Sélimɛ 11:6 - Cebaara Bible 2010

⁶ A Yawe gi joo níì jo: «Wéle, àmɛɛ pe myɛ nyɛ lè syɛɛnfelege nibin, pe myɛ si i syɛɛnfele-níjanra nyuu, gee be séli ni kpéʔele lè gee, ki ga foro pe wógi na, yafyɛn a ní ba be láʔa pe nyɛnɛ kéelaa na í.

Sélimɛ 11:6 Iomraidhean Croise

Sélimɛ 11:1

Tári syɛ̀ɛnnɛ myɛ si maa ni syɛɛnfele-níjanra, ní syɛɛnkan-níjanya nyuu.

Sélimɛ 3:22

A Yawe Kolocɔlɔɔ jo: «Wéle, tɔ́ɔliw ni syɔɔn n kàri n pye àmɛɛ wolo wàa nyɛ lè n kacǎngèle ní kapeegèle cán. Ki si n yɛlɛ wo wi yérige wi a kɔ́ wi kɔ́gi sánʔa bi wɔ́ɔ sìíw tíige yasangaa cɔɔ bi lìi si kòro beè sìi na làla o làla í.»

Sélimɛ 6:5

A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Sélimɛ 9:19

Bele bee taanri be pye Nowe jáabèle, poro ni syɛ́ɛnbèle yiri n níì pye tári myɛ na.

1 Fànʔafɔbèle 18:27

Lǎli ni cángi tɛ́ɛn nyùngo ni lè, a Elii i wiyɛɛ nyɛ́nɛ be na níì jo: «Yaa yákpogèle wáa gbanʔama, níì cán kolocɔlɔwaa wii, yarigaa na wi a bye da sɔ̀ngí yaà, wàlá keelaa na wi nyɛ yaà, wàlá kùlo ni wi kári, koro ga jáa a wi ŋúnɔ wii, wi si a yìri.»

Syɛɛnjóow 11:9

Nìgɔcariɔ, da muguri mɔ cárimi làla ni, ki n yɛlɛ maa fundaanra kpéʔele mɔ cárimi canya ni, kóloyee mɔ fúngi tèé mɔ na lè, da yi táanri maa yɛlɛgi ní mɔ nyapiigèle kanyaagéle ní. Kàjáa ki n yɛlɛ mi gi cán Kolocɔlɔɔ a ba mɔ yérige kútiijoo-tɛ́ɛgi ni gee bee myɛ kéele na.

Amɔsi 4:7

«Mii wi cée yele ma zěgi na lǎli ni gi kòro lè yeye taanri yaliiri làrilaala si náa nan. Mii n zěgi kaan kègaa wòolo ma níì kègaa wòolo yaʔa. Segaa n zěgi taa, á kàa fɔ̀n zěgi ni a koro yaliiri waʔa.

Luki 1:51

Wi kɔ́gi kapyegèlē i wi séekpɔɔw tèé. Bele be peyɛɛ gbɔ́ʔɔgi lè ní be fúnyi sɔ̀ngurɔ ní, wi n be cariga.

Kapyegèle 17:26

Wi n syɛɛnfeleyi myɛ yirige nàɔn nibin ni, níì be télege télege tári tɛ́ɛyɛ myɛ ni, níì gi kɔ̀rirɔ n be làrigèle ní be tɛɛ̀tɛ́nɛyi láʔagéle wòlo,

Jàbɔbèle 10:14

Kolocɔlɔbèle yele nyɛ́nɛ n wòlo lè, yaa syée ye sa ra yákpogèle wáa poro kurugo. Pe n yɛlɛ bi yele syɔɔ yele wɔʔɔgi làla ni.»