Sélimɛ 12:13 - Cebaara Bible 2010

¹³ Koro na ki n yɛlɛ mi be pye mɔ i nyɛ mii senyɛnnɛ, koro ga pye pe mii sámaga be cò mɔ kéeli na, mii si wɔ́ɔ kòro sìi na mɔ bárigaw ni.»

Sélimɛ 12:13 Iomraidhean Croise

Sélimɛ 11:29

A Abirami ní Nahɔri càbala pɔri. Pe maa ni Abirami céw yiri Sarayi, ní i Nahɔri wów yiri Milika. Milika maa pye Haran pyà, Haran wi da wɔ́ɔ̀ Yisika see.

Sélimɛ 12:14

Lǎli ni Abirami sáà nan Ezyipiti na lè, a Ezyipiti syɛ́ɛnbèle gi nyaa wi céw n tɔ̀nɔ n nyɔɔ.

Sélimɛ 20:2

Abirahami maa ni gi nyuu wi céw Sara kéeli na níì jo: «Wi i nyɛ mii senyɛnnɛ.» A Gerari fànʔafɔw Abimelɛki fala n tun a be sáà Sara láa n pan.

Sélimɛ 20:5

Nǎnw bee tiimaa wi gi joo mii ma níì jo woro senyɛnnɛ wii. A céw wɔ́ɔ̀ gi joo mii ma níì jo woro senyɛnnɛ wii. Mii fúngi n tɔ̀nɔ n fílige, a mii kɔ́yi wɔ́ɔ i nyɛ fɔɔnrɔ fun kéeli naa pyele na.»

Sélimɛ 26:7

A tɛ́ɛgi bee syɛ̀ɛnnɛ i wi yíbe wi céw kéele na. A wi i gi nyuu be ma níì jo: «Mii senyɛnnɛ̀ wii.» Wi maa ni fɛ̀ɛgí bi jo woro cɔ́ɔ wii, jàngó tɛ́ɛgi bee syɛ̀ɛnnɛ a kɔ́ woro kpóo í. Níì cán Erebeka maa tɔ̀nɔ n nyɔɔ.

Ezayi 57:11

Wìí na mɔ da ni fɛ̀ɛgí, wìí yɛ́ʔɛ fyáara ti da pye mɔ na, a koro mɔ kaan a mɔ mii jànvaa, mɔ ga níì sɔ̀ngi n taa í, mii kéeli ga níì pye mɔ fúngi ni í? Mɔ ga gi cán ncan a mii da pyèri wii nlaa yaà làridɔɔnnɔ ni ì? A koro gi kaan mɔ ga fyáa mii na í.

Zyeremii 38:17

Lǎli bee ni a Zyeremii Sedesyasi pye: «Yawe wi lè Nyɛ̀ʔɛni Sùlasiibéle Kafɔlɔ, wi lè Kolocɔlɔɔ, Isirayɛli Kolocɔlɔw, woro wi syɛ́ɛnri naa joo níì jo: ‹Mɔ ga yiri n sáà miyɛɛ gaan Babilɔni fànʔafɔw syɛɛnkpolobéle ma, mɔ a mɔ siiw syɔɔ. Náagi si a kěgi naa sórigo í, mɔ ní mɔ kpáagi wòolo a kòro sìi na.

Zyeremii 38:20

A Zyeremii wi yari: «Pe a mɔ le be kɔ́yi ni í. Ki n yɛlɛ mi Yawe jóomi lóʔo bi yɛlɛ ní gee ní mii nyuu mɔ ma lè, koro ki a pɔ́rɔ mɔ ma, mɔ siiw si syɔɔ.

Ezekyɛli 18:4

Wéle, pìígèle myɛ i nyɛ mii wòʔolo. Tofɔw pìle ní jaafɔw pìle i nyɛ mii woʔolo, ke myɛ i nyɛ mii wòʔolo. Wee wi ga kapeeli pye lè, woro wi a kùu.

Zyan 8:44

Màdebèle kàfɔlɔ wi nyɛ yele tóow, gee bee na yele sɔ̀ngí bàā yele tóow nyɛ́nɛ kèlē kpéʔele. Nlaa gi sélimi na woro wi syɛ́ɛnbèle kúu, wi o téē yèré kányɛʔɛ ni í, níì cán wi o nyɛ kányɛʔɛfɔlɔ í. Wi ga ni jà finɛ lǎlee ni lè, wi n ni wi tiimaa fúngi syɛ́ɛnrɛ nyuu. Wi i nyɛ jànvaafɔlɔ, ní wɔ́ɔ i nyɛ jànvaaw sélimafɔlɔ.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Kɔlɔsi ye 3:6

Koro gi Kolocɔlɔɔ fundanʔari yaari a ti i tuun [wi syɛ́ɛnri céefɔɔlɔ na].