Sélimɛ 11:4 - Cebaara Bible 2010

⁴ Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Sélimɛ 11:4 Iomraidhean Croise

Sélimɛ 6:4

Lǎli ni Kolocɔlɔɔ pìíbèle ba ni sìnɛ́ ní syɛ́ɛnbèle cálipiigéle ní ni pìíbèle sii be na lè, lǎli bee ni a nàndɔnɔ-tèleye pye tári na, àlí lǎli bee kàdoʔo ma, a pìíbèle bee pye booma nanniriyi yi pye lè ní fànʔa ní. A yi mɛ́ɛyi wɔ́ɔ̀ yiri gbanʔama.

2 Samyɛli 8:13

A Davidi tɔ̀nɔ n mɛ́ʔɛ taa, wi yìri lè Edɔmi ye tɛɛ̀jáagi ni, poro bele ni wi kpóo lè selebingéle kpanjɛrɛ Sólomi Jǐnlɔgɔ ni.

Ŋúnuyi 107:26

Pe maa ni lúru ni syée nyɛ̀ʔɛni ma, ní i tíri weecurugi fúngo ni. Pe zɔ̌nbèle maa nyan be ni, wɔʔɔgi báriga ni.

Ŋúnuyi 92:9

Kàjáa, Yawe, mɔ i nyɛ ǹjoʔo ma làla o làla bàngwɔɔ!

Kàseegèle 10:7

Syɔɔn i sɔ̀ngí ni taagi syɛɛnsiɔn na ni i dùba kpéʔele, kàjáa syɛɛnpeebèle mɛ́ɛyɛ i tuun ni fɔ́ɔnri.

Zyeremii 51:53

Alí Babilɔni ga lúgu fwɔɔ n sáà nan nyɛ̀ʔɛni na, àlí wi ga wi kpaataʔa-tɔ́nɔyi pye fwɔɔ wàa a gbǎn jée yi ni í, mii a kálagifɔɔlɔ tórigo wi kurugo,» Yawe wi jo nya.

Danyɛli 4:11

A wi yákpoli wáa ní fànʔa ní ni gi nyuu níì jo: ‹Ye tíigi kpúmɔn, ye gi káganyi cɛnɛ. Yé wári láʔa, yé gi yasanri cariga. Ki n yɛlɛ sìnbirigi yaweere í fàn bi yiri ki nyínmi ni, féjɛɛnri si yìri ki káganyi na.

Danyɛli 4:22

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.

Danyɛli 4:27

A fànʔafɔw jo: «Babilɔni wogbɔɔw mii faan lè n pye fǎngi tɛɛ̀tɛ́ɛnnɛ, mii séew fànʔa báriga ni, ní mii nìjanri kpɔ́ʔɔrɔ kéele na, koro ban gee naa ì?»

Danyɛli 4:30

Lǎli bee wonijanna ni a syɛ́ɛnri foro Nebukadinezari na. A pe wi nɛnɛ n yirige syɛ́ɛnbèle nínge ni, a wi i nyàági káa àmɛɛ nǐyi nyɛ lè, a nyɛ̀ʔɛni kásaga i ŋuu wi céri na. A wi ǹjoori baa tɔnɔ n pye àmɛɛ nyɔ́ɔbèle síire nyɛ lè, a wi kajinri pye àmɛɛ féjɛɛnri wóro nyɛ lè.

Luki 1:51

Wi kɔ́gi kapyegèlē i wi séekpɔɔw tèé. Bele be peyɛɛ gbɔ́ʔɔgi lè ní be fúnyi sɔ̀ngurɔ ní, wi n be cariga.

Zyan 5:44

Yele bele ye fɔ̀lɔ lè yeyɛɛ kpɔ́ɔmi na, bi gi taa wee nibin wi nyɛ lè Kolocɔlɔɔ, kpɔ́ɔmee wi kaangi lè, yele o bee bee caa í, mɛ̀ɛ́ yele a gbǎn tága bi sɛ́ɛ?

Làlwaw Kaanziin 1:28

Sán wolo a lúgu? Wolo senyɛnbèle n baa wolo bárigaw kwɔ́ɔ àmɛɛ pe baa gi joo lè níì jo: Syɛ́ɛnbèle bee n kpólo n sɔ̀lɔ wolo na, n wɔ́ɔ̀ tɔnɔ n sɔ̀lɔ wolo na, a be kěyi wɔ́ɔ̀ kpólo, á yi tǒbèle tɔnɔ fwɔɔ n sáà nan nyɛ̀ʔɛni na. Alí wolo n caà Anaki yòdaʔayi nyaa yaà.›

Làlwaw Kaanziin 4:27

Yawe a yele cariga bi lége syɛɛnfeleyi nínge ni. Syɛɛnfeleyee nínge ni Yawe a yele kɔ́ri lége lè, yele a ní kòro saʔa yi níngi ni í.

Làlwaw Kaanziin 9:1

«Ki n yɛlɛ mi lóʔo Isirayɛli. Mɔ wi a Zyuridɛnw jeli wee níjanʔa, syɛɛnfeleyee yi nɛʔɛ lè á yi séew wɔ́ɔ̀ nɛʔɛ n sɔ̀lɔ mɔ wów na, mɔ a yee bee tára syɔɔ yi ma bi taa, si wɔ́ɔ kèkpoloyi taa, yee tòbēle be tɔnɔ fwɔɔ n sáà nan nyɛ̀ʔɛni na lè.