Sélimɛ 11:8 - Cebaara Bible 2010

⁸ Tɛ́ɛgi bee ni Yawe be cariga n tórigo léelige tári myɛ yɛ́ʔɛ kurugo, a be láʔa kěgi faanna na.

Sélimɛ 11:8 Iomraidhean Croise

Sélimɛ 10:25

A Hebɛɛri nànbiigéle siin see, pe maa ni wozeliw yiri Pelegi, níì cán woro lǎli ni tári tíla, ní i wi senyɛnw yiri Yokitan.

Sélimɛ 10:32

Yee bee si yi pye Nowe jáabèle túluyo woolo n yɛlɛ ní be yòdaʔayi, ní be syɛɛnfeleyi ní. Poro ni syɛɛnfeleyi yiri n cariga n màʔa lònɛʔɛgi sɔ̀lɔlɔ kàdoʔo ma.

Sélimɛ 10:5

Poro ni syɛ̀ɛnnɛ yiri n tɛ́ɛn syɛɛnfeleyi lòyo nínge tátɛɛgéle ni, be tátɛɛyi ni n yɛlɛ ní be syɛɛnfeleri, ní be túluyi, ní be syɛɛnfeleyi ni.

Sélimɛ 11:4

Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Sélimɛ 11:9

Koro na be gi yiri Babɛli. Níì cán beè Yawe tári syɛ̀ɛnnɛ myɛ syɛ́ɛnrɛ nyáʔami. Nɛɛ bee Yawe be cariga n tórigo tári tɛ́ɛyɛ myɛ yɛ́ʔɛ kurugo.

Sélimɛ 49:7

Pe fundanʔari n yɛlɛ ti dánga àmɛɛ di pee lè, pe fundanʔagbɔɔri í dánga àmɛɛ di gbàn lè. Mii a be wàli bi láʔa peyɛɛ na Zyakɔbi ni. Mii a be cariga bi màʔa Isirayɛli ni.

Ŋúnuyi 33:10

Yawe i tári syɛɛnfeleye kakɔrirɔgēle kálagi, wi i syɛɛnfeleyi katimanagéle kàragí gbanzan kèlē.

Ŋúnuyi 92:9

Kàjáa, Yawe, mɔ i nyɛ ǹjoʔo ma làla o làla bàngwɔɔ!

Luki 1:51

Wi kɔ́gi kapyegèlē i wi séekpɔɔw tèé. Bele be peyɛɛ gbɔ́ʔɔgi lè ní be fúnyi sɔ̀ngurɔ ní, wi n be cariga.

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.