Sélimɛ 12:2 - Cebaara Bible 2010

² Mii a mɔ kpéʔele syɛɛnfele-nɛʔɛgɛ, si dùba taʔa mɔ na, si wɔ́ɔ mɔ mɛ́ɛgi kpɔ́ʔɔ. Mɔ ni syɛɛnsanbèle a ra dùbaw taagi.

Sélimɛ 12:2 Iomraidhean Croise

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 15:5

A wi Abirami kɔ́ri n yiri kàfugi na, ní baa wi pye: «Ki n yɛlɛ mi nyɛ̀ʔɛni sámaga mi wéle mí ŋɔripiigèle córo kapye mɔ fánʔa i nyɛ ge na bi gbǎn ge córo. A wi níì wi pye: Kánmi bee na si mɔ piibèle a ba nɛʔɛ.»

Sélimɛ 17:20

Gee si mɔ joo Isimayɛli kéeli na lè, mii n gi lóʔo. Mii a dùbaw taʔa wi na. Mii a wi yaʔa wi tɔ̀nɔ́ see saʔa bi wi kpéʔele syɛɛnnɛʔɛmɛ. Wi a fànʔafɔbiigéle kɛɛ ní siin see. Mii a wi kpéʔele syɛɛnfelege, gee ki a tɔ̀nɔ́ nɛʔɛ lè.

Sélimɛ 18:18

Ncan Abirahami tɔ̀nɔ́ i maa ba pye syɛɛnfelegaa tóolɛʔɛ, gee ki a nɛʔɛ lè, ki fǎngi si wɔ́ɔ kpɔ́ʔɔ. Woro ni tári syɛɛnfeleye myɛ a ba dùbaw taa.

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Sélimɛ 19:29

Lǎli ni si Kolocɔlɔɔ tɛɛfiigi kèye kálagi lè, beè Lɔti da pye lè wodɛ́ɛɔn ní, wi maa sɔ̀ngi Abirahami kéeli na níì Lɔti yirige yaà kálagili nínge ni.

Sélimɛ 24:1

Abirahami maa tɔ̀nɔ n baa lɛɛ gbanʔama. Yawe si maa wɔ́ɔ̀ dùbaw taʔa wi na kérigèle myɛ ni.

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 25:11

Abirahami kùúli kàdoʔo ma, a Kolocɔlɔɔ dùbaw taʔa Izaaki na. Izaaki maa sáà kòro Lahayi-Woroyi kɔ̀lɔ́w taana.

Sélimɛ 26:3

Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 27:29

Ki n yɛlɛ syɛɛnfeleyi í ba ra báara mɔ ma. Syɛɛnfeleyi í ba ra kpùmɔnɔ́ mɔ yɛ́ʔɛ ma. Mɔ si pye mɔ senyɛnbèle nyúngo na, ki n yɛlɛ mɔ laayirinyɛnbèle í ba ra kpùmɔnɔ́ mɔ yɛ́ʔɛ ma. Syɔ́ɔnwee wi ga ni mɔ dángi lè, ki n yɛlɛ wee bee í dánga. Wee si wi ga ni dùbaw kpéʔele mɔ ma lè, dùbaw í pye wee bee ma.»

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

2 Samyɛli 7:9

Mii n pye ní mɔ ní tɛ́ɛyi myɛ ni mɔ kári lè. Mii n mɔ nígoobèle myɛ kwɔ́ɔ n yirige yaà mɔ yɛ́ʔɛ ma. Mii a mɔ mɛ́ɛgi kpɔ́ʔɔ àmɛɛ tári syɛɛnkpolobéle mɛ́ɛyɛ nyɛ lè.

1 Fànʔafɔbèle 1:47

A fànʔafɔw falipyebèlē pan n baa dùba kpéʔele wolo kàfɔw Davidi ma wi lè fànʔafɔw níì jo: ‹Ki n yɛlɛ mɔ Kolocɔlɔw í ba Salomɔn mɛ́ɛgi kpɔ́ʔɔ bi sɔ̀lɔ mɔ mɛ́ɛgi na, si wi fàngoli báriga bi sɔ̀lɔ mɔ wóli na.› A fànʔafɔw tìgi n too n cíbele wi yasinɛgi na

Zyɔbi 35:8

Mɔ syɛɛnnyɛnnɛ na mɔ péemi nangi, syɔɔn na mɔ sínni kanyɔɔnɔ nyɛ.

Ŋúnuyi 107:38

Wi n dùba kpéʔele be ma, a be i nɛʔɛgi gbanʔama, wi a be yaweeri yaʔa di cɛ́rɛ í.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Yirile 32:10

Tɔ́ɔliw ni mii yaʔa sáan, mii fundanʔari a cò naà be kánmi na, mii a pe myɛ kálagi yirige yaà péw, si mɔ kpéʔele syɛɛnfele-nɛʔɛgɛ.»

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Ezekyɛli 34:26

Tɛ́ɛyi yi mii dǎndamagi màʔa lè, mii a dùba taʔa pe ní yoro na. Mii a ra zěyi kaangi yi lǎli ni, yi a pye dùba zěye.

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Zakarii 8:13

Zyuda kpáagi wòolo, ní Isirayɛli kpáagi wòolo, kánmee na yele da dánga lè syɛɛnfeleyi nínge ni, kánmi bee na mii a yele syɔɔ, yele si dùba taa. Yele a kɔ́ ra fɛ̀ɛgí í, ki n yɛlɛ fànʔa í jée yele kɔ́yi ni!»

Córolo 14:12

Mii a káfalagi yáama tɛ́ʔɛ bi be kpúmɔn. Mii a be láʔa yaà, si mɔ kpéʔele syɛɛnfelegaa, gee ki a nɛʔɛ bi sɔ̀lɔ be na lè, ki fǎngi si wɔ́ɔ kpɔ́ʔɔ bi sɔ̀lɔ be wógi na.»

Córolo 22:12

A Kolocɔlɔɔ Balaami yari : «Mɔ a kɔ́ kári ní be ní í. Mɔ a kɔ́ syɛ́ɛnbèle bee dánga í, níì cán pe i nyɛ dùba pìibēle.»

Córolo 23:20

Wéle, ki n joo n gbàn mii ma níì jo mii í da dùba kpéʔele. Kolocɔlɔɔ n dùbaw taʔa, mii si a gbǎn wi fàli í.

Wɔrɔmi ye 4:11

Koro kàdoʔo ma a wi náà kɛ́nɛw kpéʔele, a kɛ́nɛw bee pye fɛ̀ɛ bi gi tɛ̀ɛn ncan wi maa sínni taa tágali báriga ni n wi yaʔa sìngɛnɛ ni. Amɛɛ gi pye lè nya, koro na bele be tági lè ní si i nyɛ sìngɛnɛ ni, Abirahami i nyɛ bele bee myɛ tóo, jàngó sínni í wɔ́ɔ córo bele bee ma.

Galasi ye 3:14

A Kirisi fɔ̀lɔ dángaw bee na koro ga pye dùbawee Kolocɔlɔɔ da kpéʔele lè Abirahami ma, syɛɛnfeleyi í wee bee taa woro Zyezu Kirisi ni, jàngó wolo í Pìicǎnni taa tágali báriga ni, lee nyɔ́ɔ Kolocɔlɔɔ da fàli lè.

Galasi ye 3:7

Koro na gi yɛlɛ ye gi cán bi cán bele be nyɛ lè tágafɔbèle, bele bee i nyɛ Abirahami jàala.

Làlwaw Kaanziin 26:5

Mɔ a syɛ́ɛnri naa joo Yawe mɔ Kolocɔlɔw yɛ́ʔɛ ma si jo: ‹Mii tóolɛɛgi maa pye Arami ye ninyaariga. Wi n tìgi n kári Ezyipiti ma n sáà tɛ́ɛn yaà, wi syɛ́ɛnbèle si i nyɛ cɛɛri, a wi syɛ́ɛnbèle baa pye yaà beè syɛɛnfelegaa, gee gi nɛʔɛ lè á gi séew ní gi fǎngi wɔ́ɔ̀ kpɔ́ʔɔ.