Sélimɛ 12:3 - Cebaara Bible 2010

³ Bele pe ga ni dùba kpéʔele mɔ ma lè, mii a dùbaw taʔa bele bee na. Bele si pe ga ni mɔ dángi lè, mii a wɔ́ɔ bele bee dánga. Mɔ ni tári narigbaaya myɛ a ba dùbaw taa.»

Sélimɛ 12:3 Iomraidhean Croise

Sélimɛ 18:18

Ncan Abirahami tɔ̀nɔ́ i maa ba pye syɛɛnfelegaa tóolɛʔɛ, gee ki a nɛʔɛ lè, ki fǎngi si wɔ́ɔ kpɔ́ʔɔ. Woro ni tári syɛɛnfeleye myɛ a ba dùbaw taa.

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Sélimɛ 22:18

Mɔ yodaʔayi kéele ní tári syɛɛnfeleye myɛ a ba ra dùbaw kpéʔele yiyɛɛ ma, níì cán mɔ n lóʔo mii ma.»

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 25:11

Abirahami kùúli kàdoʔo ma, a Kolocɔlɔɔ dùbaw taʔa Izaaki na. Izaaki maa sáà kòro Lahayi-Woroyi kɔ̀lɔ́w taana.

Sélimɛ 26:29

Mɔ í gi tɛ̀ɛn ncan mɔ a tée kapeʔe kpéʔele wolo na í, bi yɛlɛ ní gi ní àmɛɛ gi nyɛ lè wolo ga wɔ́ɔ̀ tánga mɔ na í. Wolo ga kapeele faala kpéʔele mɔ na í, fwɔɔ kacàngēle. Wolo n wɔ́ɔ̀ mɔ yaʔa a mɔ kári yɛɛ̀nyinge na. Tɔ́ɔliw ni mɔ i nyɛ Yawe dùba pyà.»

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 27:29

Ki n yɛlɛ syɛɛnfeleyi í ba ra báara mɔ ma. Syɛɛnfeleyi í ba ra kpùmɔnɔ́ mɔ yɛ́ʔɛ ma. Mɔ si pye mɔ senyɛnbèle nyúngo na, ki n yɛlɛ mɔ laayirinyɛnbèle í ba ra kpùmɔnɔ́ mɔ yɛ́ʔɛ ma. Syɔ́ɔnwee wi ga ni mɔ dángi lè, ki n yɛlɛ wee bee í dánga. Wee si wi ga ni dùbaw kpéʔele mɔ ma lè, dùbaw í pye wee bee ma.»

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Sélimɛ 30:27

A Laban jo: «Mii i caa mɔ í nyɔɔ mii na si lóʔo mii ma. Mii kolocɔlɔbèle n gi tɛ̀ɛn mii na ncan Yawe n tɔ̀nɔ n dùbaw taʔa mii kɔ́lɔ yáriri na mɔ kéeli na.

Sélimɛ 30:30

Yáriri di pye mɔ ma sáni mii í pan lè, ti da nɛʔɛ í. Toro si ti baa nɛʔɛ dee. Nlaa mii baa nyɔ̌nnɔ cáan mɔ tɛ́ɛgi ni lè, a Yawe tɔ̀nɔ n dùbaw taʔa mɔ na. Tɔ́ɔliw ni doò, làlìí ni mii a kɔ́ mii tiimaa kpáagi fáli kpéʔele?»

Sélimɛ 39:5

Nlaa Ezyipiti ye nǎnw Potifari tɛ́nɛ̀ wi télege lè woro kpáagi kèlē ní woro kɔ́lɔ yáriri myɛ nyúngo na, a Yawe dùbaw taʔa wi kpáagi na Zyozɛfu kéeli na. A Yawe dùbaw pye wi kɔlɔ̀ yáriri myɛ na, gee bee n jo kpáagi wóro ní séyi wóro.

Ŋúnuyi 72:17

Wi mɛ́ɛgi a kòro yaà làla o làla, wi mɛ́ɛgi a mɔn beè àmɛɛ cángi nyɛ lè. Woro bárigaw ni tári syɛ̀ɛnnɛ a ba ra dùbaw kpéʔele peyɛɛ ma, syɛɛnfeleyi a ba ra wi yiri dùba pyà.

Yirile 23:22

Mɔ si ga ni lúro wi ma, ní i gi kpéʔele gee myɛ mii joo mɔ ma lè, lǎli bee ni mii a pye mɔ nigoobèle nígoo, si wɔ́ɔ pye mɔ kasiitun-nyɛ́nbèle kàsiitun-nyɛ́nnɛ.

Córolo 24:9

Wi i simana, wi i sìnɛ́ àmɛɛ càarabɔlɔ nyɛ lè, ní àmɛɛ càarajaa nyɛ lè, wìí wi a gbǎn wi yìrige? Syɔ́ɔnwee wi dùba kpéʔele mɔ ma lè, ki n yɛlɛ wee bee í pye dùba pyà. Wee si wi mɔ dángi lè, ki n yɛlɛ wee bee í dánga.»

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Matye 25:45

Lǎli bee ni wi a be yari: ‹Mii a gi joo yele ma kányɛʔɛ ni, àmɛɛ gi nyɛ lè, yele ga gi kpéʔele bele naa wàa wobile ma í, ye gi cán yele ga wɔ́ɔ̀ gi kpéʔele mii ma í.›

Luki 24:27

Syɛ́ɛnree myɛ ti da sɛ́bɛ lè Kolocɔlɔɔ syɛɛnsɛbɛri ni wi kéeli na, a wi séli Mowizi wóri na ní kanyaajoobèle wóro myɛ ní n toro myɛw kɔ́rɔ tɛ̀ɛn be na.

Wɔrɔmi ye 4:11

Koro kàdoʔo ma a wi náà kɛ́nɛw kpéʔele, a kɛ́nɛw bee pye fɛ̀ɛ bi gi tɛ̀ɛn ncan wi maa sínni taa tágali báriga ni n wi yaʔa sìngɛnɛ ni. Amɛɛ gi pye lè nya, koro na bele be tági lè ní si i nyɛ sìngɛnɛ ni, Abirahami i nyɛ bele bee myɛ tóo, jàngó sínni í wɔ́ɔ córo bele bee ma.

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

Galasi ye 3:16

Kolocɔlɔɔ si maa wi nyɔɔfaliyi kaan Abirahami ní wi yòdaʔagi ma. Ki si da jo yòdaʔanɛʔɛyɛ kéele na í, kàjáa nibin kéele na ki da joo níì jo: «Ki a ba pye mɔ yodaʔagi ma,» yòdaʔagi bee gi nyɛ Kirisi.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Galasi ye 3:8

Kolocɔlɔɔ maa téè gi tɛ̀ɛn wi Syɛɛnsɛ́bɛri ni àmɛɛ woro a ba sínni kaan syɛɛnfeleyi ma lè tágali báriga ni, gee bee na wi da Syɛɛnjóocǎnri naa joo Abirahami ma sáni gi ba kpéʔele lè níì jo: «Mɔ ni syɛɛnfeleyi myɛ a ba dùbaw taa.»

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

Kɔlɔsi ye 3:11

Koro na láʔala o nyɛ Girɛkibèle ní Zyefubèle nínge ni í, láʔala o wɔ́ɔ̄ nyɛ kɛ́nɛkpeʔelebèle ní sìngɛnɛbèle nínge ni í, wàlá Girɛkinaa-sìnjánbèle, ní Sitii ye, ní púlobèle, ní wɔ́rɔbèle nínge ni í. Kirisi wi nyɛ pe myɛ nyúngo na, ní wɔ́ɔ i nyɛ pe myɛ ni.

Tɛ̀ɛnnɛ 7:9

Koro kàdoʔo ma a mii wéle n syɛɛnnɛʔɛmɛ nyaa, bee bi nyɛ lè syɔɔn faala a gbǎn bi córo í, pi maa yiri syɛɛnfeleyi myɛ ni, ní syɛɛnfeleyi yòdaʔaya myɛ ni, ní dulunyanw syɛ̀ɛnnɛ myɛ ni, ní syɛɛnfeleri joofɔɔlɔ myɛ ni. Pi myɛ si i nyɛ woyéremɛ ní fàngoli ní Bàpili yɛ́ʔɛ ma ní buroviiye ní, sɛ́ʔɛwara si i nyɛ bi kɔ́yi ni.