Sélimɛ 12:1 - Cebaara Bible 2010

¹ A Yawe gi joo Abirami ma níì wi pye: «Ki n yɛlɛ mi yiri mɔ tári, ní mɔ kegi, ní mɔ tóow kpaʔa ni. Táree mii a tɛ̀ɛn mɔ na lè, maa syée dee bee ma.

Sélimɛ 12:1 Iomraidhean Croise

Sélimɛ 15:7

A wi níì wi pye: «Mii wi nyɛ Yawe, mii wee wi mɔ yirige lè Uri kěgi ni ki lè Kalide ye wógi, bi ba tári naa kaan mɔ ma di pye mɔ wóro.»

Sélimɛ 20:13

Koro na lǎli ni Kolocɔlɔɔ mii yirige mii tóow kpaʔa ni n mii kpéʔele nyaarifɔlɔ lè, a mii gi joo mii céw ma níì wi pye: ‹Wo ga nan tɛʔɛ o tɛʔɛ na, ki n yɛlɛ mi nyɔɔ mii na mí be pye mii i nyɛ mɔ senyɛnnɛ.› »

Sélimɛ 24:38

Wi n mii pye: ‹Fwɔɔ mɔ í kári mii kpáagi wòolo ma, mii túlugi wòolo ma bi sa cɔlɔɔ láa yaà beè bi ba kaan mii jáaw ma.›

Sélimɛ 24:4

Kàjáa mɔ a kári mii tári ma bi sa cɔlɔɔ caa mii tóow kpaʔa wòolo ni bi ba kaan mii jáaw Izaaki ma.»

Sélimɛ 24:7

Yawe wi lè nyɛ̀ʔɛni Kolocɔlɔɔ, woro wee wi mii cò n yirige mii tóow kpaʔa ni lè, ní mii táseeri ni, ní wɔ́ɔ̀ joo ní mii ní níì kàli níì jo woro a tári naa kaan mii yòdaʔayi ma lè, woro tiimaa wi a wi nyɛ̀ʔɛni tunduɔn tórigo mɔ yɛ́ʔɛ ma jàngó mɔ í sa cɔlɔɔ láa yaà beè bi ba kaan mii jáaw ma.

Sélimɛ 26:2

A Yawe wiyɛɛ dɛ̀ɛn wi na níì wi pye: «Mɔ a kɔ́ kári Ezyipiti ma í. Táree mii ga tɛ̀ɛn mɔ na lè, ki n yɛlɛ mi tɛ́ɛn dee bee ni.

Nehemii 9:7

Mɔ wi nyɛ Yawe, wi lè Kolocɔlɔɔ, mɔ wi Abirami nyɛ́nɛ n wòlo, níì wi yirige Uri ni, ki lè Kalide ye wógi, níì wi mɛ́ɛgi le Abirahami.

Ezayi 37:12

Syɛɛnfeleyee mii toolɛɛbèle kálagi lè a yi kolocɔlɔbèle gbàn lé n yi syɔɔ yi lè Gozan ye, ní Haran ye, ní Eresɛfi ye n fàra Edɛn yòdaʔayi wòolo na be pye lè Telasaari ni?

Ezayi 41:9

mɔ wee mii cò n yirige yaà lè tári tɛɛ̀laʔala ma, mɔ wee mii yeri yaà lè ti láʔagèle ma, níì gi joo mɔ ma níì jo: ‹Mɔ i nyɛ mii falipyeo, mii n mɔ nyɛ́nɛ n wòlo, mii ga mɔ wáa n yaʔa í.

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Ezekyɛli 33:24

«Syɔɔn-pya, bele be tɛ́ɛn gurubɛɛri bee ni lè Isirayɛli tásaligi na, pe i gi nyuu níì jo: ‹Abirahami maa pye wi nibin, ní baa tári fáliga taa, wolo bele si wo nɛʔɛ lè tári n kaan wolo ma di pye wolo wóro.›

Córolo 10:30

A Hobabi wi yari: «Mii a kári í, fwɔɔ mii tári, ní mii kpaʔa wóbèle má mii a lúru kári.»

2 Korɛnti ye 6:17

Gee bee na Kàfɔw jo: «Ye yiri be níngi ni, yé láʔa be na. Ye a kɔ́ tánga yanɔnʔɔgɔ na í, koro ga pye mii a fɔ̀lɔ yele na,

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Tɛ̀ɛnnɛ 18:4

A mii níì yákpolaa nikwɔɔ lóʔo nyɛ̀ʔɛni ni, a li jo: «Mii wóbèle, ye yiri gi ni, koro ga pye yele a kɔ́ pínɛ ní gi ní ki kapeegèle na í, wɔʔɔli si kɔ́ ba too yele na ní gi ní í.