Sélimɛ 10:5 - Cebaara Bible 2010

⁵ Poro ni syɛ̀ɛnnɛ yiri n tɛ́ɛn syɛɛnfeleyi lòyo nínge tátɛɛgéle ni, be tátɛɛyi ni n yɛlɛ ní be syɛɛnfeleri, ní be túluyi, ní be syɛɛnfeleyi ni.

Sélimɛ 10:5 Iomraidhean Croise

Sélimɛ 10:20

Poro be nyɛ Kami jáabèle, n yɛlɛ ní be túluyi, ní be syɛɛnfeleri ní, be tátɛɛyi, ní be syɛɛnfeleyi ni.

Sélimɛ 10:25

A Hebɛɛri nànbiigéle siin see, pe maa ni wozeliw yiri Pelegi, níì cán woro lǎli ni tári tíla, ní i wi senyɛnw yiri Yokitan.

Sélimɛ 10:32

Yee bee si yi pye Nowe jáabèle túluyo woolo n yɛlɛ ní be yòdaʔayi, ní be syɛɛnfeleyi ní. Poro ni syɛɛnfeleyi yiri n cariga n màʔa lònɛʔɛgi sɔ̀lɔlɔ kàdoʔo ma.

Sélimɛ 10:4

Yavan jáabèle si i nyɛ Elisya, ní Tarisiisi, ní Kitiimi, ní Dodanimi.

Sélimɛ 10:6

Kami jáabèle be nyɛ Kusyi, ní Misirayimi, ní Puti, ní Kanaan.

Sélimɛ 9:19

Bele bee taanri be pye Nowe jáabèle, poro ni syɛ́ɛnbèle yiri n níì pye tári myɛ na.

Ɛsitɛri 10:1

A fànʔafɔw Asyerusi nyǔnyi lɔ́rɔ cáan tári, ní sólomi lɔ̀ʔɔ nínge tátɛɛgéle woolo na.

Ŋúnuyi 72:10

Tarisiisi fànʔafɔbèle, ní lǒgi nínge tátɛɛgéle fanʔafɔɔlɔ a ba ra kpɔ́ʔɔri kaangi wi ma. Saba ní Seba fànʔafɔbèle a ba ra yakaanri kaangi wi ma.

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 24:15

Koro na yaa Yawe kpɔ́ʔɔgi canʔafolomɔ kabangi ma, yaa Yawe Isirayɛli ye Kolocɔlɔw mɛ́ʔɛ kpɔ́ʔɔgi sólomi lɔ̀ʔɔ nínge tátɛɛgéle ni.

Ezayi 40:15

Wéle, syɛɛnfeleyi i nyɛ àmɛɛ lòsɔ̄lɔlɔ nibin nyɛ li yiri kasànna ni n too lè. Yi i nyɛ àmɛɛ cíbige nyɛ lè cúlo na. Wéle lǒgi nínge tátɛɛgéle i nyɛ àmɛɛ cíbi-yárira nyɛ lè.

Ezayi 41:5

Lǒgi nínge tátɛɛgéle woolo i wi nyaagi, a fyáara pye be na. Tári láʔagéle woolo i cɛ̀lɛ́, pe i nùuní ni maa.

Ezayi 42:10

Yaa ŋúnuvɔngɔ ŋúu Yawe ma, wi sòololi wóʔo, nlaa yaà dulunyanw láʔala na, yele bele ye sɔ̀lɔ́ ni máari lè sólomi lɔ̀ʔɔ ǹjoʔo ni, ní yele bele ye gi nyìn lè, ní lǒgi nínge tátɛɛgéle, ní ge tɛ́ɛnfɔbèle.

Ezayi 42:4

Wi fǎngi a cɛ́rɛ í, zɔ̀nviige a wi kɔni í, bi taa wi ba kútiisinw télege tári na, lǒgi nínge tátɛɛgéle woolo si yére wi làlwaw ni.»

Ezayi 49:1

Lǒgi nínge tátɛɛgéle, ye lóʔo mii ma! Yele tɛɛ̀leeliyi syɛɛnfeleye, ye líiyi cáan! Yawe n mii yeri nlaa yaà mii nɔ́ɔw láʔa ni, wi n mii mɛ́ɛgi yeri lǎli ni mii nɔ́ɔw mii see n cáan lè.

Ezayi 51:5

Mii sínni n nùuni, syɔɔli mii kaangi lè, li a liyɛɛ dɛ̀ɛn, mii kɔ́yi si kútiiw kúun syɛɛnfeleyi na. Lǒgi nínge tátɛɛgéle woolo a be sɔ̀ngumi taʔa mii na, pe a peyɛɛ yaʔa mii kɔ́yi ni.

Ezayi 59:18

Wi a syɔɔn o syɔɔn sàra bi yɛlɛ ní gee ní wi yɛlɛ bi taa lè, wi fundanʔari a kòro wi kàsiitun-nyɛ́nbèle na, Wi nigoobèle si gi taa, gee gi yɛlɛ be na lè, bi koro wonijangi kpéʔele lǒgi nínge tátɛɛgéle woolo na.

Ezayi 60:9

Níì cán lǒgi nínge tátɛɛgéle woolo n be sɔ̀ngumi taʔa mii na, á Tarisiisi bàtobèle si i nyɛ yɛ́ɛgi na, bi yìri yaà ní mɔ piibèle ní léelige bi pan ní be wálifiiw, ní be tɛ́ɛw ní, Yawe mɔ Kolocɔlɔw Isirayɛli Wojanw mɛ́ʔɛ kéele na, woro wee wi nìjanri taʔa mɔ na lè.

Zyeremii 2:10

Koro na ye sɔ̀lɔ Kitiimi lǒgi nínge tátɛɛgéle ma ye gi wéle! Ye tun Kedaari ma, ye sámaga ye wéle, ye wéle kapye gi felege n kɔ́ɔ̀ pye.

Zyeremii 25:22

ní Tiiri fànʔafɔbèle myɛ na, ní Siidɔn fànʔafɔbèle myɛ na, ní lǒgi nínge tára fanʔafɔɔlɔ na, ti nyɛ lè sólomi lɔ̀ʔɔ kàbangee na,

Ezekyɛli 26:15

Kàfɔw Yawe wi syɛ́ɛnri naa joo Tiiri ma, wi n jo: «Mɔ tooli kàfulogo kéele na, lǎli ni pe ga ni cɛ́ɛn, bele be nyɛ kúkoliw na lè, lǎli ni kpóogbɔɔli ga pye mɔ níngi ni lè, lǒgi nínge tátɛɛgéle o gáā cɛ̀lɛ́ ì?

Ezekyɛli 26:18

Tɔ́ɔliw ni lǒgi nínge tátɛɛgéle i cɛ̀lɛ́ mɔ candoogi na. Zɔ̀nviikɔnirɔ i nyɛ sólomi lɔ̀ʔɔ nínge tátɛɛgéle na mɔ kwɔ́ɔli kéele na.

Danyɛli 11:18

Lǎli bee ni wi a wi yɛ́ɛgi wáa lǒgi nínge tátɛɛgéle ma bi kèle saʔa syɔɔ taa. Kàjáa nɛ̀ɛnyɛnɛgi ki a pye wi ni lè, kùndigiwaa a ba gee bee sàa, si gi sìndɛɛgi yaʔa ki lúru kòro wi na.

Sofonii 2:11

Yawe a pye fyáara yáriga be ma, níì cán wi a tári kolocɔlɔbèlē myɛ kálagi bi yirige yaà. Lǒgi nínge tátɛɛgéle syɛɛnfeleye myɛ a ra tíri da tuun wi yɛʔɛ̀ ma, yi myɛ nibin nibin, yi tarà ni.

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.