kpéʔele wi ma tɛ́ɛgi bee ni.

Sélimɛ 33:20

A wi sáriga-wòlo-yafanʔa kpéʔele yaà tɛ́ɛgi bee ni níì gi mɛ́ɛgi le ni gi yiri Ɛli-Elowe-Isirayɛli.

Sélimɛ 35:12

Táree mii kaan Abirahami ní Izaaki ma lè, mii a di kaan mɔ ma, si wɔ́ɔ di kaan mɔ yodaʔayi ma naa mɔ kadoʔo ma.»

Sélimɛ 35:7

A wi sáriga-wòlo-yafanʔa faan yaà níì tɛ́ɛgi bee mɛ́ʔɛ le ni gi yiri Ɛli-Betɛli. Níì cán nɛɛ bee Kolocɔlɔɔ da wiyɛɛ dɛ̀ɛn wi na, lǎli ni wi da ni fé bi syɔɔ wi senyɛnw ma lè.

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

Sélimɛ 8:20

A Nowe sáriga-wòlo-yafanʔa faan Yawe ma níì tàa wòlo yaweecǎnri myɛ, ní féjɛɛnjǎnri myɛ ni n kpéʔele sáriga-sórigoo sáriga-wòlo-yafaangi na.

2 Samyɛli 24:25

A Davidi sáriga-wòlo-yafanʔa faan nɛɛ bee Yawe ma níì sáriga-sórigoo ní pínɛnyɛnnɛgɛ sáriga wòlo gi na. Lǎli bee ni a Yawe fúngi tìgi tári kàbaan na, a káfalagi yáama láʔa Isirayɛli na.

1 Fànʔafɔbèle 18:32

A wi sáriga-wòlo-yafanʔa faan ní kàdɛnɛyi bee ní Yawe mɛ́ɛgi na, níì weʔe túgu n sáriga-wòlo-yafaangi màʔa. Lítiribéle toko ní kpɔrigɔ maa pye bi gbǎn jée gi ni.

1 Cányi kèlē 16:16

gee bee n jo joogaanni wi kpéʔele ní Abirahami ní lè, ní wi kàligi wi kpéʔele Izaaki ma lè.

1 Cányi kèlē 16:18

Wi n jo: «Mii a Kanaan tári kaan mɔ ma ti pye yele kɔ́rigi lɛɛlɛ.»

2 Cányi kèlē 20:11

Wéle, sàrawee na pe maa ba wolo sàra lè, woro wi nyɛ bi ba wolo nɛnɛ yirige mɔ tɛ́ɛgi ni, gee mɔ kaan wolo ma lè.

2 Cányi kèlē 20:7

Wolo Kolocɔlɔw, mɔ ban wi tári naa syɛ̀ɛnnɛ nɛnɛ n yirige di ni mɔ syɛ́ɛnbèle Isirayɛli ye yɛ́ʔɛ ma ì, níì di kaan mɔ taannyɛnw Abirahami yòdaʔayi ma di pye be woro làla o làla ì?

Ɛsidirasi 3:2

Zyozuwe wi lè Yosadaki jáaw, woro ní wi senyɛnbèle pe lè sáriga-wòlobèle, n fàra Syeyalityɛli jáaw Zorobabɛli ní wi senyɛnbèle na, a poro yìri n Isirayɛli Kolocɔlɔw sáriga-wòlo-yafanʔa faan, koro ga pye bàā sáriga-sórigow wóo gi na bi yɛlɛ ní gee ní gi sɛ́bɛ Kolocɔlɔɔ syɔ́ɔnw Mowizi làlwaw sɛ́bɛ ní lè.

Yirile 17:15

A Mowizi sáriga-wòlo-yafanʔa faan níì gi mɛ́ɛgi le ni gi yiri: Yawe wi nyɛ mii káfaliw.

Yirile 24:4

A Mowizi Yawe syɛ́ɛnri myɛ sɛ́bɛ. Koro kàdoʔo ma a wi sɔ̀li n yìri n sáriga-wòlo-yafanʔa faan nyanbelegi tìgimɛ ni, n fàra gàángéle kɛɛ ní siin na n yɛlɛ ní Isirayɛli syɛɛnfeleyi kɛɛ ní siin nyɔ́ɔ ní.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Yirile 33:1

A Yawe Mowizi pye: «Yiri nɛɛ naa maa syée, mɔ ní syɛ́ɛnbèle bele mɔ yirige Ezyipiti tári ni lè, yaa syée tári ma, dee nyɔ́ɔ mii da fàli ní kàliga ní lè Abirahami, ní Izaaki, ní Zyakɔbi ma níì jo mii a di kaan pe yòdaʔayi ma.

Yirile 6:3

Mii mɛ́ɛgee ní mii niyɛɛ dɛ̀ɛn Abirahami, ní Izaaki, ní Zyakɔbi na lè, koro gi nyɛ Kolocɔlɔɔ wi nyɛ lè Séew Myɛ Kàfɔlɔ. Kàjáa mii mɛ́ɛgee gi nyɛ lè Yawe, pe da mɛ́ɛgi bee cán mii na í.

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Córolo 26:53

«Tári a lɛɛ be na di pye be kɔrigɔ bi yɛlɛ ní syɛ́ɛnbèle nyɔ́ɔ ní.

Córolo 32:11

‹Nǎnbèle bee be yiri Ezyipiti ni lè, n séli yɛ̀ʔɛlɛ toko wóbèle na, ni syée poro yɛ́ʔɛ ma wóbèle kurugo, pe a tári nyaa í, dee kéele na mii kàli níì jo mii a di kaan Abirahami, ní Izaaki, ní Zyakɔbi ma lè. Níì cán pe ga tánʔa mii kólogi ni n foro í.

Kapyegèle 7:5

Wi si da kɔ́ɔ̀ tɛɛgaa faala kaan wi ma di ni gi pye wi woʔò í, àlí gee ni syɔɔn a gbǎn nyɔ̌nni tɛ́ʔɛ lè í, wi si maa nyɔ́ɔgi fàli wi ma níì jo, woro a ba tári naa fáliga kaan wi ma ní wi yòdaʔayi ma naa wi kàdoʔo ma bi gi taa pyà da kɔ́ɔ̀ pye wi ma gbɛnʔɛnɛ í.

Wɔrɔmi ye 9:8

Gee bee n jo bele be nyɛ lè Abirahami pìíbèle céri kàbaan na, poro ban be nyɛ Kolocɔlɔɔ pìíbèle í, fwɔɔ nyɔɔfaligi pìibēle wi córo Abirahami yòdaʔayi.

Galasi ye 3:16

Kolocɔlɔɔ si maa wi nyɔɔfaliyi kaan Abirahami ní wi yòdaʔagi ma. Ki si da jo yòdaʔanɛʔɛyɛ kéele na í, kàjáa nibin kéele na ki da joo níì jo: «Ki a ba pye mɔ yodaʔagi ma,» yòdaʔagi bee gi nyɛ Kirisi.

Galasi ye 4:28

Yele si na, ni senyɛ̀nnɛ, yele i nyɛ nyɔɔfaligi jàala àmɛɛ Izaaki da pye lè.

Làlwaw Kaanziin 1:8

Ye wéle, mii n tári tɛ́ʔɛ yele yɛ́ʔɛ ma. Táree kéele na mii Yawe da kàli yele tóolɛɛbèle Abirahami ní Izaaki, ní Zyakɔbi ma lè, níì jo mii a di kaan be ma, si wɔ́ɔ di kaan be yòdaʔayi ma naa pe kàdoʔo ma lè, yaa syée ye sa di syɔɔ ye taa.›

Làlwaw Kaanziin 30:20

mí Yawe mɔ Kolocɔlɔw kéele yaʔa li mɔ dɛ́nɛ máā lúro wi ma, mí tan wi na. Níì cán woro wi nyɛ mɔ siiw, wi a mɔ cányi nɛʔɛ, koro ga pye mɔ í tɛ́ɛn tári ni, dee kéele na Yawe kàli mɔ tofɔlɛɛyi Abirahami, ní Izaaki, ní Zyakɔbi ma lè, níì jo woro a di kaan be ma.»

Làlwaw Kaanziin 34:4

A Yawe wi pye: «Tári dii dee bee, dee nyɔɔfaliga mii kpéʔele ní kàliga ní lè Abirahami, ní Izaaki, ní Zyakɔbi ma níì jo: ‹Mii a di kaan mɔ yodaʔayi ma.› Mii n gi yaʔa mɔ í di nyaa ní mɔ nyapiigèle ní, kàjáa mɔ a jée di ni í.»

Làlwaw Kaanziin 6:10

«Lǎli ni Yawe mɔ Kolocɔlɔw ga sáà mɔ lége lè tári ni, dee kéele na wi da kàli mɔ tofɔlɛɛyi Abirahami, ní Izaaki, ní Zyakɔbi ma lè níì jo woro a di kaan mɔ ma, n fàra di kèkpolocǎnyi na, yee yi lè mɔ ban wi yi faan í,

Làlwaw Kaanziin 9:5

Mɔ sínni, ní mɔ funviiw báriga ni ban mɔ a jée be tári ni bi di syɔɔ taa í, kàjáa Yawe mɔ Kolocɔlɔw a syɛɛnfeleyi bee yirige yaà yi péemi kéele na. Wi a gee bee kpéʔele koro ga pye kéelee na wi kàli mɔ tofɔlɛɛyi Abirahami, ní Izaaki, ní Zyakɔbi ma lè, wi lee bee foro.

Heburubèle 11:13

Bele bee myɛ maa baa kùu tágali ni, nyɔɔfaliyi da foro be nyɛnɛ na í, kàjáa pe maa yi nyaa léelige níì yére yi ni ní fundaanra ní, ní wɔ́ɔ̀ gi séeraw kpéʔele níì jo poro i nyɛ nibɔɔnnɔ ní kùsɛɛbéle tári na.

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Zyozuwe 1:6

Ki n yɛlɛ mi nìrimɛ le, mí lòmaana le, níì cán mɔ bárigaw ni syɛ́ɛnbèle naa a tári kɔ́rigɔ lìi, dee kéele na mii da kàli be toolɛɛbèle ma níì jo mii a di kaan be ma lè.

Zyozuwe 22:10

Lǎli ni Wurubɛn ye, ní Gadi ye, ní Manase syɛɛnfelegi tíla sáà nan lè Zyuridɛnw na, ní sèʔé i nyɛ Kanaan tári ni, a be kàdɛnɛyɛ tɛ́ʔɛ n sáriga-wòlo-yafaangbɔʔɔ faan wojanga ní, Zyuridɛnw nyɔ́ɔ na.

Zyozuwe 8:30

Lǎli bee ni a Zyozuwe sáriga-wòlo-yafanʔa faan Ebali nyanbelegi na Yawe ma, wi lè Isirayɛli ye Kolocɔlɔw,

Jàbɔbèle 6:24

A Zyedeyɔn sáriga-wòlo-yafanʔa faan Yawe ma yaà beè, níì mɛ́ʔɛ le gi na ni gi yiri: «Yawe yɛɛ̀nyingi.» Ki sèʔé i yaà níjanʔa Ofira ni ki lè Abyezɛɛri wógi.

1 Samyɛli 7:17

Koro kàdoʔo ma wi n lúru n pan Arama ma, beè wi kpáagi da pye lè, wi si i Isirayɛli ye kútiiw nyuu yaà. A wi sáriga-wòlo-yafanʔa faan Yawe ma yaà beè.