Sélimɛ 12:5 - Cebaara Bible 2010

⁵ Abirami maa wi céw Sarayi kɔ́ri n fàra wi senyɛnw jáa na wi lè Lɔti n kári. A be wɔ́ɔ̀ púlobèle myɛ kɔ́ri, bele be taa n be yaʔa Karan ni lè, n fàra be lɔ́ri myɛ na. A be yiri yaà beè ni syée Kanaan tári ma. A be i syée fwɔɔ n sáà nan Kanaan tári na.

Sélimɛ 12:5 Iomraidhean Croise

Sélimɛ 10:19

Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na.

Sélimɛ 11:27

Tera yòdaʔayi wéle yee. Tera n Abirami, ní Nahɔri, ní Haran see, á Haran Lɔti see.

Sélimɛ 11:31

A Tera wi jáaw Abirami kɔ́ri n pínɛ ní wiyɛɛ ní n fàra wi pìinyanbiigi Lɔti na wi lè Haran jáaw, ní Sarayi wi lè wi pìíw Abirami céw. A be pínɛ n yiri Uri kěgi ni ki lè Kalide ye wógi bi kári Kanaan tári ma. A be sáà nan Karan na níì tɛ́ɛn yaà beè.

Sélimɛ 13:5

Yaweeyiligēle, ní yaweekpologèlē maa wɔ́ɔ̀ pye Abirami pínɛnyɛnw Lɔti ma saʔa n fàra fànikpaaya na.

Sélimɛ 13:6

A tári bee cɛ́rɛ be ni. Pe ga pye bi gbǎn kún di ni í. Níì cán pe kɔlɔ̀ yáriri maa nɛʔɛ. Pe ga gbàn n pínɛ n tɛ́ɛn í.

Sélimɛ 14:14

Lǎli ni Abirami gi lóʔo lè pe n woro senyɛnw jáa cò n kári, nǎnbèle sirakele ní dabata ní kpɔrigɔ ní kɔrɔtaanri be pye wi wóbèle lè, bele pe da see yaà wi kpáagi ni lè, á wi be tama kapɛɛnni na, a wi be kɔ́ri n taʔa fànʔafɔbèle bee na n sáà be nɛnɛ n cò fwɔɔ Dan ma.

Sélimɛ 14:21

A Sodɔmi fànʔafɔw gi joo Abirami ma níì jo: «Syɛ́ɛnbèle kaan mii ma mí kòro ní lɔ́ri ní.»

Sélimɛ 28:10

A Zyakɔbi yiri Bɛɛri-Syeba ni ni syée Karan ma.

Sélimɛ 36:6

A Ezau wi cébèle ní wi pìíbèle kɔ́ri, be lè nǎnbèle ní cébèle, n fàra bele myɛ na be pye lè wi kpáagi ni, ní wɔ́ɔ̀ wi nǐyi ní wi yaweeree myɛ kɔ́ri n fàra lɔ́ri myɛ na wi taa Kanaan tári ni lè. A wi kári ní dee bee myɛ ní tɛ́nɛmaa nikwɔɔ ma n léeli wi senyɛnw Zyakɔbi na.

Levii ye sáriga-wòlori 22:11

Kàjáa sáriga-wòlow ga pulowaa syɔɔ wáli na, wee bee a gbǎn lìi gi na n fàra wee na wi see wi kpáagi ni lè, bele bee a ra líi wi lìíli na.

Kapyegèle 7:4

Lǎli bee ni a wi yiri Kalide ye tári ni n kári n sáà tɛ́ɛn Karan ni. Wi tóow kùulo kàdoʔo ma a Kolocɔlɔɔ náà wi tórigo naa tári naa ma, dee ni yele nyɛ lè dee tɔ́ɔliw ni.