Sélimɛ 11:3 - Cebaara Bible 2010

³ A be gi joo peyɛɛ ma níì jo: «Ye kàwáa wo còfáa kpúmɔn wó wi sórigo náagi ni!» A còfáaw pye be ma kàdɛnɛyi sìndɛʔɛ ni, a be i faanri. A tári kùro pye be ma póori.

Sélimɛ 11:3 Iomraidhean Croise

Sélimɛ 11:4

Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Sélimɛ 11:7

Yaa maa wo tìgi wo sa be syɛ́ɛnri nyáʔami yaà beè, koro ga pye pe a ní kɔ́ ra peyɛɛ syɛ́ɛnri lúro í.»

Sélimɛ 14:10

Kùro wéeye si maa pye Sidiimi jǐnlɔgi myɛ ni. A Sodɔmi ní Gomɔri fànʔafɔbèle fàn n sáà too yi ni. Bele be kòro woweebèlē ní lè, a poro fàn n lúgu nyanbelegi na.

2 Samyɛli 12:31

Syɛ́ɛnbèle si be pye gi ni lè a wi poro cáan tiicɛnɛri fáli na ní síibèle ní, níì pèle cáan kàdɛnɛdanri fáli na, ní kpanayi fáli, ní jùfaaw fáli na. A wi koro wonijangi kpéʔele Amɔn ye kěyi myɛ na. Koro kàdoʔo ma a Davidi lúru n kári Zyerusalɛmi ma ní syɛ́ɛnbèle myɛ ní.

Ŋúnuyi 64:5

bi tɛɛlɛ fun syɔɔnw wáa cáan làrama ni. Pe i wi foo ni wábagi fyáara fun.

Yirile 1:14

Pe maa tɔ̀nɔ n be yɛ́ɛyi wáriga ní faligbanw ní, wi lè póori fáli, ní jùfaakpumɔnri, ní séyi fáli féleye myɛ. Gee bee n jo pe maa tɔ̀nɔ n pɔrɔtɔɔri fáli gbàn be na n baa sɔ̀lɔ.

Yirile 2:3

Koro kàdoʔo ma àmɛɛ ki baa pye lè wi a ní gbǎn wi làriga í, a wi gbòolo láa, lee be tìin ní lònyɔɔ nyàā ní lè níì tári kùraa tɛ́ʔɛ n li pɔ̀li, níì li màra ní tiige kuro ní, níì pìíw le li ni ní sáà li tɛ́ʔɛ Niili cábigi nyɔ́ɔ na nyɛ́nɛri nínge ni.

Kàseegèle 1:11

Pe ga jo: «Da maa ní wolo ní wo ba làra waa sige, wo sìsyaan wo, wó karinyanya le tɛɛlɛ fun syɔ́ɔnw na nyùngo fun ni,

Syɛɛnjóow 2:1

Mii n gi joo mii fúngi ni níì jo: «Wo kári! Mii a sa fundaanri tɛʔɛ bi mɔ sɛʔɛ wéle, laala mi wéle kataanni na.» Ki wéle, koro myɛ wɔ́ɔ i nyɛ gbanzan.

Ezayi 5:5

Koro na, gee mii a kpéʔele mii ɛrɛzɛn ségi na lè, mii a gi tɛ̀ɛn yele na tɔ́ɔliw ni. Mii a gi jásaaw láʔa gi na, yaweeri si gi káa. Mii a gi kàkɔlɔgi wálagi cáan, jàngó pe gi tánʔana ní tɔ́lɔyi ní.

Ezayi 65:3

syɛɛnfelegaa ma, gee gi mii fúngi taanri lè sìnlaʔa ni mii nyɛ́nɛ na, ní i sárigaw wóo nángwɔɔbèle ni, ní i nùndaanni yáriga sórogi jùfaaw na.

Ezayi 9:10

Yawe a fànʔa kaan Eresɛn kàsiitun-nyɛ́nbèle ma pe be jáa, wi a kapɛɛnkpumɔn-yárira le pe nigoobèle na,

Nahumi 3:14

Lɔ̀ʔɔ kóo mi syɔ́ɔgɔ àmɛɛ pe a ba tɛ́ɛn mɔ taana kapɛɛnni kánma na lè! Mɔ tɛɛniriyi báara! Jée fárigi ni, póori tánʔana! Jùfaaw tɛɛkpariga sámaga cama!

Heburubèle 10:24

Ki n yɛlɛ wolo í da woyɛɛ kɔ̀rɔsíi, sáā woyɛɛ kɛɛlɛ, koro ga pye wolo í da tàmaga nii ní syɛ́ɛnbèle ní, sáā kacàngēle kpéʔele.

Heburubèle 3:13

Kàjáa ki n yɛlɛ yele í da yeyɛɛ kɛɛlɛ canʔa o canʔa àmɛɛ Kolocɔlɔɔ lǎli naa yiri lè Níjanʔa, koro ga pye yele wàa faala a kɔ́ gi yaʔa kapeelaa í wi fáana pùuni wi zɔ̌nw í nìri kapeeli bee báriga ni í.

Zyaki 4:13

Ye lóʔo mii ma, yele bele ye gi nyuu lè níì jo: «Níjanʔa wàlá nyɛ̀ʔɛna wolo a kári kèkpɔɔgi yaa ma, wolo si a sa kòro yaà beè bi yɛɛlɛ nibin kwɔ́ɔ sáā jàgi wáa, koro ga pye wolo í wáli saʔa taa!»

Zyaki 5:1

Yele bele ye nyɛ lè lɔ́ri fɔ̀ɔlɔ, yele ní mii a joo tɔ́ɔliw ni! Ki n yɛlɛ yaa nyaan yáā sùpiigèle wáa wɔʔɔli kéele na li maa ba too yele na lè!